نیویارک ټایمز ورځپاڼې د لوړوپوړو امریکايي چارواکو له قوله لیکلي چې د دغه هېواد دفاع وزارت هغه مهال چې د افغانستان وضعیت د ناورین لوري خوا ته ولاړ شي او د کابل په ګډون، ستر ښارونه له ګواښ سره مخامخ شي، د خپلې هوايي مداخلې څرنګوالی ارزوي.
په راپور کې لیکل شوي چې تر اوسه په دې برخه کې کومه پرېکړه نه ده شوې، خو کېدای شي دا موضوع د یوه غوراوي په توګه د ارزونې وړ وي.
د سلاموطندار پښتو فېسبوکپاڼه وڅارئ
په همدې حال کې د ملي دفاع وزارت وايي، افغان امنیتي او دفاعي ځواکونه د هر ډول عملیاتو وړتیا لري، خو د اړتیا پر مهال به د بهرنیو ځواکونو هوايي همکاري هم ولري.
- له افغانستانه د امریکايي ځواکونو اېستلو په اړه د بایډن اعلان
- امریکا ملي دفاع وزارت ته ۶۴۰ جنګي وسایط وسپارل
- د افغان ځواکونو پر ملاتړ د امریکا د ملي امنیت سلاکار ټینګار
د ملي دفاع وزارت ویاند روحالله احمدزی وايي، افغان ځواکونه اوس د هر ډول ځمکنیو او هوايي بریدونو وړتیا لري او دا یې له ترهګرو سره د جګړې په ډګر کې ثابته کړې ده.
د سیاسي او نظامي چارو شنونکي هم وايي چې د افغان ځواکونو د ملاتړ په موخه د بهرنیو ځواکونو هوايي بریدونه مرستندوی نه تمامېږي او په وینا یې، د هېواد ستر ښارونه به د طالبانو لاس ته ور نه شي.
د نظامي چارو شنونکی اسدالله ندیم وايي، که امریکا افغان ځواکونو ته لازم تجهیزات برابر او هغه په سم ډول مدیریت شي، د ځواکونو هوايي مداخلې ته یې اړتیا نشته. د هغه په خبره، امریکا باید د افغانستان پر سیاسي حللارې تمرکز وکړي.
تر دې مخکې داسې راپورونو خپاره شوي وو چې ټاکل شوې امریکا له افغانستانه تر وتلو مخکې د کابل د سقوط مخنیوي په موخه سلګونه ځانګړي ځواکونه په پلازمېنه کې ځای پر ځای کړي.
