د بلخ د امنیې قومانداني ویاند محمداصف وزیري وايي، ناپېژنده وسلهوالو نن مازدیګر شپږ بجې د مزار شریف ښار د اوومې امنیتي حوزې اړوند په «کارته صلح» کې ډاکټر اسدالله شارق وژلی دی.
د نوموړي په وینا، اسدالله شارق له دندې څخه کور ته پر لارې وژل شوی او موټرچلوونکی یې هم ټپي دی.
محمداصف وزیري وايي، د پېښې په اړه یې پلټنې پیل کړي او هڅه کوي چې قاتلان یې د قانون منګولو ته وسپاري.
ډاکټر اسدالله شارق په بلخ کې یو نوموتی جراح ډاکټر و او کلونه یې په دې برخه کې خلکو ته کار کړی دی.