د میوند اوسېدونکي: حکومت دې د یادې ولسوالي تاریخي سیمې بیاورغوي

د کندهار د میوند ولسوالي اوسېدونکي وايي چې دغه ولسوالي کې تاریخي سیمې د له‌منځه تلو له ګواښ سره مخ دي.

د یادې ولسوالي اوسېدونکي سلام‌وطندار ته وايي، د میوند ولسوالي بازار شاته «شنه کلا» چې تاریخي ارزښت لري، اوس یې شاوخوا سیمې کیندل شوي او خاوره یې د سیمې خلک د خپلو کورونو جوړولو لپاره کاروي.

د پاکستان لومړی وزیر: له افغانستانه راته ګواښ نه‌دی پېښ؛ ا.ا: هرکلی ترې کوو

د پاکستان د لنډمهالي حکومت لومړي وزیر انورالحق کاکړ د لومړي ځل لپاره له یوې پاکستانۍ رسنۍ سره مرکه کې ویلي، له افغانستانه پاکستان ته هېڅ ګواښ نشته او افغانانو هېڅ‌کله پاکستان ته ګواښ نه‌دی پېښ کړی.

د افغانستان سرپرست حکومت د کاکړ له دغو څرګندونو هرکلی کړی دی.

د ترهګرۍ ګواښ د پېښېدو ادعا؛ شنونکي: پاکستان غواړي نړۍ ته ځان مظلوم وښيي

د پاکستان پوځ په یوې خبرپاڼه کې ادعا کړې چې افغانستان کې شته ترهګري اسلام‌اباد لپاره ګواښ دی او د دغه هېواد حکومت باید د نورو هېوادونو پر ضد د افغان خاورې د نه کارېدو په اړه پر خپلو کړیو ژمنو عمل وکړي. د پاکستان پوځ دغه خبرپاڼه جمعه د چنګاښ ۲۳مه بلوچستان ته د پوځ مشر عاصم منیر له سفیر وروسته خپره کړې ده.

تاجکستان له افغانستان سره پولې ته نږدې دوه امنیتي پوستې جوړې کړي

افغانستان کې امنیتي ګواښونو څخه د اندېښنو په دوام د تاجکستان ولسمشر امام‌علي رحمان پرون یکشنبه د غبرګولي اتمه افغانستان سره پولې ته نږدې د ختلان ولایت «توس» سیمه کې دوه امنیتي پوستې جوړې کړي دي. د ټولییز امنیت تړون غړیو هېوادونو د دفاع وزیرانو هم افغانستان کې له ترهګریزو فعالیتونو اندېښنه څرګنده کړې ده.

د سمرقند غونډې ګډې خبرپاڼې ته غبرګون؛ ا.ا: اوسنی حکومت ټول‌ګډونه دی

ا.ا د افغانستان د ګاونډیو هېوادونو د بهرنیو چارو وزیرانو ګډې خبرپاڼې ته په غبرګون کې ویلي، اوسنی حکومت ټول‌ګډونه دی او ولسي ملاتړ له ځان سره لري.

د ازبکستان په کوربه‌توب د افغانستان د ګاونډیو هېوادونو د بهرنیو چارو وزیرانو له ناستې وروسته په خپره شوې ګډه خبرپاڼه کې افغانستان کې د ټول‌ګډونه حکومت پر جوړېدو ټينګار شوی دی.

د مورنۍ ژبې نړیواله ورځ؛ پامیري، واخاني او اویغوري ژبې د ورکېدو ګواښ سره مخ دي

نن د فبرورۍ ۲۱مه ټوله نړۍ کې د مورنۍ ژبې د نړیوالې ورځ په نوم نمانځل کېږي. له دې سره هم‌مهال یو‌شمېر هېوادوال شکایت کوي چې په خپلې مورنۍ ژبې ورته د زده‌کړو زمینه نه ده برابره شوې او وېره لري چې ژبه یې د ورکېدو له ګواښ سره مخ ده.

ا.ا د خېبرپښتونخوا له ترهګرۍ سره د مبارزې ادارې وروستۍ ادعا رد کړه

د ا.ا حکومت د پاکستان د خېبرپښتونخوا ایالت اړوند له ترهګرۍ سره د مبارزې ادارې هغه ادعاوې په کله رد کړي چې ګواکې دغه ایالت کې پر پوځيانو شوی ځانمرګی برید په افغانستان کې پلان شوی و. په ورته مهال شنونکي وايي چې واک ته د اسلامي امارت تر رسېدو وروسته سیمه په ځانګړې توګه پاکستان کې وسله‌والې ډلې پیاوړې کړې دي.

د هلمند اوسېدونکي: له جګړو پاتې ناچاودي ماینونه مو ژوند ګواښي

که څه هم هېواد کې د جګړې تود ډګرونه ساړه شوي، خو له جګړې پاتې ناچاودې توکي او ماینونه لا هم د عامو افغانانو ژوند ګواښي.

د هلمند مرکز لښکرګاه ښار ختیځ کې «سرکار» سیمه چې د تېرو شلو کلونو پر مهال په‌کې سخته جګړه روانه وه، اوس یې اوسېدونکي وايي چې له جګړو پاتیو ناچاودو ماینونو یې ژوند سخت کړی دی.

بې‌پولې ډاکټران: افغانستان کې د ښځینه ناروغانو او کارکوونکو راتلونکې له ګواښ سره مخامخ ده

د بې‌پولې ډاکټرانو سازمان پرون جمعه په یوه خبرپاڼه کې لیکلي، هېڅ رسمي ضمانت نشته چې دغه سازمان له کوم خنډ پرته خپل کار ته دوام ورکړي.
د بې‌پولې ډاکټرانو سازمان په وینا، ګڼ‌شمېر هغه ښځې چې له دغه سازمان سره کار کوي، ناهیلې شوي او د راتلونکې په اړه وېره لري.

سعودي عربستان او امریکا پاکستان کې خپلو وګړو ته خبرداری ورکړی

سعودي عربستان او امریکا پاکستان کې خپلو وګړو او ډېپلوماټانو ته دغه هېواد کې د ترهګریزو بریدونو د ډېروالي امله خبرداری ورکړی دی.

دغو هېوادونو په جلا جلا خبرپاڼو کې له خپلو وګړو غوښتنه کړې چې له غیرضروري سفرونو دې بهر ته له تلو ډډه وکړي.

ګوټرېش: ا.ا دې له افغانستانه ګاونډیو ته د ګواښ د پېښېدو مخه ونیسي

د ملګروملتونو سرمنشي انټونیو ګوټرېش د دې سازمان په وروستۍ کلنۍ غونډه کې د افغانستان په اړه د وینا پر مهال له اسلامي امارت غوښتنه وکړه چې له خپلې خاورې د ګاونډیو هېوادونو پر ضد د ترهګریزو بریدونه مخه ونیسي. نوموړي د ټول‌ګډونه حکومت جوړېدو، د بشري حقونو پر ټینګښت، ښځو او نجونو ته د زده‌کړو حق پر ورکړې ټينګار وکړ.

کارپوهان: د طبیعي پېښو په اړه له وړاندې خبرداری به د زیانونو کچه کمه کړي

نن د تلې ۲۱مه د طبیعي پېښو د اغېزو راکمولو نړیوالې ورځې سره برابره ده. افغانستان کې د روان کال پرمهال ګڼو طبیعي پېښو خلکو ته درانه مالي او ځاني زیانونه اړولي دي.

د روان کال پرمهال افغانستان کې مرګونو زلزلو، اورلګېدنې، او سېلابونو خلک سخت ځپلي چې اغېزې یې لا هم پر ځای پاتې دي.