د خوست د شملخرم فرعي دریا حوزې مسولان وايي، نن سهشنبه د لړم ۱۶مه د ياد ولايت مرکز کې د دوه میلیونه او ۷۰۰زره افغانیو په لګښت د يوه چکډېم د جوړېدو چارې پيل کړې.
په خوست کې د شملخرم فرعي سينديزې حوزې رييس عبدالقيوم ثابت وايي، د یاد چکډېم د جوړېدو ټول لګښت د اوبو او برښنا وزارت لهخوا ورکول کېږي.
د سلاموطندار پښتو فېسبوکپاڼه وڅارئ
د نوموړي په وينا، د خوست په مرکز او ولسواليو کې د ۱۷ چکډيمونو سروې او ډيزاين چارې شوي او د تدارکاتو پروسې له بشپړېدو وروسته به يې چارې پيل شي.
هغه زیاته کړه چې د یادو چکډېمونو له ډلې یې پنځه په مرکز او دولس نور يې په ولسواليو کې جوړېږي.
هغه وويل چې د يادو چکډيمونو جوړېدل به د ځمکې لاندې اوبو کچې په راپورته کېدو او ځمکو خړوبولو لپاره ګټور تمام شي.