د اسلامي امارت د کورنیو چارو وزارت په یوې خبرپاڼه کې ویلي چې د مخکیني حکومت د اجراییه ریاست مرستیال انجینیر محمدخان په کور کې دننه د وسلهوالې نښتې له امله دوه کسان وژل شوي دي.
ویل کېږي چې په یاده نښته کې د محمدخان یو زوی او ساتونکی یې وژل شوي دي.
سلاموطندار پر ټویټر هم وڅارئ
د کورنیو چارو وزارت خبرپاڼه کې همداراز ویل شوي چې دغه پېښه بېګاه شپه رامنځته شوې چې د محمدخان مېرمن او یو نږدې خپلوان یې ټپیان شوي هم دي.
د کورنیو چارو وزارت د خبرپاڼې له مځې یاده پېښه د کورنیو اختلافاتو له امله رامنځته شوې ده.
د سلاموطندار پښتو فېسبوکپاڼه وڅارئ
په ورته مهال د وزارت له قوله په خبرپاڼه کې راغلي چې د اسلامي امارت د ځواکونو له لوري یو کس نیول شوی او اوس ترې پوښتنې او ګروېګنې روانې دي.
