کندهار کې محلي مسوولان وايي چې د دې ولايت د ښاروالي له لوري د ۲۰،۴ ميليونه افغانيو په ارزښت د ښار په بېلابېلو سيمو کې د بیارغوني چاري پیل شوې دي.
د کندهار ښاروالي له لوري په خپره شوې خبرپاڼه کې راغلي چې په يادو پروژو کې د کوڅو کانګريټآچونه، چريو او سلبونو د جوړونې پروژې شاملې دي.
د سلاموطندار پښتو فېسبوکپاڼه وڅارئ
په خبرپاڼه کې زياته شوې چې د دغه پروژو د پليکېدو پرمهال به ۶۰۰۰ فني او غيري فني کارګرو ته د کار زمينه برابره شي.
د سرچينې په وينا، د يادو پروژو چارې به په راتلونکو څولور میاشتو کې بشپړې شي.
دا په داسې مهال دی چې تر دې وړاندې هم کندهار کې د ښاروالي په بودیجې او د يوشمېر موسسو په مرسته ټولګټې پروژې پلي شوي وي.