وروسته له هغې چې د ښځو فعاله پروانه ابراهیمخېل له بنده خوشې شوه، داسې راپورونه خپاره شوي چې نیول شوې درې ښځینه فعالانې هم له بنده ازادې شوي، خو تراوسه په رسمي توګه دا راپورونه نه دي تایید شوي. یوناما د یادو ښځينه فعالانو له خوشې کېدو هرکلی کړی او ویلي یې دي چې د نیول شویو ښځو خوندیتوب او سلامتي لویه اندېښنه ده.
د بشري حقونو مدافع وکیل او په الیانوس پوهنتون کې د نړیوالو حقوقو استاد پروفیسو فرانسیس بویل وايي چې د اسعاري زېرمو په اړه د جوبایډن پرېکړه د افغانستان خلاف یوه غیرمشروع اقتصادي جګړه او ښکاره غلا ده.
د روغتیا نړیوال سازمان ویاند کریستین لندمایر وايي چې په افغانستان کې د شري ناروغي مخ په زیاتيدو ده. هغه زیاته کئي یوازي په جنوري میاشت کې له ۱۵۰ ډېر ماشومان مړه شوي دي.
پرون د امریکا ولسمشر جو بایډن یو فرمان لاسلیک کړ چې له مخې یې د افغانستان کنګل شوي اووه میلیارده ډالر ازاد شول. د بایډن د لاسلیک شوي فرمان پر بنسټ، د افغانستان له اووه میلیارډه ۳،۵ میلیارډه ډالر د سېپټمبر د یوولسمې د پېښې د قربانیانو کورنیو ته ورکول کېږي. اسلامي امارت دغه فرمان ته غبرګون ښودلی او هغه یې غیرانساني پرېکړه بللې ده.
د مخکیني حکومت د سولې په چارو کې د دولتی وزیر او د افغان سولې په چارو کې د مخکیني ولسمشر محمداشرف غني ځانګړی استازی عبدالسلام رحیمي نن بېرته هېواد ته راستون شوی دی. په خپره شوې ویډیو کې امیرخان متقي هېواد ته د عبدالسلام رحیمي له راستنېدو څخه هرکلی کړی او دغه ګام یې د ټولو په ګټه بللی دی.
غزني چې د اسلامي نړۍ د تمدن پلازمېنه ګڼل کېږي، یوشمېر تاریخي اثار او لرغونې سیمې یې بیارغونې ته اړتیا لري.
د اسلامي امارت د کورنیو چارو وزارت په یوې خبرپاڼه کې ویلي چې د مخکیني حکومت د اجراییه ریاست مرستیال انجینیر محمدخان په کور کې دننه د وسلهوالې نښتې له امله دوه کسان وژل شوي دي.
د امریکا او کاناډا د بهرنیو چارو وزارتونو اوکراین کې شته ګواښونو ته په پام له خپلو وګړو غوښتي چې ژر تر ژره دې له دغه هېواد څخه ووځي.
د بشري حقونو څار بنسټ د امریکا د ولسمشر جو بایډن پر هغه فرمان نیوکه کړې چې له مخې یې د افغانستان بانک ۳.۵ میلیارده ډالر د سپټمبر یوولسمې د قربانیانو کورنیو ته ورکول کېږي. دغه بنسټ ویلي چې د امریکا ولسمشر غواړي د افغانستان پر کنګل شوې شتمنۍ ولکه خپله کړي.
په افغانستان کې د ملګروملتونو استازولي یا یوناما د هغو دوو خبریالانو له خوشې کېدو هرکلی کړی چې د کډوالو په چارو کې د ملګروملتونو سازمان عالي کمېشنرۍ سره یې کار کاوه او د اسلامي امارت له لوري نیول شوي وو. یوناما ټینګار کړی، هغه وخت رارسېدلی چې خپلسره نیونو پای ته ورسېږي او هغه کسان چې بې ګناه بندیان شوي ازاد دې شي.
د امریکا ولسمشر جوبایډن دغه هېواد کې د افغانستان د کنګل شوې شتمنۍ د وېشلو اجرايي فرمان صادر کړ. د دغه فرمان له مخې امریکا کې د افغانستان د مرکزي بانک ۷ میلیارد ډالره کنګل شوې شتمني په دوو مساوي برخو وېشل کېږي.
د پاکستان د سوداګرۍ وزارت ويلي چې افغانستان ته ۱۷ قلمه توکي په پاکستانۍ کلدارو صادرېدلی شي.
د ملګرو ملتونو عمومي منشي انتونیو ګوترېش اندېښنه څرګنده کړې، چې افغانان له بشري ناورین سره چې په نړۍ کې په چټکۍ په پراخېدو دی، مخامخ دي. ګوترېش ویلي، ټاکل شوې ملګري ملتونه څه د پاسه ۲۲ میلیونه اړمنو سره مرسته وکړي، خو د خپلې اړتیا وړ بودجې ۹سلنه یې ترلاسه کړې. د ملګرو ملتونو سازمان عمومي منشي له نړیوالې ټولنې غوښتي چې له ځنډ پرته دې د دغه بنسټ د هڅو ملاتړ وکړي.
د جېنوا کال بنسټ چې د سویس په پلازمېنې جېنوا کې د یوې اوونۍ لپاره د اسلامي امارت د ورغلي پلاوي کوربه و، اعلان کړی چې له دغو خبرو وروسته یوه «بشردوستانه اعلامیه» تصویب شوې ده.
یو شمېر ناروغلرونکي چې خپل ناروغان یې د غور مرکزي روغتون ته د درملنې لپاره بیولي او اوونۍ کېږي چې د خپلو ناروغانو روغتیایي حالت ښه کېدو ته په تمه دي، د دغه ولایت روغتون کې د بستر، درملو او روغتیايي امکاناتو کمښت څخه شکایت کوي.
د اسلامي امارت تر واکمنېدو وروسته بلخ کې په لومړي ځل د والیبال سیالۍ ترسره شوې. دا سیالۍ د بلخ په کوربهتوب او د هېواد له لویو ښارونو څخه د ۱۰۰ لوبغاړو په حضور د درېو ورځو لپاره پیل شوې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
