په هلمند کې ځینې سرچینې وایي چې د دغه ولایت د نادعلي ولسوالي په دښت سیمه کې یو کس د برمې څاه ته ور لوېدلی دی.
سرچینې وايي، که څه هم تراوسه روښانه نه ده چې دا ځل به څاه ته ماشوم لوېدلی وي که غټ، خو په وینا یې، ویل کېږي چې یوه ښځه ور لوېدلې ده.
ویل کېږي د هلمند له مرکز نه د ژغورنې ډله ځینو وسایلو سره سیمې ته ورغلي، څو د برمې څاه ته لوېدلی کس را وباسي او ویې ژغوري.
د سلام وطندار موندنې ښیي چې تېرو اتو میاشتو کې ۲۵ کسان چې ډېری یې ماشومان دي، ژورو څاه ګانو ته د لوېدو له کبله مړه شوي دي.
