بلخ کې د خبریالانو پر غونډې شوې چاودنې ته د غبرګونونو په لړ کې د افغانستان لپاره د ملګروملتونو ځانګړي رپورټر ریچارډ بنټ د افغان خبریالانو د لا ملاتړ غوښتنه وکړه. د یادونې وړ ده چې د تبیان فرهنګي مرکز کې تېره ورځ داسې مهال چاودنه وشوه چې یاد مرکز کې د خبریالانو د ملي ورځې نمانځنې لپاره تیاری نیول شوی و.
کابل پرېس کلب په بلخ کې پر خبریالانو د ننني برید په اړه یوه خبرپاڼه کې لیکلي چې ملګري ملتونه دې دغه برید په هراړخیز ډول وڅېړي.
کابل پرېس کلب له اسلامي امارت څخه هم غوښتي چې نه یوازې د خبریالانو ساتنه وکړي، بلکې خپل ځواکونه د هغوی په حقونو وپوهوي، څو په ازاد ډول خپل رسنیز کار وکړي.
په افغانستان کې د ملګرو ملتونو ځانګړې استازولۍ یا یوناما بلخ کې د خبریالانو پر غونډې چاودنه غندلې او د تاوتریخوالي پر پای ته رسېدو یې ټینګار کړی دی.
د کورنیوچارو وزارت ویاند عبدالنافع ټکور وايي چې نن له غرمې مخکې ۱۱:۳۰ د مزارشریف ښار د دویمې امنیتي حوزې اړوند «تبیان» فرهنګي مرکز کې چاودنه شوې ده. د کورنیو چارو وزارت ویاند ټينګار کړی چې پېښه کې د ټپیانو روغتیايي وضعیت د ډاډ وړ دی او امنیتي ځواکونه د پېښې ځای ته رسېدلې دي.
بلخ کې محلي سرچینې سلاموطندار ته وايي چې نن له غرمې مخکې (شنبه، کب۲۰مه) د مزارشریف ښار د دویمې امنیتي حوزې اړوند سیمه کې د «تبیان» په نوم فرهنګي مرکز کې د خبریالانو پر یوې غونډې چاودنه شوې چې مرګژوبله یې اړولې ده.
د سرچینې په وینا، ټاکل شوې وه چې دغه مرکز کې د خبریالانو ملي ورځ ونمانځل شي.
داعش د بلخ د والي محمدداوود مزمل پر دفتر برید چې پهکې نوموړی له دوو نورو کسانو سره یوځای ووژل شو، پر غاړه اخیستی دی. داعش پورې اړوند اعماق خبري اژانس ویلي، د بلخ د والي پر دفتر ځانمرګی برید دوی کړی دی. داعش ویلي، بریدګر عبدالحق الخراساني نومېده او په امنیتي پوستو کې له تلاشۍ وروسته یې ځان د والي دفتر ته رسولی و.
د بلخ امنیتي مسوولان وايي چې نن پنجشنبه د کب ۱۸مه د یوه ځانمرګي برید پر مهال د یاد ولایت والي «محمدداوود مزمل» وژل شوی دی.
د بلخ د امنیې قومنداني ویاند محمداصف وزیري وايي، چاودنه نن له غرمې مخکې د ولایت مقام کې دننه رامنځته شوې او د یاد ولایت والي وژل شوی دی. تراوسه کوم چا یا ډلې د یادې چاودنې مسوولیت نه دی منلی.
د بلخ امنیتي مسوولان وايي چې د عبدالحافظ په نوم یوه ۲۵ کلن ځوان د دغه ولایت په بلخ ولسوالي کې ځان را ځړولی او وژلی دی.
د بلخ د امنیې قومانداني ویاند محمداصف وزیري وايي، دا پېښه د سلواغې په ۲۱مه د جمعې ورځ د بلخ ولسوالي په «باغوراق» سیمه کې شوې ده. هغه زیاتوي چې د دوی د څېړنو پر بنسټ، دغه ځوان د کورنیو شخړو له کبله ځان وژلی دی.
د جوزجان-بلخ پر لویه لاره د ټرافیکي پېښې له کبله پنځه کسان مړه او څلور نور ټپیان شوي دي.
د جوزجان د ټرافیکو مدیریت مسوولان وايي چې پرون جمعه مازدیګر د جوزجان مرکز شبرغان ښار «چیغچي» سیمه کې د یوه ۴۰۴ ډوله مسافر وړونکي او سراچې موټرو د ټکر له امله پنځه کسانو خپل ژوند بایللی او څلور ټپیان دي.
بلخ کې د بېوزلۍ زیاتېدو له امله ماشومان تر ډېره اغېزمن شوي دي. دغه ماشومان چې د خپلې کورنۍ د ناوړه اقتصادي وضعیت له کبله له زدهکړو محروم دي، له سهار تر ماښامه د یوې مړۍ ډوډۍ پیدا کولو په لټه دي. له امېد سربېره مزارشریف کې نور کوچني ماشومان هم شته چې د بېوزلۍ او ناچارۍ له کبله درنو کارونو ته اړ کړل شوي دي.
بلخ کې سرچینې سلاموطندار ته وايي چې نن سهار شاوخوا ۷:۱۵ دقیقې د مزارشریف ښار اړوند سیمه کې چاودنه شوې ده.
سرچینې ویلي، چاودنه د مزارشریف په سیداباد څلور لارې کې پر «۵۸۰» ډوله موټر د ځای پر ځای شوي ماین له کبله رامنځته شوې ده. خو مزارشریف کې د ابو علي سینا بلخي روغتون مسوولان وايي چې د چاودنې له ځایه دغه روغتون ته اته جسدونه او لس ټپیان وروړل شوي دي.
د بلخ محلي مسوولان وايي چې دغه ولایت کې د یوې ټرافیکي پېښې پر مهال پنځه کسان مړه او یو بل ټپي شوی دی.
د بلخ د امنیې قومنداني ویاند محمداصف وزیري سلاموطندار ته ویلي چې پېښه بېګاه شپه د حیرتان ښارګوټي اړوند سیمه سیمه کې د یوې «کرولا او ډمټرک» موټرو ترمنځ رامنځته شوې ده.
د بلخ د مرکز مزارشریف ښار یوشمېر اوسېدونکي په دغه ولایت کې د ډبرو سکرو د بیې لوړېدو په اړه شکایت کوي او وايي، سږ کال د سونتوکو بیې د تېر هغه په پرتله دوه برابره شوې دي.
دوی وايي، له څه باندې یو کال راهیسې د خلکو اقتصادي وضعیت خراب شوی او په وینا یې، سږ کال هوا هم ژر سړه شوې او ښايي سخت ژمی تجربه کړي.
بلخ کې یوشمېر خبریالان شکایت کوي چې د اسلامي امارت له واکمنېدو راهیسې دغه ولایت کې اطلاعاتو ته لاسرسی محدود شوی دی.
خبریالان وايي چې د راپور جوړولو پر مهال له دولتي ادارو څخه پر خپل وخت د اړتیا وړ اطلاعات نشي ترلاسه کولای.
د بلخ د امنیې قومانداني ویاند محمداصف وزیري وايي، ناپېژنده وسلهوالو نن مازدیګر شپږ بجې د مزار شریف ښار د اوومې امنیتي حوزې اړوند په «کارته صلح» کې ډاکټر اسدالله شارق وژلی دی.
د اکټوبر پنځلسمه د ړندو (نابینایانو) له نړیوالې ورځې سره برابره ده. د دغې ورځې په رارسېدو سره هېواد کې یوشمېر نابینایان دوی ته د اسانتیاوو نهشتون له امله شکایت کوي.
بلخ کې یوشمېر نابینایان شکایت کوي چې ښوونځي یې تړل شوي، په برېل خط لیکل شوي کتابونه، کاري او نورې اسانتیاوې ورته نه دي برابرې شوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
