ننګرهار کې راستانه شویو کډوالو ته د کورونو جوړېدو چارې پیل شوې
په ننګرهار د چارواکو لهخوا له پاکستان څخه په زور راستانه کړل شویو افغان کډوالو ته د کورونو د جوړېدو چارې پیل شوې.
په ننګرهار د چارواکو لهخوا له پاکستان څخه په زور راستانه کړل شویو افغان کډوالو ته د کورونو د جوړېدو چارې پیل شوې.
له پاکستان څخه په زور یوشمېر راستانه کړل شوي افغان کډوال سلاموطندار ته وايي، کلونه وروسته هېواد ته راګرځېدلي، خو د دایمي هستوګنې لپاره سرپناه نهلري.
دوی راروان ژمی ته د اندېښنې په څرګندولو سره له سرپرست حکومت غواړي چې ژر تر ژره ورته دایمي سرپنا برابره کړي.
د لغمان د کرنې، اوبولګولو او مالدارۍ وزارت په مالي لګښت د دې ولایت په درېوو ولسوالیو کې د سړوخونو د بیارغونې چارې پیل شوې. د دې ولایت والي زینالعابدین عابد وایي، دغه سړېخونې پخوا جوړې شوې وې او بیا ځلې رغول کېږي چې په وینا یې، بیارغېدنه به یې شاوخوا ۳۶ میلیونه افغانۍ لګښت ولري.
بلخ کې د کار او ټولنیزو چارو ریاست مسوولان وايي چې د ترکیې «ټېکا» یا پراختیايي خدمتونو ادارې له لوري دغه ولایت کې ۲۰ ښځو ته د خیاطۍ زدهکړې زمینه برابرې کړې ده.
د اوبو او انرژي وزارت چارواکي وایي چې د لوګر په مرکز پلعلم، برهکي برک او خوښۍ ولسوالیو کې د ۱۶میلیونه افغانیو په مالي لګښت د پنځه چکډمونو د جوړېدو چارې پيل شوې. د اوبو او انرژې وزارت وزیر عبدالطیف منصور پلعلم کې جوړې شوې یوې غونډې ته وویل، د لوګر مرکز پلعلم او شپږو ولسوالیو کې سږ کال د ۱۴۷میلیونه افغانیو په ارزښت د اوبو د مدیریت پروژې منظورې شوې دي.
اوزبکستان ته د ا.ا د پلاوي سفر سره هممهاله، د سرپرست حکومت مسوولان وايي، دغه پلاوی به اوزبکستاني چارواکو سره پر بېلابېلو برخو خبرې او هوکړې وکړي.
د مسوولانو په وینا، دغه سفر به د پانګونو جذب، د سوداګرۍ برخه کې د اسانتیاوو رامنځته کولو، د ټرانزیت په برخه کې د ستونزو د حل او د افغان ـ ترانس د اوسپنې پټلۍ د چارو پیلولو لپاره د بهرنۍ پانګونې پر جلبولو ورټول وي.
د افغانستان سرپرست حکومت په یوشمېر هېوادونو کې د افغان کډوالو له حقونو څخه د دفاع لپاره یوه کمېټه جوړه کړې.
د ا.ا د ویاند مرستیال بلال کریمي سلاموطندار ته وویل، دغه کمېټه به د افغان کډوالو د اساسي حقونو د تامین دنده پر غاړه ولري او په نورو هېوادونو کې د دغو کډوالو له حقونو څخه د سرغړونې قضیې له قانوني لارو تعقیب او وڅېړي.
د لوګر پلعلم ښاروالي له لوري د څلور لارو، واټونو او کانالونو د پاکولو په موخه نن یو ورځنی حشر وشو.
دغه یو ورځنی حشر نن یکشنبه د لړم ۱۴مه په مرکز پلعلم کې وشو چې چارواکو او عامو خلکو پهکې برخه اخیستې وه.
