د غزني محلي مسوولان وايي چې نن «پنجشنبه، کب درېیمه» دغه ولایت کې پر دوو کسانو د قصاص حکم جاري کړی دی.
دغه دوه کسان چې د غزني د اندړو ولسوالي او د میدانوردګ د لونهيي سیمې اوسېدونکي وو، دو کاله وړاندې د وژنې «قتل» په تور نیول شوي وو.
د چارواکو په وینا، د قصاص حکم د سرپرست حکومت د یوشمېر چارواکو او د غزني د سلګونه اوسېدونکو په شتون کې جاري شوی دی.
د افغانستان په اړه تېره یوه میاشت کې لږ تر لږه څلور غونډې پلان شوي چې له هغې ډلې د بشکیک او دوحې غونډې شوي، خو په پام کې ده چې د ملګروملتونو د امنیت شورا او د امریکا د بهرنیو چارو وزارت غونډې د همدې میاشتې پر ۲۶ او ۲۷ نیټه جوړه شي.
د روزګان روغتیايي مسوولان وايي، د مرستندویه موسسو په همکارۍ یې د دغه ولایت لرېپرتو سیمو کې تازه یوشمېر روغتیايي مرکزونه جوړ کړي چې ورسره د مور او ماشوم د مړینې کچه د پام وړ راکمه شوې.
د مسوولانو په وینا، د مور او ماشوم د مړینې کچې صفر کولو لپاره به خپلو هڅو ته دوام ورکړي.
د خوست د عامې روغتيا رياست چارواکي وايي چې د ياد ولايت په ملکي روغتون کې يې د افغانستان «توبرکلوز ملي پروګرام» د کنترول ریاست له لوري د «مقاوم توبرکلوز» ناروغانو د درملنې لپاره ځانګړې څانګه پرانیستله.
نن د فبرورۍ ۲۱مه د مورنۍ ژبې له نړیوالې ورځې سره برابرا ده. د اظلاعاتو او فرهنګ وزارت سرپرست کابل کې د مورنۍ ژبې نړیوالې ورځې په اړه جوړه شوې غونډه کې وویل چې افغانستان کې د ژبو ودو ته ژمن دی.
د کندوز د قلعهذال ولسوالي اوسېدونکي وايي چې له څو کلونو راهیسې دغه ولسوالي کې د روغتیايي خدمتونو د پراخېدو غوښتنه کوي، خو په وینا یې، تراوسه ورته پام نهدی شوی.
د دوی په وینا، د قلعهذال ولسوالي روغتون لس بستره لري چې د یاد روغتون مراجعهکوونکو ته بسنه نهکوي.
د غربي نورستان اړوند نورګرام ولسوالي تتین درې په نکره کلي کې د تېرې دوشنبې شپې د غر ښوویېدنې له امله تراوسه ۲۳جسدونه له خاورو او ډبرو رااېستل شوي دي.
د ځايي چارواکو په وینا، لاهم څلور جسدونه تر تیږو لاندې دي.
ټاکل شوې چې د افغانستان کرېکټ ملي لوبډله د سریلانکا په کوربهتوب د دغه هېواد د کرېکټ ملي لوبډلې سره د درېوو شل اووره سیالیو د لوبلړۍ وروستۍ او دريیمه لوبه وکړي.
د سریلانکا کرېکټ ملي لوبډلې له دې وړاندې د یادې لوبلړۍ دوه سیالي ګټلي او لوبلړۍ یې لا له وړاندې په خپل نوم کړې ده.
د میدانوردګ د کرنې او مالدارۍ ریاست چارواکي وایي چې د ملګرو ملتونو د پراختیايي پروګرام (UNDP) په مالي ملاتړ په سیداباد ولسوالي کې د یوې پروژې چارې پيل شوي دي.
د افغان ترک ادارې مرستیال میدانوردګ ته د یوه سفر پرمهال یوې غونډې ته ویلي چې ټول هېواد کې یې ۵زره زدهکوونکو ته په ښوونځيو کې د لیکلوست زمینه برابره کړې.
د هلمند د لښکرګاه ښاروالي مسوولان وايي چې روان ۱۴۰۲ کال کې یې د څه باندې ۱۰۰میلیونه افغانیو په لګښت پروژې پلې کړې دي.
د دوی په وینا، د یادو پروژو په پليکېدو سره د ښار په ښکلا او بڼه کې د پام وړ بدلون راغلی دی.
د نورستان د نورګرام په «تتین دره» کې د «وړمې شپې» د غر ښوویېدنې له امله د یوشمېر هغو کسانو جسدونه رااېستل شوي چې تر خاورو لاندې وو.
سیمه کې ځايي مسوولان وايي، تېره ورځ یې ۱۲ او «نن سهشنبه کب لومړۍ» سهار یې یو جسد رااېستلی او د پاتې نورو جسدونو د ایستلو هڅې روانې دي.
د کندهار د ښکته شاولي کوټ ولسوالي اوسېدونکو په خپل شخصي لګښت دغه ولسوالي کې د اوبو د یوه چکډېم د جوړېدو چارې پیل کړې.
د یادې ولسوالي یوه اوسېدونکي عبدالسلام، سلاموطندار ته وايي چې دغه چکډېم د شاولي کوټ د لوړسوزني په تنګي کلي کې د اوبو زېرمه کولو لپاره جوړېږي.
د ملګروملتونو سازمان د روان کال سلواغې پر ۲۹مه او ۳۰مه د قطر دوحه کې د .افغناستان په اړه غونډه وکړه
د چارو کارپوهان سره له دې چې د افغانستان په اړه د دغه ډول غونډو جوړېدل او دوام ته خوشبینه دي، خو ټینګار کوي چې د هېوادونو سیاليو او لیدلورو کې اختلافونو د دوحې پر غونډه سیوری غوړولی و.
د ملګروملتونو پراختیايي پرورګرام (UNDP) مسوولان میدانوردګ ته د یوه سفر پرمهال له محلي چارواکو سره ژمنه کړې چې د دغه ولایت په مرکز میدانښار او ۹ ولسوالیو کې به د عامې روغتیا وزارت اړوند ۳۳ روغتیایي مرکزونو ته لمرېزه برښنا برابره کړي.
د افغانستان د دعوت او ارشاد ادارې رییس محمدهاشم ورور وايي چې خبریالان او د رسنیو کارکوونکي دې ږیرې پرېږدي او د تصویر او ویډیو اخیستل لویه ګناه ده.
نوموړي دغه څرګندونې نن سهشنبه کب لومړۍ نېټه کابل کې د مبلغینو لپاره تربیتي اصلاحي سیمنار کې د وینا پر مهال کړې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
