د هرات ولايت د عامې روغتيا رياست وياند محمد رفیق شېرزی سلاموطندار ته وايي، له ښوونځيو د دوی د څار ټيم موندنې ښيي چې له ۴۰ نه تر ۵۰ سلنو پورې زدهکوونکي پر کرونا ويروس اخته شوي دي.
شېرزی زياتوي د دوی څار ټيمونو په ناڅاپي توګه له ۳۵۰ نجونو او هلکانو زدهکوونکيو د کرونا ټېسټ اخيستی چې له دې ډلې د ۱۵۳ کسانو پايله مثبته پېژندل شوې ده چې د اندېښنې وړ ده.
نوموړی وايي، هغه زدهکوونکي چې پر کرونا اخته شوي روغتيايي وضعيت يې ښه دی.
شېرزی وايي، په وروستيو دوه اوونيو کې د کرونا ويروس د مثبتو پېښو شمېر ډېر شوی دی.
له دې وړاندې د فراه ولايت روغتيايي مسوولانو هم ويلي وو چې ۳۰ سلنه ماشومان چې عمرونه يې له ۵ کلونو کم دي، روغتون ته درملنې لپاره ځي، د کرونا نښې لري.
د فراه ولايت د عامې روغتيا سرپرست مهتابالدین نورزي سلاموطندار ته ويلي و چې په هرو ۱۰ ماشومانو کې چې دولتي او شخصي روغتونونو ته درملنې لپاره ځي، د کرونا نښې لري.
