د افغانستان د اوسپنې پټلۍ ادارې مسوولان وايي چې له چین څخه ۲۲ کانتینره سوداګریز توکي د اوسپنې پټلۍ له لارې هېواد ته رالېږدول شوې دي.
دغه سوداګریز توکي نن دوشنبه د تلې ۱۷مه له دغه هېواده افغانستان ته انتقال شوې دي.
پېښو ته د رسېدو په چارو کې د دولت وزارت مسوولان وايي چې هرات کې د شوې زلزلې له امله د مړو او ټپیانو شمېر څه باندې ۴۰۰۰ کسانو ته لوړ شوی دی.
د اقتصاد وزارت سرپرست دینمحمد حنیف وايي چې بهرنۍ او کورنۍ موسسې دې هرات کې له زلزلهځپلیو سره بېړنۍ مرستې وکړي.
نوموړي دغه څرګندونې پرون یکشنبه د تلې ۱۶مه کابل کې د مرستو راجلبولو لپاره په جوړې شوې مشورتي ناسته کې کړې دي. دغه ناسته د هرات زلزلهځپلیو ته د مرستو ټولولو په موخه جوړه شوې وه.
خوست کې د مزور بوټو څخه د لاسي صنایعو جوړونکي او کاروباریان وايي چې د پخوا په پرتله یې په دې وروستیو کې کاروبار پیکه شوی دی.
له ياد بوټي څخه چې د کور بېلابېل وسایل جوړېږي، جوړونکي یې وايي، د دغه کاروبار له پیکهکېدو سره له اقتصادي ستونزو سره مخ شوې دي.
د هند په کوربهتوب د روان کال د یو ورځنیو سیالیو نړیوال جام کې نن د نیوزیلنډ کرېکټ ملي لوبډله له نیدرلنډ سره سیالي کوي.
ټاکل شوې چې دغه لوبه نن دوشنبه د اکتوبر نهمه د حیدراباد په «راجېف ګاندي کرېکټ نړیوال لوبغالي» کې ترسره شي.
د افغاني سرې میاشتې ټولنې مسوولان وايي چې د هرات په زلزلهځپلیو سیمو کې د لټون او ژغورنې عملیات پای ته رسېدلې دي.
د یادې ټولنې د مسوولانو په وینا، په دې زلزله کې څه باندې ۲۴۰۰ کسان مړه شوي او سلګونه نور ټپیان دي.
د کندهار او روزګان په بېلابېلو سیمو کې د هرات زلزلهځپلیو سره د مرستو لپاره د مرستو ټولولو صندوقونه کېښودل شوې دي.
د کندهار اطلاعاتو او فرهنګ رییس انعامالله سمنګاني سلاموطندار ته ویلي چې هرات کې د شوې زلزلې له کبله وضعیت بېړنی دی او له همدې امله یې د مرستو ټولولو لپاره صندوقونه اېښي دي.
د روغتیا نړیوال سازمان وايي چې د افغانستان لوېدیځ هرات کې د شوې زلزلې له امله ټپیانو ته د روغتیايي مرستو رسونې لپاره یې د ماهرینو یوه ډله دغه ولایت ته رسېدلې ده.
د افغانستان کرېکټ ملي لوبډلې وتلی ستوری راشدخان وايي چې د نړیوال جام د خپلو ټولو سیالیو فیسونه «پیسې» به هرات، بادغیس او فراه کې زلزلهځپلیو ته ورکړي.
د هرات زندهجان ولسوالي کې د شوې زلزلې له امله د مړو شویو کسانو شمېر ۲۰۵۳ کسانو او د ټپیانو شمېر هم څه باندې ۹۰۰۰ ته لوړ شوی دی.
دغه زلزله د مرګژوبلې له امله په وروستیو څو کلونو کې تر ټولو خونړۍ او کمسارې بلل شوې ده.
د افغاني سرې میاشتې ټولنه وايي چې د هرات زندهجان ولسوالي کې د شوې زلزلې له امله تر خاورو لاندې د ایسارو کسانو او جسدونو د راایستلو په موخه د ژغورنې او لټون عملیات روان دي.
د ریاستالوزرا اقتصادي مرستیال عبدالغني برادر وايي چې سوداګر او شتمن دې هرات کې له زلزله ځپلیو سره مرسته وکړي.
نوموړي چې نن یکشنبه د تلې ۱۶مه کابل کې یوې غونډې ته وینا کوله پر سوداګرو او شتمنو غږ وکړ چې د هرات زندهجان ولسوالي کې دې له زلزله ځپلیو سره خپلې مرستې ونهسپموي.
هرات کې د شوې زلزلې له امله د ټپیانو درملنې لپاره دغه ولایت کې له ټولو ښځینه ډاکټرانو غوښتنه شوې چې د یاد ولایت، حوزوي روغتون ته ورشي.
د هرات حوزوي روغتون کې یوه ډاکټر د نوم نه ښودلو په شرط سلاموطندار ته ویلي چې د هرات زندهجان ولسوالي کې د شوې زلزلې له امله تراوسه دغه روغتون ۱۸۰ جسدونه او ۵۰۰ ټپیان وروړل شوي دي.
د بهرنیو چارو وزارت وايي چې فلسطین کې د یوه خپلواک هېواد لپاره د دغه هېواد له مقاومت او دفاع څخه ملاتړ کوي.
دغه وزارت پر خپله اېکس ټولنیزه شبکه «ټوېټرپاڼه» لیکلي چې ا.ا د فلسطینیانو د یوه خپلواک هېواد د لرلو لپاره د دغه هېواد له قانوني او تاریخي مقاومت څخه ملاتړ کوي.
پېښو ته د رسېدو په چارو کې د دولت وزارت د هرات په زنده جان ولسوالي کې له خاورو لاندې د خلکو د رااېستلو لپاره له مرستندویه بنسټونو څخه د بېړنۍ مرستې غوښتنه کړې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
