کندهار کې پر ۶۰۰ جریبه ځمکه له پاکستانه راستنېدونکو افغانانو ته کمپ جوړېږي
د کندهار محلي مسوولان وايي چې دغه ولایت ته له پاکستان څخه په اجباري توګه د راستنېدونکو افغان کډوالو ته یې د یوه کمپ جوړېدو لپاره ۶۰۰ جریبه ځمکه ځانګړې کړې ده.
د کندهار محلي مسوولان وايي چې دغه ولایت ته له پاکستان څخه په اجباري توګه د راستنېدونکو افغان کډوالو ته یې د یوه کمپ جوړېدو لپاره ۶۰۰ جریبه ځمکه ځانګړې کړې ده.
د خوړو نړیوال پروګرام د چهارشنبې په ورځ د هرات د زندهجان ولسوالي د زلزلهځپلو سیمو یوه ویډیو خپرې کړې او پهکې ویل شوي چې له یادې زلزلې ژوندي پاتې کسان له کوره بهر په عامه ځایونو کې شپې سبا کوي او د ژوند کولو لپاره سرپناه نه لري.
نن په بلخ کې د قوشتیپې کانال د دویم فاز د جوړېدو چارې پیل شوې. د اسلامي امارت مسوولانو نن (د تلې نولسمه، د چهارشنبې ورځ) د دغه کانال د جوړېدو چارو د پیل مراسمو کې وویل چې افغانستان به د دغه فاز په جوړېدو سره کرنیزه برخه کې پر ځان بسیا شي. د ریاستالوزرا اقتصادي مرستیال عبدالغني برادر وايي چې د دغه کانال په جوړېدو سره به د افغانستان کرنه میکانیزه شي او افغانان به د کرنیزو محصولاتو له اړخه پر ځان بسیا شي.
پکتیا یو له هغو ولایتونو دی چې د مرکز ګردېز په ګډون یې ټولو ولسواليو کې د څښاک پاکو اوبو ګڼ کاریزونه او چینې درلودې چې خلکو د څښاک او کرنې لپاره ترې استفاده کوله.
د بهرنیو چارو وزارت سیاسي مرستیال شیرمحمد عباس ستانکزی وايي چې ایران او پاکستان پر اسلامي امارت د سیاسي فشار راوستلو لپاره له دغو هېوادونو د افغان کډوال د ایستلو لړۍ پیل کړې ده.
نوموړي دغه څرګندونې نن چهارشنبه د تلې ۱۹مه بلخ کې د قوشتېپې کانال د لومړي فاز د پرانېستلو پر مهال کړې دي.
هرات کې د پرلهپسې زلزلو له امله د دغه ښار ګڼشمېر اوسېدونکي له ښار څخه د وتلو په هڅه کې دي.
د راپورونو له مخې نن سهار ۵:۱۲ بجې یو ځل بیا دغه ولایت کې زوروره زلزله شوې چې زیانونه یې هم اړولې دي. د دې ترڅنګ د زلزلو له وېرې نن چهارشنبه د هرات ښار ګڼشمېر اوسېدونکي له دغه ښاره د وتلو په هڅه کې دي.
د هند په کوربهتوب د روان ۲۰۲۳ کال د یو ورځنیو سیالیو نړیوال جام کې نن د افغانستان کرېکټ ملي لوبډله د یاد هېواد د کرېکټ ملي لوبډلې پر وړاندې لوبه کوي.
ټاکل شوې چې دغه لوبه نن چهارشنبه د اکتوبر ۱۱مه د ډیلي په «اروون جېټلي کرېکټ لوبغالي» کې ترسره شي.
پکتيا کې د کرېکټ امریت مسوولان وايي چې دغه ولایت کې د «انټرکلب» په نوم پیل شوې سيالي د څوانانو لوبډلې په بریا پای ته ورسېدې.
یادې سیالي څه موده وړاندې پیل شوې او پرون سهشنبه د تلې ۱۸مه پای ته ورسېدې.
د اکټوبر لسمه، د اروايي روغتیا له نړیوالې ورځې سره برابره ده. د دې ورځې له را رسېدو سره هممهاله په افغانستان کې د روغتیا نړیوال سازمان مسوولان وايي، د اوږدمهاله جګړو له کبله ۸۵ سلنه افغانانو زیاناړوونکې پېښې لیدلي یا یې قربانیان دي چې له امله یې اوس د افغانستان نیمايي وګړي پر اروايي ناروغیو اخته دي.
په کابل کې د اوزبکستان سفارت نن (سه شنبه د تلې ۱۸مه) په یوه خبرپاڼه کې ویلي چې دغه هېواد د هرات زلزله ځپلو کورنیو ته نږدې سل ټنه بشري مرستې لېږلې دي.
د هرات زندهجان ولسوالي کې د شوې زلزلې له کبله د زیانمنو کورنیو پاتې ژوندي کسان له حکومت د سرپناه د جوړېدو غوښتنه کوي.
دوی سلاموطندار ته ویلي چې شته خېمې ورته بسنه نهکوي او په وینا یې، تر خېمو لاندې په سړه هوا کې ژوند ستونزمن دي.
د غور یوشمېر اوسېدونکي وايي چې له تېرو دوو اوونیو راهیسې دغه ولایت کې د اوبلن ګازو بیه له ۶۵ افغانۍ څخه ۸۰ افغانیو ته لوړې شوې ده.
دوی له سرپرست حکومت غوښتنه کوي چې د یاد ولایت په بازارونو کې دې د اوبلن او سوند توکو بیې کنټرول کړي.
د لوګر پوهنې ریاست چارواکي وایي چې د دغه ولایت د پوهنې ریاست کارکوونکو او ښوونکو د یوې پرېکړې له مخې د خپلې یوې ورځې معاش د هرات زلزلهځپلیو کورنیو ته د مرستې په توګه ځانګړی کړی دی.
د افغاني سرې میاشتې ټولنې مسوولان وايي چې هرات کې د شوې زلزله له امله ژوندي پاتیو کسانو ته یې د څښاک پاکې اوبه او خواړه رسولې دي.
د ریاستالوزرا اقتصادي مرستیال عبدالغني برادر وايي چې د هرات زلزلهځپلیو ته به په اساسي او معیاري توګه د هستوګنې کورونه جوړ کړي.
عبدالغني برادر چې هرات کې له زلزلهځپلیو سیمو څخه لیدنې لپاره دغه ولایت ته تللی، یوې غونډې ته وویل چې د زلزلې له امله شاوخوا ۱۵۰۰ کورونه نړېدلې چې سرپرست حکومت به یې په اساسي توګه بېرته ورغوي.
په هرات کې د شنبې ورځې خونړۍ زلزلې او له کبله یې اوښتې مرګژوبلې او زیانونو د هېواد په دننه او بهر کې افغانان اړ کړل چې له زلزلهځپلیو سره د مرستې را ټولولو کمپاین پیل کړي.
د کابل ښار د پروان هوټل سیمه کې د مرستې را ټولولو مسوول فهیم او د کابل ښار په نجارانو کلا کې د د مرستې را ټولولو مسووله نفیسه وايي، د هرات له زلزلهځپلیو سره د مرستې په موخه یې د پلازمېنې کابل په بېلابېلو برخو کې له لسو ډېر کمپاینونه پیل کړي او په وینا یې، را ټولې شوې مرستې به هرات ته ولېږدوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون