د اقتصادي ستونزو په هوارېدو به دولتي پوهنتونونو کې زده‌کړې پیل شي

د لوړو زده‌کړو وزارت سرپرست نن په کابل کې یوې غونډې ته د خپل څلور میاشتني کاري رپوټ د وړاندې کولو پر مهال وویل چې د اقتصادي او نورو ستونزو له امله په هېواد کې د شاوخوا ۴۰ دولتي پوهنتونونو د زده‌کړو بهیر درېدلی او هڅې روانې دي چې دغه ستونزې هوارې شي.

محمد یعقوب ګاونډیو هېوادونو ته: د افغانستان الوتکې راته وسپارئ

د اسلامي امارت د دفاع سرپرست وزیر ملا محمد یعقوب سې‌شبنې په ورځ کابل کې د هوايي ځواک قومنداني کې د وینا پر مهال  هغو  هېوادونو ته خبرداری ورکړ چې د افغان هوايي ځواک چورلکې چې د تېر حکومت د پرځېدو پر مهال دغو هېوادونو ته وړل شوي بېرته دې افغانستان ته وسپاري.

هېواد کې د وروستیو تحولاتو له امله د خصوصي پوهنتونونو زده‌کړیالان کم شوي

په هېواد کې د اسلامي امارت له واکمنېدو او د وروستیو سیاسي تحولاتو له امل د بېلابېلو برخو ترڅنګ پوهنیز نظام هم اغېرمن شوی دي. په کابل کې د یوشمېر خصوصي پوهنتونونو مسوولان وایي چې د دوی زده‌کړیالان د پام وړ راکم شوي دي.

د سلام‌وطندار پر مرستیال نورمحمد هاشمي د ناپېژنده وسله‌والو برید

د سلام افغانستان رسنیزې موسسې (سلام‌وطندار راډیو) مرستیال نورمحمد هاشمي پرون مازدیګر د کابل ښار د څلورمې امنیتي حوزې اړوند د تایمني پر دویم سړک هغه مهال د ناپېژنده وسله‌والو تر برید لاندې راغی چې له دفتر څخه د کور پر لورې روان و. که څه هم هاشمي په دغه برید کې پر سر ټپي شوی، خو روغتیايي وضعیت یې د ډاډ وړ دی.

ملګري ملتونه په ۲۰۲۲ کې ۲۸میلیونه اړمنو افغانانو ته پنځه میلیارډه ډالر راټولوي

ټاکل شوې چې نن د ملګرو ملتونو دوه ادارې په افغانستان کې دننه افغانانو ته د بشري مرستو رسولو او د سیمې په یوشمېر هېوادونو کې د بې‌ځایه شویو افغان کډوالو وضعیت ته د رسېدنې په موخه خپل ګډ پلانونه اعلان کړي. دغه سازمان ویلي، افغانستان کې د  لومړنیو روغتیايي خدمتونو د نه‌شتون له کبله، په لسګونه زره ماشومان پر خوارځواکۍ اخته شوي دي.

چین: امریکا دې پر افغانانو لګول شوي یو اړخیز بندیزونه لرې کړي

د چین د بهرنیو چارو وزارت ویلي، امریکا دې د افغانستان د روان ناورین د اصلي لامل په توګه خپلې تېروتنې ومني او پر افغانانو لګولي بندیزونه دې لرې کړي. د یاد وزارت ویاند وانګ ونبین نن په یوې غونډه کې خبریالانو ته ویلي، امریکا په افغانستان کې د اوسني ناورین لامل دی او دغه هېواد باید پر افغانستان د اقتصادي بندیزونو له لګولو لاس په سر شي.

غور کې د لارو تړل کېدل روغتیایي مرکزونو ته د ناروغانو تګ ستونزمن کړی

د غور ولايت د لعل او سرجنګل ولسواليو يو شمېر اوسېدونکي وايي چې د وروستيو واورو ورېدو له امله د دغو ولسوالیو ډېرى لارې د خلکو پر مخ تړل شوې او نه شي کولى خپل ناروغان د ولسوالۍ مرکز او ګاونډيو ولايتونو لکه دایکندي او بامیان ته  ورسوي.

