د هېواد د اوسپنې پټلۍ ادارې مسوولان وايي، د دغې ادارې رییس بختالرحمن شرافت بلخ کې د اوزبکستان د اوسپنې پټلۍ له مشر زفر غیاسویچ سره لیدلي دي. په دې لیدنه کې د افغانستان د اوسپنې پټلۍ رییس له غیاسویچ غوښتنه کړې چې د حيرتان – مزارشريف رېل پټلۍ په لنډ وخت کې او په کمه بیه له سره ورغوي.
د فاریاب ولایتي روغتون مسوولان وايي چې دغه روغتون ته پر رواني ناروغیو د اخته کسانو ورتګ ډېر شوی چې دوی یې اندېښمن کړې دي.
د دوی په وینا، میاشت کې تر ۱۶۰۰ رواني ناروغان د درملنې لپاره د دغه روغتون د رواني عصبي څانګې ته مراجعه کوي. هغه وايي، اړتیا ده چې دغه روغتون کې د رواني ناروغانو د غوره درملنې لپاره لا ډېر بسترونه جوړ شي.
د غزني محلي مسوولان وايي چې د دغه ولایت په بېلابېلو سیمو کې د ۸۵۰زره امریکايي ډالرو په ارزښت ۱۴ پروژې ګټې اخیستنې ته سپارل شوې دي.
یادې پروژې د «DRC» موسسې په مالي لګښت د غزني په مرکز او شپږو ولسوالیو کې پلې شوې دي.
د پکتيا د ډنډپټان ګمرک کې د ۴۴ میلیونه افغانيو په لګښت د سوداګریزو توکو د ساتنې او تخلیې لپاره د ګُدامونو د جوړېدو چارې پيل شوې.
د دې ګُدامونو د جوړېدو چارې نن پنجشنبه د لړم ۱۸مه په رسمي توګه پیل شوې.
یوشمېر افغان ماشومان چې په تېره یوه اوونۍ کې له خپلو کورنیو سره له پاکستان څخه په زوره را ایستل شوي، شکایت کوي چې د تلپاتې اوسېدو لپاره سرپناه نه لري او زدهکړې یې هم نېمګړې پاتې شوې دي.
په کابل کې د یوې موسسې له لوري له زدهکړو او کار څخه محرومې ۸۰ نجونې او مېرمنې د مسلکي زدهکړو له یوې شپږمیاشتنۍ دورې څخه فارغې شوې. د هغې په وینا، هڅه کوي هغه نجونې چې تازه له دغو مسلکي زدهکړو فارغې شوي، په خپل بنسټ کې ورته د کار اسانتیاوې هم برابرې کړي.
د افغانستان د خپرندویو ټولنې مسوولان وايي، د اطلاعاتو او فرهنګ وزارت تېرو دوو کلونو راهیسې د خپرندویو ټولنو او د کتابپلورونکو د فعالیت جواز نه دی تمدید کړی او هغوی په نا قانوني توګه فعالیت کوي.
د لوګر د کرنې، اوبولګولو او مالدارۍ ریاست چارواکي وایي چې په مرکز پلعلم کې د کرنې او مالدارۍ وزارت له لوري د کبانو د تولید او روزنې دولتي فارم جوړېږي.
د فراه محلي مسوولان وايي چې د دغه ولایت د مرکز په بېلابېلو سیمو کې له پاکستانه راستنېدونکو افغانانو ته د لنډمهالې اوسېدونې لپاره خېمې وهل شوي او کمپ ورته جوړ شوی دی.
د فراه سرې میاشتې ټولنې رییس میراحمد هاشمي سلاموطندار ته ویلي چې له پاکستانه په زرو ایستل کېدونکو کډوالو سره باید ټول هېواد همکاري او مرسته وکړي.
د سمنګان محلی مسوولان وايي چې دغه ولایت څلور عامالمنفعه پروژې چې څه باندې شپږ میلیونه افغانۍ لګښت پرې راغلی ګټېاخیستنې ته وسپارل شوې.
د سمنګان د کلیو بیارغونې او پراختیا رییس اخترمحمد مصباح د یادو پروژو د پرانېستې پر مهال غوښتنه وکړه چې د دغو پروژو ساتنه دې وشي.
اروپايي ټولنې افغانستان کې اغېزمنو او له پاکستان څه تازه راستانه شویو کډوالو څخه د ملاتړ او لاسنیوي لپاره د ۶۱ میلیونه افغانیو مرستې اعلان کړی دی.
دې ټولنې پرون «سهشنبه د لړم ۱۶مه» په خپره کړې خبرپاڼه کې همداراز ویلي چې د مرستو یوه برخه کې یې پاکستان کې مېشت افغان کډوالو ته هم ځانګړې کړې ده.
د خوست د شملخرم فرعي دریا حوزې مسولان وايي، نن سهشنبه د لړم ۱۶مه د ياد ولايت مرکز کې د دوه میلیونه او ۷۰۰زره افغانیو په لګښت د يوه چکډېم د جوړېدو چارې پيل کړې.
غلامنبي تېر کال په ناقانونه توګه ایران ته د کار کولو لپاره تللی و. هغه وايي، دغه هېواد کې د اوسېدو اړوند قانوني اسنادو نهلرلو له امله د یاد هېواد پولیسو په زور د نیمروز له لارې افغانستان ته اړولی دی.
د ریاستالوزرا اقتصادي مرستیال ملا عبدالغني برادر ایراني چارواکو سره د لیدنې پر مهال له دغه هېواده د برښنا تولید برخه کې د همکاري غوښتنه کړې.
دې لیدنه کې دواړو لوریو د ګډو اقتصادي، سیاسي او د امنیتي همکاریو پر دوام ټينګار کړی دی. په همدې حال کې ایراني چارواکو د افغان پلاوي سفر پر مهال ډاډ ورکړی چې افغانستان سره به په یادو برخو کې همکاري وکړي.
د هند په کوربهتوب د یو ورځنیو سیالیو نړیوال جام کې نن د افغانستان کرېکټ ملي لوبډله د اسټرالیا پر وړاندې لوبه کوي.
ټاکل شوې چې دغه لوبه نن له غرمې وروسته ۱:۰۰ بجه د هند د ډیلي په «وانګېډه کرېکټ لوبغالي» کې ترسره شي.
د پکتيا محلي مسوولان وايي چې د دغه ولایت د ډنډپټان ولسوالي له لارې له پاکستان څخه د راستنېدونکو افغان کډوالو لپاره یې چمتووالی نیولی او لومړنۍ اسانتیاوې یې ورته برابرې کړې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
