د ولسمشردویم مرستیال سرور دانش نن ذبېحالله کلیم د لویې څارنوالي د سرپرست په توګه د دې ادارې کارکوونکو ته ور وپېژنده.
دانش د لویې څارنوالي د سرپرست پېژندلو په غونډه کې د فساد پر وړاندی مبارزې ټينګار وکړ او په وینا یې، داسې ډېر قوانین شته چې د پلي کېدو او څرنګوالي په اړه یې باید ارزونې وشي.
طالبانو تر خپلو کنټرول لاندې سيمو کې هغو قراردادي روغتيايي بنسټونو ته خبرداری ورکړی، که چېرې خپل مسووليتونه په سمه توګه ترسره نهکړي، فعاليتونه به يې وځنډوي.
وسلهوالو طالبانو په يوه خپره شوې اعلاميه کې ويلي، سره له دې چې يو شمېر قراردادي روغتيايي بنسټونه له اړوندو بنسټونو پوره بوديجه ترلاسه کړې؛ خو له کاره يې اوږې سپکې کړي او د مسووليتونو په ترسره کولو کې يې ناغېړي کړې.
د بندخونو چارو د تنظیم ادارې د دفتر رییس او د رسنیو برخې مسوول فرهاد بایاني که څه هم سلاموطندار ته د ولسمشر فرمانونو د پلي کېدو په برخه کې د اړیکو پالل او فساد نه ردوي، خو وايي چې په دې اداره کې یې د مفسدو لاسونه لنډ کړي دي.
د نوموړي په وینا، د دې ادارې د کشفي او استخباراتي برخو په پیاوړتیا سره یې په ۱۳۹۹ کال کې نږدې ۱۰ کسان د بندیانو د بښنې او د بند کمښت په برخه کې د ولسمشر فرمانونو د پلور په تور نیولي دي.
د افغانستان د بیارغونې پر چارو د امریکا پلټونکې ادارې يا سیګار په خپل کلني راپور کې په افغانستان کې د لوړې کچې ګواښونو تر نامه لاندې اتو جدي ګواښونو ته اشاره کړې چې د ناامنیو ډېرښت په کې په لوړه کچه ښودل شوی دی.
د راپور له مخې، د دوحې د سولې هوکړه او د سولې له بینالافغاني مذاکراتو وروسته سولې او د تاوتریخوالي کمښت ته د هیله مندیو سربېره، د طالبانو په بریدونو کې زیاتوالی راغلی دی.
کندوز کې یوه امنیتي سرچینه چې نه غواړم نوم یې خپور شي وايي، د ياد ولايت له نشهيي توکيو سره د مبارزې مدیر د بډو اخیستو په تور ونیول شو.
یوې باوري امنیتي سرچینه چې نه غواړي نوم یې یاد شي، سلاموطندار ته ویلي چې د ملي امنیت ځواکونو پرون په کندوز کې غوښتل د دغه ولایت د بندخونې مدیر ونیسي، خو په وینا یې، هغه له نیول کېدو مخکې تښتېدلی دی.
د لویې څارنوالۍ مسوولان وايي، یوازې د روان لمریز کال په قوس او جدي مياشتو کې يې د اداري فساد ۲۲۴ دوسيې څېړلي چې په دې دوسيو کې ۵۰۰ کسان تورن دي. د دوی په وينا، د يادو قضيو په تړاو ۵۰۰ تورن کسان محکمې هم ته معرفي شوي دي.
سترې محکمې ویلي چې د سوداګرۍ او صنایعو پخوانی وزیر میر محمدامین فرهنګ یې له واک نه د ناسمې ګټې اخیستنې او فساد په تور په یوه کال بند او دولت ته د ۸۶۴ زره امریکايي ډالرو په ورکولو محکوم کړی دی.
د پکتيا والي محمد حليم فدايي ملت ته د حساب ورکولو کلنۍ غونډه کې وويل، دغه ولایت کې د يو شمېر ادارو رييسان بېکفايته دي او غوښتنه يې وکړه چې په خپله خوښه دې استعفاوې ورکړي.
لويه څارنوالي وايي، د پوهنې وزارت د تهيې او تدارکاتو او د وارث سیر شرکت رييسان يې د اداري فساد په تور نيولي دي.
يادې څرنوالۍ نن په خپره شوې خبرپاڼه کې ويلي، دا دوه کسان د اداري فساد پر ضد د مبارزې عدلي او قضایي مرکز ځانګړې څارنوالۍ له خوا تر یو لړ څېړنو وروسته د اداري فساد په تور د ۱۳۹۹ لمریز کال د کب پر درېیمه نیول شوي.
د کابل ښار یو شمېر اوسېدونکي د اسنادو د تاييدۍ او پر هغو له ډېر لګښته شکایت کوي. دوی وايي، خپل اسناد «تذکره، د زېږېدنې کارت، نکاح خط» او نور چې غواړي تايید یې کړي؛ نو د پوست له لارې یې باید د بهرنیو چارو وزارت ته واستوي چې دا چاره ډېر وخت نیسي او لګښت یې هم ډېر دی.
د کورنیو چارو وزارت وايي، د اداري او مالي فساد په تور يې د ګمرکونو او ټرافیک ریاستونو ۱۰ کارکوونکي نيولي دي.
له ياد وزارته په خپره شوې خبرپاڼه کې راغلي، دغه کسان يې په کابل کې د کورنيو چارو وزارت له درنو جرمونو سره د مبارزې رياست پولیسو له لوري د يو لړ ځانګړو عملیاتو په پایله کې نیولي.
په ښار جوړولو او ځمکو وزارت کې يوې سرچينې سلام وطندار ته ويلي چې د درنو جرمونو پر وړاندې د مبارزې رياست کارکوونکو د دغه وزارت د مالي او اداري عمومي ریيس عبدالرحمان عزیزي په ګډون، لس کارکوونکي د ۱۲۰ میلیونه افغانیو بډو اخيستو په تور نيولي دي.
د سرچينې په وينا، ياد کسان نن په دغه وزارت کې نيول شوي دي.
د افغانستان د سوداګرۍ او صنایعو خونې خصوصي سکټور او د ولسي جرګې یو شمېر وکیلان چې له دوه ورځو راهيسې په اسلامکلا ګمرک کې د اور لګېدو له کبله د اوښتو زيانونو په اړه څېړنې لپاره هرات کې دي، نن يې په يوه خبري ناسته کې خپلې موندنې ټوليزې کړې.
د افغانستان د سوداګرۍ او صنایعو خونې…
د هرات محلي چارواکي وايي، مافیا او ځینو موټرچلوونکو د چور او د هغوی د ناقانونه مالونو د نه رسوا کېدو لپاره لسګونه موټر په کلیو کې خپلو کورونو ته لېږدولي دي.
د ننګرهار محلي مسوولانو په دې ولايت کې د فساد په تور د ننګرهار د ګمرک د رييس حشمتالله وليزي او د ۵ نورو کارکوونکيو د نيول کېدو خبر ورکوي.
د ياد ولايت والي ضیاالحق امرخېل رسنيو ته ويلي، د فساد په تور نيول شوي کسان د لا ډېرو څېړنو…
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
