د سمنګان محلی مسوولان وايي چې دغه ولایت کې څلور عامالمنفعه پروژې چې څه باندې شپږ میلیونه افغانۍ لګښت پرې راغلی، ګټېاخیستنې ته وسپارل شوې.
د سمنګان د کلیو بیارغونې او پراختیا رییس اخترمحمد مصباح د یادو پروژو د پرانېستې پر مهال غوښتنه وکړه چې د دغو پروژو ساتنه دې وشي.
د سلاموطندار پښتو فېسبوکپاڼه وڅارئ
یادې عامالمنفعه پروژې د سمنګان د «ایبک» څلور کلیو کې بشپړې شوې چې شپږ میلیونه او ۱۷۴زره افغانۍ لګښت پرې راغلی دی.
په پرانېستل شویو پروژو کې د ۲۰۰متر مکعب اوبو د ذخیرې جوړول، د ۱۲ مټره په اندازه د یوه پلچک رغونه، د ۱۰۵ مټره کانال پخول او نورې پروژې شاملې دي چې شاوخوا ۱۲۲۷ کورنۍ به ترې ګټه واخلي.
یوشمېر هغه کورنۍ چې له دې پروژو ګټه اخلي، وايي، له دې وړاندې د څښاک پاکو اوبو برابرولو برخه کې له ستونزو سره مخ وو او په وینا یې، په دې پروژو سره به یې ستونزې هوارې شي.