مجاهد: امیرخان متقي ایران کې له احمد مسعود سره لېدلي

د اسلامي امارت ویاند ذبیح الله مجاهد ویلي، چې دغه پلاوي د ایران په پلازمینه تهران کې د ملي مقاومت جبهې له مشر احمد مسعود او د دې جبهې له غړي محمداسماعیل خان سره کتلي دي. ذبیح الله مجاهد ویلي، اسلامي امارت  هڅه کوي چې د هېواد راتلونکی د ټولو لپاره د ډاډ وړ وي او هیچا ته د مخالفت دلیل پاتې نه شي.

د افغانستان ۶۷سلنه خبریالان او د رسنیو کارکوونکي له اقتصادي ناورین سره مخ دي

د افغانستان رسنیز بنسټ په خپل یوه څېړنیز رپوټ کې ویلي چې په تېر نظام کې د افغان خبریالانو او رسنیو کارکونکو اقتصادي وضعیت څه باندې ۳ سلنه کړکېچن وو، خو د نوي نظام له راتلو وروسته څه باندې ۶۷ سلنه خبریالان او د رسنیو کارکوونکي له اقتصادي ناورین سره مخ دي.

په دولتي ادارو کې دې د بېلابېلو قومونو کادرونه وګومارل شي

د افغانستان د امامیه علماوو عالي شورا رییس محمد‌حسن کندزي نن کابل کې یوې غونډې ته په وینا کې وویل چې د مخکیني حکومت په پرځېدو او د اسلامي امارت په راتګ سره په سیاسي او ټولنیزو برخو کې د افغانستان او نړۍ ترمنځ یو نوی فصل پرانستل شوی دی.

افغانستان به د جنورۍ تر پایه د اومېکرون د تشخیص کېټونه ترلاسه کړي

تېره میاشت د روغتیا نړیوال سازمان «WHO» له افریقا څخه د ورکړل شویو رپوټونو پر بنسټ د کورونا ویروس له نوي موندل شوې بڼې «اومېکرون« څخه خبر ورکړ. د کورونا د دغه نوي موندل شوي ویروس  مثبتې پېښې اوس د نړۍ نږدې ګڼ‌شمېر هېوادونو کې ثبت شوي او لا هم د خپرېدو په حال کې ده.

ننګرهار کې د چاودنې له امله ۸ ماشومان وژل شوي

د ننګرهار ولایت اړوند په لعل‌پورې ولسوالي کې د ناچاودې مرمۍ د چاودنې له امله اته ماشومان وژل شوي او ۳ نور ټپیان دي. د سیمې اوسېدونکي وایي چې دغه پېښه نن سهار شاوخوا لس بجې د دې ولسوالي په دیګانانو سیمه کې د نا چاوده مرمۍ د چاودنې له امله رامنځ ته شوې ده.

ایران: افغانستان ته د هند د مرستو رسولو په برخه کې همکاري کوو

د ایران د بهرنیو چارو وزارت ویلي، د دغه وزارت وزیر امیر عبدالللهیان له خپل هندي سیال سوبر امانیام جې‌شنکر سره په یوې ټيلیفوني اړیکه کې په افغانستان کې د یوه ټول‌ګدونه حکومت پر جوړېدو ټينګار کړی دی. په ورته مهال هندي چارواکي له پاکستان سره افغانستان ته د هند له لوري د ۵۰زره ټنه غنمو د لېږد په برخه کې د خبرو له دوام څخه خبر ورکوي.

ړانده کسان د دوی پر وړاندې د ستونزو له ډېروالي شکایت کوي

د جنورۍ څلورمه نېټه د ړندو کسانو لپاره د برېل کرښې نړیواله ورځ ده. نن د بلخ په مرکز مزارشريف ښار کې د يوشمېر ړندو کسانو په حضور کې د دې ورځې نمانځنه وشوه. د بلخ يو‌شمېر نابینایان وايي چې په تېرو څو مياشتو کې د افغانستان وضعيت د دوی لپاره ګڼې ننګونې رامنځته کړي او دوی له زیاتو ستونزو سره مخ دي.