د کورنيو چارو سرپرست سراجالدين حقاني وايي چې پاکستان دې خپلې ستونزې په خپله کړي او له نورو دې د حل غوښتنې نهکوي.
نوموړي دغه څرګندونې خوست ته د خپل سفر پر مهال یوې غونډې ته کړې دي.
ملګري ملتونه وايي چې افغانستان کې د ا.ا له لوري د نشهيي توکو پر کښت د بندیز له امله دغه هېواد کې د تریاکو تولید ۹۵سلنه کم شوی دی.
ملګروملتونو دغه څرګندونې نن یکشنبه د لړم ۱۴مه په یوه راپور کې کړې دي. په خپور شوي راپور کې ویل شوي چې په ۲۰۲۲ کال کې د تریاکو تولید ۶۲۰۰ ټُنه ته رسېده چې روان ۲۰۲۳ کال کې دغه شمېر ۳۳۳ ټُنو ته راښکته شوی دی.
له پاکستان څخه په زور راستنې کړل شوې د یوشمېر کورنیو ماشومان دغه هېواد کې د ځورونې او نیونې له امله له رواني اړخه ځپل شوې او ناوړه وضعیت کې دي.
لس کلن بلال چې دوه ورځې وړاندې له پاکستانه خپلې کورنۍ سره یوځای هېواد ته راستون شوی، وېرې اخیستی دی.
مخکینی ولسمشر محمداشرف غني وايي چې له پاکستان څخه په جبري توګه د ستنېدو برخه کې افغان کډوالو سره روان کړنې له نږدې څاري.
نوموړي پر خپله فېسبوکپاڼه په لیکلي او غږیزه بڼه یوه پیغام کې همداراز ویلي چې افغانستان ګاونډیان له افغانانو سره یو ډول چلن کوي او په وینا یې، هېوادونه چې له ناورینونو سره مخ کېږي، زور یې له کډوالو باسي.
روزګان کې یوشمېر کوژدن شوي ځوانان وايي چې د ناوړه دودونو او بېوزلي له امله کلونه کېږي چې د واده لګښتونو پوره کولو لپاره لاس تر ځنې ناست دي.
د یاد ولایت یوه اوسېدونکي شبیراحمد سلاموطندار ته وايي، څلور کاله کېږي چې کوژدن شوی، خو په وینا یې، د واده لګښتونو ته پیسې نهلري.
په تورخم کې چارواکي وايي چې دغه سیمه کې راستانه شویو کډوالو ته له جوړ شوي کمپ څخه تراوسه ۱۰۵۰ کورنۍ خپلو اصلي سیمو ته لېږدول شوې دي.
د چارواکو په وینا، دغه کورنۍ په تېره یوه شپه او ورځ کې بېرته خپلو اصلي سیمو ته لېږدول شوي او دا بهیر لاهم روان دی.
د ریاستالوزرا اقتصادي مرستیال ملا عدالغني برادر نن شنبه د لړم ۱۳مه د ایران په بلنه د یوه پلاوي په مشري دغه هېواد ته تللی دی.
د ریاستالوزرا اقتصادي معاونیت نن شنبه پر اېکس «ټوېټرپاڼه» لیکلي چې عبدالغني برادر به دغه هېواد ته د خپل سفر پر مهال ایراني چارواکو سره د دوه اړخیزو اړیکو، سوداګرۍ، ټرانسپورټ، رېل پټلۍ او نورو موضوعاتو په اړه خبرې وکړي.
د پکتيا ډنډپټان ولسوالي کې له پاکستان سره د «خرلاڅي دروازه» چې له تېرو لسو ورځو راهیسې تړلې وه، پرون جمعه د لړم ۱۲مه بېرته پرانېستل شوه. د پکتيا د سوداګرۍ خونې رییس حسیبالله ګردیزي سلاموطندار ته وويل چې دغه لاره د پاکستان له لوري تړل شوې وه چې بېرته پرانېستل شوې.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون