د امر بالمعروف او نهی عن المنکر وزارت په کابل ښار او اړوند سیمو کې تفریحي پارکونو ته پر یوه وخت د ښځو او نارینهوو پر ورتګ بندیز اعلان کړ او پارکونو ته د ښځو او نارینوو د ورتګ لپاره یې ځانګړی مهالوېش ټاکلی دی.
د یاد وزارت په اعلامیه کې ویل شوي چې ښځې باید پارکونو ته د ورتګ پرمهال شرعي حجاب مراعت کړي.
د سلاموطندار پښتو فېسبوکپاڼه وڅارئ
د امر باالمعروف او نهی عن المنکر وزارت نن یکشنبه په یوې خبرپاڼه کې یکشنبه، دوشنبه او سېشنبې ورځې د ښځو لپاره ټاکلي او چهارشنبه، پنجشنبه، جمعې او شنبې ورځې یې د نارینو لپاره ټاکلي دي.
د دغه وزارت لهخوا په خپره شوې خبرپاڼه کې ویل شوي چې د ښځو پر ورځ پارکونو ته د نارینوو ورتګ ته اجازه نهشته.
بلخوا امر بالمعروف او نهی عن المنکر وزارت د اسلامي امارت له سرتیرو څخه غوښتي چې له پوځي یونیفورم او وسلو سره باید پارکونو ته ولاړ نشي.
وزارت ټینګار کړی که چېرې د اسلامي امارت سرتیري له پوځي وسایلو او یونیفورم سره پارکونو ته لاړ شي، د پارکونو د مالکانو او مسوولانو سره به جدي چلند وکړي.
سلاموطندار پر ټویټر هم وڅارئ
یاد وزارت همدارنګه د پغمان درې، شکردرې، استالیف او نورو سیمو ته د تفریح لپاره له تلوونکو کورنیو څخه غوښتي چې په یادو ځایونو کې شرعي حجاب مراعت کړي او له پردیو خلکو څخه ځانونه وساتي.
