د اوچا د افغانستان څانګې د تلې په څلېرویشتمه، د دوشنبې ورځ د خوړو نړیوالې ورځې په مناسبت پر خپلې اېکسپاڼې لیکلي، دا ورځې داسې مهال را رسېدلې چې پرلهپسې زلزلو په وروستیو څو ورځو کې د افغانستان لوېدیځ ته ټکانونه ورکړي دي. د اکټوبر شپاړلسمه د خوړو نړیواله ورځ ده.
د کابل ښار د بېلابېلو برخو، لکه د مليبس څلورلارې، د دهنباغ څلورلارې، د هوايي ډګر څلوېښت متره سړک، د شاهشهید واټ او کارتهنو اوسېدونکي وايي، په ښار کې د پرون بېګاه بارانونو له کبله ویالې تړل شوي او اوبه کوڅو او سړکونو ته راوتلي او د خلکو او موټرو د تګراتګ مخه یې بنده کړې ده. دوی له مسوولانو غواړي چې دا ستونزه حل کړي.
د کابل يوشمېر اوسېدونکي وايي چې د ژمي په رانږدې کېدو سره پلازمېنه کې د سوند توکو بیې لوړې شوې دي.
کندهار کې محلي مسوولان وايي چې د دې ولايت د ښاروالي له لوري د ۲۰،۴ ميليونه افغانيو په ارزښت د ښار په بېلابېلو سيمو کې د بیارغوني چاري پیل شوې دي.
ننګرهار کې روغتیايي چارواکي وايي چې دغه ولایت کې پر خوارځواکۍ د اخته ماشومانو شمېر زیات شوی دی.
دوی زیاتوي چې دغه ولایت کې د کورنیو بېوزلي او د توکو لوړې بیې لامل شوي چې ماشومانو کې د خوارځواکۍ پېښې زیاتې شي.
پر غزې د اسراییلي ځواکونو د بریدونو پر دوام ژغورونکې ډلې وايي چې لاهم څه د باندې ۱۰۰۰ کسانو جسدونه د ویجاړو شویو ودانیو تر خاورو لاندې دي.
اسراییلي ځواکونو له تېرو څو ورځو راهیسې پر غزې هوايي بریدونه پیل کړي او دغه سیمه یې کلابنده کړې ده.
د هند په کوربهتوب د روان ۲۰۲۳ کال د یو ورځنیو سیالیو نړیوال جام کې نن د اسټرالیا کرېکټ ملي لوبډله له سریلانکا سره لوبه کوي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
