د هرات ۵۰ سلنه زدهکوونکي پر کرونا ويروس اخته شوي
د هرات ولايت د عامې روغتيا رياست وياند محمد رفیق شېرزی سلاموطندار ته وايي، له ښوونځيو د دوی د څار ټيم موندنې ښيي چې له ۴۰ نه تر ۵۰ سلنو پورې زدهکوونکي پر کرونا ويروس اخته شوي دي.
د هرات ولايت د عامې روغتيا رياست وياند محمد رفیق شېرزی سلاموطندار ته وايي، له ښوونځيو د دوی د څار ټيم موندنې ښيي چې له ۴۰ نه تر ۵۰ سلنو پورې زدهکوونکي پر کرونا ويروس اخته شوي دي.
د فاریاب د امنیې قومندانۍ ویاند عبدالکریم یورش وايي، وسلهوال طالبان تېره شپه د ګرزيوان ولسوالۍ «افغانتپه» سیمه کې یوه کور ته ور اوښتي چې پلار او د هغه ځوان زوی یې وژلي دي.
ملي دفاع وزارت یوه اعلامیه کې وايي، تېره شپه د هلمند ناوې ولسوالۍ کې د هوايي ځواک دوو MI-17 چورلکو د تخنیکي ستونزو له کبله سقوط کړی چې په کې ۹ سپرلۍ یې وژل شوې دي.
له یوې خوا هېواد کې د سړو او یخنۍ فصل را رسېدلی او بله خوا د قطر پلازمېنه دوحه کې د سولې خبرې هم روانې دي، خو طالبانو دغو دواړو حالاتو ته پام نه دی کړی او په ګڼو ولایتونو کې یې خپلو بریدونو ته زور ورکړی.
سره له دې چې وړاندې د افغان دولت او طالبانو مرکچي پلاويو ویلي وو، بینالافغاني خبرو کې به بهرنیان ونډه نه لري او افغان لوري به په خپله یوې پرېکړې ته رسېږي. خو اوس قطر کې د حکومت د مرکچي پلاوي یو غړی چې نه غواړي نوم یې خپور شي وايي، امریکا او ځینو نورو هېوادونو داسې یو میکانیزم چمتو کړی چې که هوکړه پرې وشي، نو ځینې بهرنیان به بینالافغاني خبرو کې د دواړو مرکچي ډلو ترمنځ د تسهیل کوونکيو په نامه کار کوي.
طالبانو درې ورځې مخکې د هلمند پر مرکز لښکرګاه ښار او یو شمېر نورو سیمو برید وکړ چې وروسته یې څلورمه امنیتي حوزه او د امنیتي ځواکونو ګڼ شمېر پوستې ونیولې. پر هلمند د طالبانو د برید له کبله تراوسه د لښکرګاه ښار د څلورمې امنیتي حوزې باباجي سیمې، د درېیمې امنیتي حوزې بولان سیمې، د نادعلي ولسوالۍ او د ګڼو نورو سیمو ۴۵۰۰ کورنۍ بېځایه شوې دي.
د باميانو سيمهييزه اداراه تاييدوي چې د دې ولايت د کشفي او استخباراتي راپورونو پر بنسټ ولسي جرګه کې د بامیانو پخوانی غړی عبدالرحمان شهیداني طالبانو سره يوځای شوی.
په هغه مکتوب کې چې رسنيو ته لېږل شوی راغلي چې د باميانو سيمهييزې ادارې ۱۳۹۹/۲۰/۷/۵۲۹ مکتوب نمبر کې دغه موضوع د سيمهييزو ارګانونو له خپلواکې ادارې سره شريکه کړې ده.
د افغان دولت او طالبانو د مرکهچي پلاوو تماس ډلو له اوږد ځنډ وروسته پر اختلافي مواردو خبرې کړي. د افغان دولت د مرکهچي پلاوي غړي نادر نادري پر ټویټر ویلي، د تماس ډلو غونډه تېر ماښام شوې چې په کې پر اختلافي مواردو جدي خبرې شوي او هوکړه شوې چې دغه غونډې به دوام کوي.
