بدخشان کې ولسي سرچینې وايي چې پېښه نن له غرمې مخکې ۱۰:۳۰ بجې د یاد ولایت په مرکز فیضاباد کې هوايي ډګر ته څېرمه د دوو رونېکس موټرو د ټکر له امله رامنځته شوې ده.
د بدخشان د اطلاعاتو او فرهنګ رییس معزالدین احمدي د یاد خبر د تایید ترڅنګ ویلي چې پېښه کې درې کسان مړه شوي او څلور نور ټپیان دي. احمدي د پېښې لامل د موټر چلوونکي بېاحتیاطي بولي.
د سلاموطندار پښتو فېسبوکپاڼه وڅارئ
د بدخشان د اطلاعاتو او فرهنګ د رییس په وینا، د پېښې ټپیان ولایتي روغتون ته لېږل شوي او تر درملنې لاندې دي. دوه ورځې وړاندې هم په دغه ولایت کې د یوه موټر د چپهکېدو پېښه کې درې کسان مړه شوي وو.
دا په داسې مهال ده چې په دې وروستیو کې د هېواد په یوشمېر ولایتونو کې ټرافیکي پېښې زیاتې شوي چې چارواکي یې لاملونه، د لارو خرابوالی او د موټر چلوونکو بېاحتیاطي بولي.
