د غزني امنیتي مسوولان وايي چې دغه ولایت کې د هاوان مرمۍ د سرګلولې چاودنې له کبله یوه ماشوم خپل ژوند له لاسه ورکړی دی.
د غزني امنیه قومندان خالد سرحدي سلاموطندار ته ویلي چې پېښه پرون جمعه د غويي اتمه د دغه ولایت د ناوې ولسوالي اړوند «مټاخان» کلي کې رامنځته شوې ده.
مېدانوردګ کې له تېرو جګړو څخه پاتې د هاوان مرمۍ د سرګلولې چاودنې له کبله پنځه ماشومان وژل شوي او دوه نور ټپیان دي.
د میدانوردګ چارواکي وایي، پرون جمعه (د غويي اتمه) شاوخوا ۴بجې د دغه ولایت د سیداباد ولسوالي دښتټوپ سیمې په «دیوالګي» کې د هاوان مرمۍ د سرګلولې چاودنې له امله پنځه ماشومان وژل شوي او دوه ټپیان دي.
د ننګرهار امنیتي مسوولان وايي چې دغه ولایت کې ناپېژنده وسلهوالو یو ځوان په ډزو ویشتلی او وژلی یې دی.
د ننګرهار د امنیې قومنداني ویاند عبدالبصیر زابلی وايي، د یاد ولايت د لعلپورې ولسوالي په «کرداوي» کلي کې د سیدشاه په نوم يو ځوان بېګاه شپه د ناپېژنده وسلهوالو له لوري وژل شوی دی.
رویټرز خبري اژانس راپور ورکړی چې راتلونکې اوونۍ قطر کې د افغانستان وضعیت په اړه د ملګروملتونو د غونډې له جوړېدو مخکې، د امنیت شورا نن پنجشنبه د غويي اوومه پر ښځو د ا.ا محدودیت په اړه د پرېکړهلیک مسوده رایې اچوونې ته وړاندې کوي. د دغه پرېکړهلیک مسوده د متحده عربي اماراتو او جاپان لهخوا چمتو شوې ده.
د روزګان محلي مسوولان وايي چې د دغه ولایت په مرکز ترینکوټ ښار اړوند سیمه کې د یوه کس جسد موندل شوی دی.
د روزګان د امنیې قومنداني ویاند مولوي سعدالله ذاهد سلاموطندار ته ویلي چې د یاد کس جسد یې د مرکز ترینکوټ ښار اړوند «سېناڼو» کلي کې د یوه کور په مېلمستون «مهمانخانه» کې پیدا کړی دی.
د بغلان امنیتي مسوولان وايي چې دغه ولایت کې یو کس د ناپېژنده وسلهوالو له لوري وژل شوی دی.
پېښه بېګاه شپه د دغه ولایت د تاله او برفک ولسوالي اړوند سیمه کې رامنځته شوې ده.
د روسیې د بهرنیو چارو وزیر سرګي لاوروف په دوحه کې د افغانستان په اړه د ملګرو ملتونو د ځانګړې جوړېدونکې غونډې په اړه چې د اسلامي امارت د رسمیت پېژندلو په اړه به هم پهکې بحث وشي، د یوې خبري غونډې پر مهال وویل، تر هغه چې ټولګډونه حکومت نه وي جوړ شوی، روسیه به اسلامي امارت په رسمیت ونه پېژني.
په فاریاب کې سرچینې وايي چې ناپېژنده وسلهوالو د سهشنبې په ماښام د دغه ولایت په مرکز میمنې ښار کې یو کس وژلی دی.
اسلامي امارت د ایران د بهرنیو چارو د وزیر حسین امیر عبداللهیان د هغو څرګندونو په غبرګون کې چې ویلي یې و، د هلمند سیند د ډېرو اوبو ترلاسه کولو لپاره له ټولو لاروچارو کار اخیستلی شو وايي، افغانستان د ۱۳۵۱ کال هوکړې ته ژمن دی، خو وروستیو وچکالیو دواړه لوري اغېزمن کړي دي.
د ا.ا یوشمېر مخالفې سیاسي څېرې د دویم ځل لپاره نن د اتریش ویانا کې ټول شوي او ټاکل شوې د افغانستان کورنیو مسایلو او د غونډې ګډونوالو ترمنځ د باور پیاوړي کولو پر سر بحث او خبرې وکړي.
دې غونډه کې چې د اتریش د یوه څېړنیز انستیتیوت له لوري جوړېږي، د مخکیني حکومت تر ۳۰ پورې مشران، سیاسي فعالان او دیپلوماتان ګډون کوي.
د هند د بهرنیو چارو وزیر ویلي، دغه هېواد د افغانستان په اړه دوحه کې جوړېدونکې ناستې ته په «مثبت» نظر ګوري. ویل کېږي چې دغه ناسته به د راتلونکې مې میاشتې په لومړۍ او دویمه د قطر پلازمېنې دوحه کې د ملګروملتونو د سرمنشي انټونیو ګوټرېش په مشري جوړه شي.
د ملګرو ملتونو د سازمان ویاند سټېفان دوجاریک وویل، د اسلامي امارت د په رسمیت پېژندلو موضوع د دولتونو اړوند ده او یوازې هغوی کولای شي چې په اړه یې پرېکړه وکړي. نوموړي زیاته کړې: «واقعیت دا دی چې د ملګرو ملتونو د منشور پر بنسټ، غړي هېوادونه د طالبانو د په رسمیت پېژندلو په اړه پرېکړه کوي.»
د ملګروملتونو د سرمنشي مرستیاله امنه محمد وايي، ټاکل شوې د دغه سازمان د سرمنشي انټونیو ګوټرېش په ګډون راتلونکو څو ورځو کې د افغانستان وضعیت په اړه نړیواله غونډه جوړه کړي.
نوموړې زیاته کړې چې دې غونډه کې به انټونیو ګوټرېش د ا.ا رسمیت پېژندنې په اړه د افغانستان لپاره د یوشمېر هېوادونو له استازیو سره بحث او خبرې وکړي.
د لوګر مرکز پلعلم ښار اړوند د یوشمېر لرو پرتو سیمو اوسېدونکي شکایت کوي چې سیمو کې یې هېڅ د نجونو لومړني ښوونځي شتون نهلري.
د روزګان امنیتي مسوولان وايي چې د دغه ولایت مرکز ترینکوټ ښار اړوند سیمه کې پرون دوشنبه د وري ۲۸مه د یوې ښځې جسد موندل شوی دی. د یاد ولایت د امنیتي مسوولانو په وینا، دغه ښځې په ډزو وژل شوې او جسد یې د ترینکوټ ښار اړوند د «پیروشي» نومې سیمه کې پیدا شوی دی.
د سیمې هېوادونو سره د اسلامي امارت د ډيپلوماټیکو اړیکو پراختیا لپاره د هڅو پر دوام، د ا.ا د ویاند مرستیال بلال کریمي سلاموطندار ته وايي، د اوسني حکومت بهرنیو چارو وزارت سره د مخکیني حکومت د ډيپلوماټانو د فعالیت او همغږۍ ترڅنګ، ا.ا تراوسه د سیمې تر لسو زیاتو هېوادونو ته نوي ډيپلوماټان او سفیران لېږلې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
