د بلخ د مرکز مزارشریف ښار یوشمېر اوسېدونکي وايي، د روژې په لومړیو ورځو کې د لومړنیو خوراکي توکو بیې د پام وړ لوړې شوي او دوی یې د پېرلو وسه نه لري.
دوی هېواد کې شته بېوزلۍ، وزګارتیا او د خلکو کمزوري اقتصادي وضعیت ته په کتو د اندېښنې وړ بولي او غوښتنه کوي چې باید بازار کنټرول او څارنه یې وشي.
د بلخ د ټرافیکو مدیریت مسوولان وايي، د روان لمریز کال پر مهال په دغه ولایت کې د ټرافیکي پېښو له کبله ۱۰۸ کسان مړه شوي او ۱۶۰ نور ټپیان دي.
د بلخ د ټرافیکو مدیر عبدالقیوم مبارز وایي، دغو کسانو ته د بلخ-جوزجان او بلخ-سمنګان پر لویو لارو د ۱۲۲ ټرافیکو پېښو له کبله مرګژوبله اوښتې ده.
د بلخ د عامې روغتیا ریاست مسوولان وايي چې د دغه ولایت د دولتاباد ولسوالي کې یې د پنځه میلیونه افغانیو په لګښت د یوه روغتیايي مرکز د جوړېدو چارې پیل کړې دي.
د بلخ پوهنتون د ژورنالیزم پوهنځي د زدهکړیالانو له لوري مطالعې ته د ځوانانو د هڅونې په موخه د کتابونو نندارتون جوړ کړی دی.
دغه نندارتون چې پرون شنبه د وږي ۱۱مه د بلخ پوهنتون کې جوړ شوی د بېلابېلو برخو شاوخوا ۱۸۰۰ ټوګه کتابونه پهکې نندارې کېښودل شوي دي.
د بلخ مرکز مزارشریف ښار اړوند سیمه کې سلګونه بېځایه شوې کورنۍ چې د دوبي روانې ګرمۍ کې تر خېمو لاندې ژوند کوي، وايي، حکومت او مرستندویه بنسټونو تراوسه ورسره هېڅراز مرسته نه ده کړې.
د عاشورا ورځې په رانږدې کېدو سره بلخ کې امنیتي مسوولان وايي چې دغه ولایت کې یې د شیعه وګړو اړوند جوماتونو او تکیهخانو امنیت لپاره کلک تدابیر نیولي دي.
بلخ کې یوشمېر معلولانو د یوې غونډې پر مهال له سویډن کمېتې غوښتنه وکړه چې افغانستان کې خپل فعالیتونه بېرته پرانیزي.
یاده غونډه چې پرون «شنبه چنګاښ ۲۴مه» د بلخ مرکز مزارشریف ښار کې جوړه شوې وه، له حکومت وغوښتل چې افغانستان کې د سویډن کمېټې د فعالیتونو ځنډېدو پر پرېکړې بیاکتنه وکړي.
د هېواد په شمالي زون کې د خبريالانو د خونديتوب کمېټې مشر عبداللطيف سهاک وايي، په بلخ کې د “نهاد” په نوم محلي راډيو له ١٦ کلونو وروسته خپل فعاليتونه ځنډولي دي.
د جوزجان امنیتي مسوولان وايي چې د جوزجان-بلخ پر لویې لارې شوې ټرافیکي پېښه کې پنځه کسان ټپیان شوي دي.
د بلخ مرکز مزارشریف ښار کې د «خدیجهالکبرا» په نوم د ښځو دویم ځانګړي مارکېټ کې هټۍوالې وايي چې کاروبار یې پیکه او پېرودونکي نهلري.
دغه مارکېټ چې ټولې هټۍوالې یې ښځې دي، د مزارشریف ښار څخه په واټن کې جوړ شوی دی. هټۍوالې شکایت کوي چې له ښار څخه د دغه بازار د لرېوالې له امله خرڅلاو نهلري او نه هم څوک د پېر لپاره ورځي.
بلخ چې د خټکیو کښت لپاره مناسب اقلیم، خاوره او اوبه لري، خو دغه ولایت کې کروندګر له مضرو حشراتو پوزې ته راغلې دي.
ویل کېږي، له وروستیو څلور کالونو راهیسې د دغه ولایت په شمالي سیمو کې دغه مضر حشرات پیدا شوي چې د کروندګرو کرنیزو فصلونو باندې حملې کوي او په ځانګړي ډول د خټکیو حاصلات له ۶۰ تر ۸۰سلنې لهمنځه وړي.
د بلخ امنیتي مسوولان وايي چې دغه ولایت کې یې د داعش ډلې شپږ غړي وژلي دي. د بلخ د امنیې قومنداني ویاند محمداصف وزیري وايي، ځانګړو ځواکونو بېګاه شپه د دغه ولایت د نهرشاهي ولسوالي «انجنير مهدي» سيمه کې د داعش وسلهوالو پر یوه پټنځای عملیات کړي چې په پايله کې يې شپږ داعشیان وژل شوي دي.
د ا.ا ویاند ذبېح.الله م.جاهد نن د کب په اووهویشتمه، د شنبې ورځ، سهار وختي پر ټویټر لیکلي چې د ا.ا ځواکونو بېګاه ناوخته د بلخ ولایت د مرکز مزارشریف ښار په پنځمه، شپږمه او اتمه ناحیه کې د داعشیانو پر پټنځایونو بریدونه کړي دي. د نوموړي په وینا، په دغو عملیاتو کې یوشمېر داعشیان وژل شوي او وسلې او مهمات یې د دوس لاس ته ورغلي دي. هغه زیاتوي چې د ا.ا یو غړی هم په دغو عملیاتو کې ټپي شوی دی.
د بلخ محلي مسوولان وايي چې د دغه ولایت مرکز مزارشریف ښار کې یې د ښځو لپاره د «خدیجه الکبرا» په نوم ځانګړی مارکېټ پرانیستی دی.
دغه سوداګریز مارکېټ چې نږدې ۲۰۰ هټۍ لري، له څه وخت راهیسې غیرفعاله و او د مزارشریف ښاروالي او د امر بالمعروف او نهې عنالمنکر ریاست له لوري بېرته فعال شو.
بلخ کې د خبریالانو پر یوې غونډې د شوې چاودنې مسوولیت داعش ډلې پر غاړه اخیستی دی.
العربیه رسنۍ راپور ورکړی چې داعش ډلې یکشنبه د کب ۲۱مه پر خپل ټلګرام اعلان کړی چې د بلخ مرکز مزارشریف ښار اړوند د خبریالانو پر غونډې د شنبې ورځې چاودنه دوی کړې ده.
د بلخ د امنیې قومانداني مسوولان د دغه ولایت د مرکز مزارشریف اړوند په تبیان کلتوري مرکز کې پر خبریالانو له برید یوه ورځ وروسته وايي، ډېر ژر به د دغه برید عاملان پیدا او د قانون منګولو ته وسپاري.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
