نن په بلخ کې د «ښځو ځانګړي حسینه دارالعلوم» له لوري د ۱۱۵ ځوانو جوړو د ډلهییز واده پروګرام جوړ شو.
دغه ځوانې جوړې چې د بېلابېلو ولایتونو او د ټولنې په بېلابېلو پوړونو پورې اړه لري، دوی ته په ډلهييزه توګه د واده پروګرام جوړېدل مهم بولي او په وینا یې، مسوولان یې لپاره غټ کار کړی دی.
بلخ کې نن لسګونه مېرمنو او ښځینه زدهکړیالانو کابل کې پر کاج ښوونیز مرکز د برید په غبرګون کې لاریون وکړ.
اعتراض کوونکو مېرمنو د لاریون پرمهال د «هزاره وژنه بس کړئ»، «تعلیم زموږ حق دی»، «امنیت زموږ حق دی» او «ازادي زموږ حق دی» شعارونه ورکول او د عدالت د ټينګښت غوښتنه یې کوله. .
د ښځو لاسي صنایعو درېورځنی نندارتون نن د بلخ په مرکز مزارشریف ښار کې جوړ شو. ۶۰۰ ښځو په دغه نندارتون کې خپل لاسي صنایع نندارې ته ايښي، څو یې لپاره پېرودونکي ومومي.
د ښځو په لاس جوړ شوي څیزونه او د هغوی تولیدات په ۸۰ غرفو کې نندارې ته اېښودل شوي دي.
له څو ورځو راهیسې په کابل، مزار شریف او کندوز کې د اسلامي امارت له لوري د کورونو بیا پلټلو په اړه راپورونه خپرېږي. د مزار شریف او کندوز اوسېدونکو سلاموطندار ته ویلي چې اسلامي امارت په دغو ولایتونو کې یو ځل بیا د خلکو د کورونو پلټلو ته مخه کړې او لا هم دا لړۍ روانه ده. د اسلامي امارت له لوري په دغه ولایتونو کې د کورونو د پلټنې عملیاتو پیلېدل د ټولنیزو رسنیو د یوشمېر کارونو له ګڼو غبرګونونو سره هم مخ شوی دی.
د بلخ امنیتي مسوولان وايي چې نن غرمه د مزارشریف ښار اړوند څلورمه امنتیي حوزه کې چاودنه شوې ده.
د اسلامي دولت نومې ډلې یا (داعش) اعلان کړی چې د بلخ ولایت په مرکز مزارشریف ښار د درېیمې او لسمې امنیتي حوزې اړوند سیمو کې د پرونیو چاودنو مسوولیت پر غاړه اخیستی دی. په دغو چاودنو کې ۹ ملکیان وژل شوي او ۱۳ نور ټپیان شوي وو.
د بلخ اوسېدونکو د تېرو کلونو په څېر، سږ کال هم د نوي لمریز کال نمانځلو ته چمتووالی نیولی دى. دوی وایي، تمه لري چې اسلامي امارت ورته د نوي کال د نمانځنې مراسمو، د جنډې پورته کولو او د ګلسرخ مېلې اجازه ورکړي.
د بلخ ولایت یو شمېر سوداګرو، صنعتکارانو او د فابریکو خاوندانو د پنجشنبې په ورځ خبري غونډه کې د امریکا د ولسمشر پر هغه اجرایوي فرمان نیوکه وکړه چې امریکا غواړي د افغانستان بانک له کنګل شویو شتمنیو څخه نیمه برخه یې د سپټمبر ۱۱مې د قربانیانو کورنیو ته د غرامت په توګه ورکړي. هغوی د بایډن دغه پرېکړه بشري ضد او غیر قانوني عمل بولي.
د اسلامي امارت تر واکمنېدو وروسته بلخ کې په لومړي ځل د والیبال سیالۍ ترسره شوې. دا سیالۍ د بلخ په کوربهتوب او د هېواد له لویو ښارونو څخه د ۱۰۰ لوبغاړو په حضور د درېو ورځو لپاره پیل شوې.
په شمالي ولایتونو (سرپل، فاریاب، جوزجان او بلخ) کې د جګړې له امله یوشمېر بېځایه شوې کورنۍ چې په مزارشریف ښار کې په کمپ/یونټ کې ژوند کوي، سلاموطندار ته وایي چې د خوړو نهشتوالي، لوږې او بېوزلۍ او د بېلابېلو ناروغیو د خورېدو له امله اړ شوي چې خپل ماشومان او پښتورګي وپلوري، خو د ديني علماوو په منځګړیتوب او د يوې خيريه موسسې په مرسته یې مخه نیول شوې ده.
په بلخ کې د خوړو نړیوال پروګرام له اووم تر دولسم ټولګي پورې ۴۵۷۹۰ ښځينه زدهکوونکو باندې د نغدي مرستو د وېش بهیر پیل کړ چې له هرې زدهکوونکې سره به ۲۵۰۰ افغانۍ مرسته وشي. دغه بهیر د نومبر میاشتې له لومړیو پیل شوی وو او د زدهکوونکو له سروې او بایومټریک وروسته یې د مرستو د وېش بهیر پیل شوی دی.
انسان تښتوونکو بېګاه په بلخ کې د رواني ستونزو او عصبي ناروغیو متخصص نادر عالمي وژلی دی.
د مزارشریف د حوزوي روغتون رییس غوثالدین غوري وايي چې نادر عالمي بېګاه وژل شوی دی.
نادر عالمي وږي میاشتې په ۲۹مه د مزارشریف ښار په نواباد کې د هغه کور ته له نږدې سیمې تښتولی شوی و.
د اسلامي امارت په راتلو سره په هېواد کې ګڼشمېر کسانو خپلې دندې له لاسه ورکړي او په ناوړه اقتصادي وضعیت کې شپې او ورځې تېروي. بلخ هم یو له هغو ولایتونو دی چې په دې وروستیو کې د وزګارتیا او کار نهشتون له امله پکې د سوالګرو شمېر ډېر شوی دی.
د اسلامي امارت له راتګ څه باندې دوه میاشتې تېریږي او د نورو ولایتونو ترڅنګ بلخ کې هم د سوند توکو بیې دوه برابره شوي چې د دغه ولایت اوسېدونکي یې اندېښمن کړي دي.
د بلخ په ولسوالیو کې د درملو او نورو امکاناتو نه موجودیت هغه ستونزه ده چې له کبله یې سلګونه ناروغان او د هغوی پایوازان مزارشریف ښار ته راغلي او دلته هم د ډاکټرانو او مسوولانو نه پام له ستونزو سره مخ کړي دي. مرتضی چې خپله مور یې د شولګرې ولسوالي له یوه کلي نه ښار ته راوستلې وايي، مزارشریف کې هم درمل او ډاکټر نه پیدا کېږي.
د شاعر او لیکوال کاظم امیني لور چې تېره جمعه د بلخ مرکز مزار شریف ښار له څلورمې ناحیې څخه تښتول شوې وه پرون يې کورنۍ نوموړې بېرته پیدا کړه او طالبانو یې کورنۍ ته ویلي، لور یې باید له برمته کوونکي سره نکاح وکړي، ځکه د طالبانو په وینا، د تښتول شوې نجلۍ کورنۍ دغه صحنه په لوی لاس جوړه کړې وه.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
