د چین سفیر سراج‌الدین حقاني ته: د افغانستان کورنیو چارو کې د لاسوهنې هېڅ اراده نه لرو

له هغه وروسته چې افغانستان کې پخوانی اسلامي جمهوریت ړنګ او ا.ا واک ته ورسېد، چین د هغو ګوتو په شمېر هېوادونو له ډلې یو و چې له ا.ا سره یې اړیکه ټینګه او تر اوسه یې دوام ورکړی دی. که څه هم چین تر اوسه ا.ا په رسمیت نه‌دی پېژندلی، خو دواړو لوریو په تېرو دوو کلونو کې هڅې کړي، څو خپلې اړیکې نه یوازې وساتي، بلکې لا یې پراخې کړي.

د خوړو نړیوال پروګرام: که بودیجه مو ترلاسه نه‌کړه، له افغانستانه به ووځو

د خوړو نړیوال پروګرام خبرداری ورکړی که دغه بنسټ د افغانستان لپاره د اړتیا وړ بودیجه برابره نه‌کړي، یاد هېواد کې به خپل ټول فعالیتونه ودروي.

د خوړو نړیوال پروګرام زیاته کړه چې راتلونکو شپږو میاشتو کې اړمنو ته د مرستو رسولو لپاره یو میلیارډ ډالرو ته اړتیا لري.

هېواد کې د پانګونې لپاره د اسانتیاوو نه برابرېدو په اړه د پانګه‌والو اندېښنې

یوشمېر پانګه‌وال د ا.ا له‌خوا د پانګونې بین‌الوزارتي کمېټې له جوړېدو سره هم‌مهاله وايي چې په تېرو دوو کلونو کې یې په بېلابېلو برخو کې پانګونه کړې، خو په هېواد کې د پانګونې لپاره د فرصتونو نه‌شتون او د دوی پر وړاندې شته ننګونو په اړه اندېښنې لري.

افغانستان کې د نظامي عملیاتو په اړه د پاکستان خبرداری؛ مجاهد: ا.ا به یې ځواب ورکړي

د پاکستان د لنډمهالي حکومت لومړي وزیر انورالحق کاکړ تازه د امریکا غږ له اردو برخې سره په مرکه کې ویلي چې پاکستان به له اړتیا سره سم په مشخص وخت کې د ځان د دفاع لپاره په افغانستان کې نظامي عملیات وکړي. نوموړي ټینګار کړی چې دغه هېواد حق لري، څو د ځان او خپلو خلکو د دفاع لپاره په دې برخه کې لازم ګامونه اوچت کړي.

سرپل کې د ا.ا له واکمنېدو وروسته لومړنۍ کلتوري‌-‌ادبي مشاعره جوړه شوه

سرپل کې د ا.ا له واکمنېدو وروسته لومړنۍ کلتوري‌-‌ادبي مشاعره جوړه شوه. دا مشاعره پرون (د وږي ۲۵مه، د شنبې ورځ) د دغه ولایت د اطلاعاتو او کلتور ریاست له لوري د یوشمېر شاعرانو، لیکوالانو او ځوانانو په ګډون جوړه شوې ده.

ذبېح‌الله مجاهد: افغانستان به د هر ډول خوځښت ځواب ورکړي

د ا.ا ویاند ذ.‌بېح‌الله م.جاهد له سلام‌وطندار سره مرکه کې که څه هم د پاکستان د لنډمهالي لومړي وزیر انورالحق کاکړ د هغو څرګندونو په اړه بې‌خبري ښيي چې ویلي دي، دغه هېواد به په مشخص وخت کې د ځان د دفاع لپاره په افغانستان کې نظامي عملیات وکړي، خو ټینګار کوي چې د افغانستان حکومت چمتو دی چې په داسې وضعیت کې خپله خاوره وساتي.

بدخشان کې څلور ځوانې نجونې اوبو وړي

د بدخشان د امنیې قومانداني مسوولان وايي چې څلور نجونې پرون (د وږي ۲۵مه، د شنبې ورځ) د دغه ولایت د مایمي ولسوالي په «تنګ شېوه» سیمه کې اوبو ډوبې کړې دي.

د پکتیا امنیتي مسوولان: یوه کال کې د وژنې ۷۳ پېښې شوي

د پکتیا د امنیې قومانداني د امنیت آمر قاري اسلم کرامت په دې غونډه کې وویل چې د تېر یوه کال پر مهال په دغه ولایت کې د وژنې ۷۳ پېښې شوي او په تړاو یې ۹۴ نارینه او درې مېرمنې نیول شوې هم دي. نوموړی وايي یادې پېښې د بېلابېلو لاملونو له کبله شوې دي.