ولسمشر محمداشرف غني چې نن سهار د خوست هوايي ډګر د پرانېستې ترڅنګ، د دغه ولایت د عمومي وضعیت ارزونې په موخه خوست ته تللی وايي، طالبان سوله نه غواړي او د پردیو لپاره جګړه کوي.
هغه طالبانو ته په خطاب کې وویل، که افغانان وي، د ډیورنډ فرضي کرښه دې په رسمیت نه پېژني او سړکونه، د اوبو بندونه او نور عامه بنسټونه دې نه نړوي.
د سلاموطندار پښتو فېسبوکپاڼه وڅارئ
ولسمشر زیاته کړه، طالبان دې ژمنه ورسره وکړي چې افغانستان به له څلورلارې پر یوې نه بدلوي او اوبه به یې هم پر پردیو نه پلوري.
- ولسمشر: افغانستان د سقوط پړاو کې نه دی
- ولسمشر غني د سولې د لارې نقشې چارچوب تشرېح کړ
- ولسمشر: نړیواله ټولنه دې د اوربند څارنه او د سولې ضمانت وکړي
- تاجکستان ته د ولسمشر سفر؛ یوه ګډه اعلامیه او پنځه هوکړهلیکونه لاسلیک شول
طالبانو تر اوسه د ولسمشر غني د دغو څرګندونو په اړه څه نه دي ویلي.
ولسمشر دغه راز خوستیانو ته وویل چې ولایت یې له دویمې درجې، پر لومړۍ درجې بدل کړی او په دوو میاشتو کې به ټول امکانات ورته برابر کړي. نوموړي ټینګار وکړ چې په خوست کې به د روغتیايي او پراختیايي پروژو پلي کېدو ته ځانګړی پام وکړي.
له ولسمشر سره په دغه سفر کې د هغه لومړی مرستیال امرالله صالح، د چارو ادارې لوی رییس فضل محمود فضلي، د سیمهييزو ارګانونو خپلواکې ادارې رییس شمیمخان کټوازی، د کابینې ځینې غړي او یوشمېر نور لوړپوړي چارواکي ملتیا کوي.