له تېرو دوو میاشتو راهیسې په هېواد کې د وسلهوالو طالبانو له لوري د بریدونو په زیاتېدو سره، وضعیت نورهم پېچلی شوی او هېوادوالو ته یې ګڼې اندېښنې رامنځ ته کړي دي.
د جګړې ډګر په تودېدو سره، د ولایتونو یو په بل پسې سقوط او د طالبانو لهخوا د تاوتریخوالي زیاتېدو هېوادوال لوړو او ژورو سره مخ کړي او د هغوی د ژوند روان بهی یې وربدل کړی دی.
د سلاموطندار پښتو فېسبوکپاڼه وڅارئ
په ورته مهال هېواد کې روان وضعیت ته په کتو یوشمېر کوژدن شوي، ځوانان او پېغلې پرته له دې چې له وړاندې د خپل واده په اړه پلان ولري، د روان جګړهییز وضعیت د ترینګلتیا له وېرې خپل د واده مراسم جوړوي.
د کابل ښار د هوټللرونکو ټولنه په دې اړه وايي، په وروستۍ یوه میاشت کې د ګونګ امنیتي وضعیت له امله د واده مراسمو د ترسره کولو لپاره ګڼشمېر کورنۍ دوی ته مراجعه کوي.
هغه وویل: «کابل د نورو ولایتونو په پرتله ښه دی او د خلکو ګڼه ګوڼه زیاته ده. څو دلیلونه کېدلای شي، یو امنیتي ستونزې دي چې له خلکو یې لاره ورکه کړې. د ولایتونو د وضعیت په اړه هغه آفتونه چې په ټولنیزو رسنیو کې خپرېږي. امنیتي موضوعاتو زیاد د خلکو په روحیې اغېزه کړې ده.»
په ورته مهال د کابل ښار یوشمېر هوټل لرونکي هم د دغې موضوع په تایید سره وايي، له تېرې یوې میاشت راهیسې او په هېواد کې د امنیتي وضعیت په خرابېدو سره، دغو هوټلونو کې د واده مراسمو ترسره کول، څو برابره زیات شوي او یوه شپه او ورځ کې درې- څلور د واده مراسم ترسره کېږي.
- د ښځو نړیواله ورځ؛ بامیان کې ۵۰ سلنه نجونې په کم عمر کې واده شوي
- امبولانس موټر، کار ځپلي خلک او د صالح د « نازولي» واده
- د واده لګښت پوره کولو له امله د نا منظم کډوالۍ او د ځوانانو زیامن کیدل
په همدې حال کې احسان چې په تازهګۍ سره واده کړی وايي، سره له دې چې غوښتل یې په متفاوته توګه د خپل واده مراسم ترسره کړي او اوس یې کوم پلان هم ورته نهدرلود، خو د هېواد وضعیت د خرابېدو له کبله یې د خپل واده مراسم ترسره کړل.
هغه وايي، سره له دې چې د واده لپاره یې کافي پیسې نه درلودې، خو اړ شوی چې خپلوانو څخه د پیسو په پور واده وکړي.
د کابل په هوټلونو کې د جګړهییز وضعیت له وېرې د واده مراسم په داسې مهال زیات شوي چې د هېواد په یوشمېر ولایتونو کې جګړه په چټکۍ روانه ده او معلومه نه ده چې دغه وضعیت به کله او څنګه بدلون مومي.