د ولسمشر لومړی مرستیال امرالله صالح وايي، طالبانو ځکه پر خلکو خپل بریدونه ډېر کړي چې دغه ډله له روانو سیاسي او باندنیو تحولاتو خبر نه لري. صالح نن پر خپله فېسبوک پاڼه د یوه پیغام په خپرولو سره ویلي، طالبانو ملي اراده له پامه غورځولې او د سولې له پروسې د ناسم برداشت په لرلو سره یې خپل بریدونه ډېر کړي دي.
د الکټرونیکي تذکرو د انلاین فورمې د بهرنیو ژبو په لېست کې د فارسي ژبې ثبتولو نه وروسته د نیوکو په لړ کې، د احصايیې او معلوماتو ملي ادارې رييس جاوېد رسولي په دې اړه د سپیناوي ورکولو لپاره ولسي جرګې ته وغوښتل شو.
د کابل ښار اوسېدونکي ښار کې د ناامنیو او جنايي جرمونو له زیاتېدو اندېښنه ښيي او وايي، د وسلهوالو کسانو او غلو حضور لامل شوی، ترڅو دوی ونهشي کولی د ښار په کچه په ډاډه زړه تګ راتګ وکړي. د هغوی په وینا، کابل ښار کې د خلکو سر او مال خوندي نه دی.
ولسي جرګې نن دو شنبه د رایو په غوڅ اکثریت د هغو ادارو لغو کېدل تصویب کړل چې د ولسمشر د تقنیني فرمان له مخې جوړې شوې وې. دغه پرېکړه وروسته له هغه کېږي چې د ولسي جرګې یو شمېر غړیو د تېرې چهارشنبې ورځې په عمومي غونډه کې د ملي امنیت شورا او د چارو ادارې په څېر هغو ادارو د لغو کېدو غوښتنه وکړه چې وايي په ناقانونه ډول جوړې شوې دي.
په کابل کې سلګونو کسانو د پاکستان د ويزو ترلاسه کولو لپاره د دوی سفارت مخکې اعتراض وکړ او ويې غوښتل چې دوی ته ويزې ورکړي. معترضانو د پاکستان د ويزو د ورکړې چې په ځنډ سره ورکول کېږي شکايت وکړ او ويې ويل، ډېرې ورځې په تمه کېږي چې د پاکستان ويزه ترلاسه کړي؛ خو نه بريالي کېږي.
د پکتيا د مرکز ګردېز اړوند د تېرې په سيمه کې يو شمېر ځوانانو، مشرانو او د ښوونځيو زده کوونکيو د حکومت پر مرکزي او سيمهييزې ادارې اعتراض وکړ چې د ۱۰۳ ښوونځيو جوړېدو چارې چې تېر کال پيل شوې وې، په ټپه درېدلي او د جوړېدو بيا پيل لپاره يې هېڅ هم نه دي کړي.
دا پېښه نن سهار د کندوز ښار «شورابي» سيمه کې شوې ده. د يادې کورنۍ نږدې خپلوان سلاموطندار ته وايي، د يادې مرمۍ د لګېدو له کبله د ۲ ماشومانو، يوې مېرمن او يوه هلک په ګډون په کې ۴ کسان وژل شوي دي. د دوی په وينا، د هاوان ياده مرمۍ د امنيتي ځواکونو او طالبانو ترمنځ د نښتې له کبله پر يوه هستوګنيز کور لګېدلې ده.
د هلمند د والي ویاند عمر ځواک وايي، طالبانو د هلمند ـ کندهار «دوهلارې» سیمه کې د دواړو ولایتونو لپاره د برېښنا پر لوی سبسټېشن برید کړی چې تخنیکي توکي يې ځان سره وړي، ځینې يې تخریب کړي او د دې سبسټېشن د ساتونکيو ترڅنګ يې دوه انجینران هم ځان سره بيولي دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون