دوو ولایتونو کې ټرافیکي پېښو اته کسان مړه او نهه نور یې ټپیان کړي
د هېواد په دوو ولایتونو کې د ټرافیکي پېښو له امله اته کسان مړه شوي او نهه نور ټپیان دي.
لومړۍ ټرافیکي پېښه چې نیمروز کې رامنځته شوې له کبله یې اته کسان مړه شوي او شپږ نور ټپیان دي.
د هېواد په دوو ولایتونو کې د ټرافیکي پېښو له امله اته کسان مړه شوي او نهه نور ټپیان دي.
لومړۍ ټرافیکي پېښه چې نیمروز کې رامنځته شوې له کبله یې اته کسان مړه شوي او شپږ نور ټپیان دي.
د کندهار پوهنتون او د دغه ولایت د ۲۰۵البدر قولاردو کې، د لوړو زدهکړو وزارت له شاوخوا ۷۳۹۶ دیني عالمانو څخه د عالمیه دورې (ماسټرۍ) د اسنادو د ارزوني په موخه ازموینه واخیستل شوه. د نوموړي په وینا، د کندهار په دواړو ځایونو کې له ازموینې څخه د څار او ارزوني ټیمونه ګومارل شوي وو او د ازموینې بهیر یې په رڼه توګه څاره.
د بهرنیو چارو وزارت ویاند عبدالقهار بلخي جمعه، کب ۱۸مه پر اېکسپاڼه لیکلي، ا.ا د فلسطین په لوېدیځه غاړه «الصفه الغربیه» کې د اسراییلو له لوري د ۳۵۰۰نویو مېشتځایونو د جوړېدو پرېکړه غندي او د بندېدو غوښتنه یې کوي. یاد وزارت پر نړۍ غږ کړی چې فلسطین کې د روان ناورین مخنیوي په پار بېړني اقدامات وکړي او خپل مسوولیت ادا کړي.
د پاکستان کرېکټ سوپر لیګ سیالیو په لړ کې نن د پېښور زلمي لوبډله د کویټې ګلاډیېټرز لوبډلې سره سیالي کوي.
ټاکل شوې چې دغه لوبه نن جمعه ۶:۳۰ بجې د پاکستان راولپنډۍ کرېکټ لوبغالي کې ترسره شي.
د موټرو جوړولو کمپنۍ رېوېن د «R2 SUVS او R3 CROSSOVERS» په نومونو خپل نوي کم لګښته برښنايي موټر بازار ته وړاندې کړل.
د رېوېن کمپنۍ دغه موټر به د دې کمپنۍ په امریکا کې مېشتې څانګه کې جوړېږي او د ۲۰۲۶ کال په لومړیو کې به پلور ته وړاندې شي. برښنايي موټر له هغو موټرو چې تېل خوري، خورا لوړه بیه لري.
د سرپرست حکومت د بهرنیو چارو وزارت سرپرست امیرخان متقي نن «جمعه، مارچ اتمه» د افغانستان لپاره د هند ځانګړي استازي جيپي سنګ سره کتلي دي.
د بهرنیو چارو وزارت ویاند عبدالقهار بلخي پر خپله اېکسپاڼه لیکلي چې دې لیدنه کې دواړو لوریو د افغانستان او هند ترمنځ پر اقتصادي او ټرانزیټي مسایلو خبرې او بحث کړی دی.
د افغانستان او ترکیې د دوستۍ ۱۰۳مې کلیزې سره هممهاله، د ترکیې د فارغالتحصیلانو ټولنې، ترکیې پوهنې بنسټ په همکاري او ټېکا، کابل کې د دواړو هېوادونو د دوستۍ تړون د لاسلیککېدو ۱۰۳مې کلیزه ونمانځله. یادو مراسمو کې ګډونکوونکو ، افغانستان کې د پوهنې او زدهکړو برخو کې د ترکیې فعالیتونه وستایل او د دوام غوښتنه یې وکړه.
په پکتیکا کې ځايي مسوولان وايي چې په دغه ولایت کې «د شهید ارمان او زرغون افغانستان» په نوم د نیالیګو کېنولو اشر پیل کړی دی.
دغه اشر پنجشنبه، کب ۱۷مه مرکز ښرنه کې د کرنې، اوبولګولو او مالدارۍ، ښاروالي او د چاپېریال ساتنې ریاستونو او د ولایت مقام په همغږۍ د يو لړ مراسمو په ترڅ کې پيل شوی دی. د یادونې وړ ده چې یاد اشر به د پکتیکا ټولو ولسوالیو ته هم وغځيږي.
د سرپرست حکومت د کورنیو چارو وزارت په شخصي موټرو کې د دولتي نښو او هارنونو پر کارولو بندیز لګولی دی.
دغه وزارت نن پنجشنبه د کب ۱۷مه پر اېکسپاڼه لیکلي د شخصي موټرو له چلوونکو غوښتنه کړې چې په خپلو موټرو کې د دولتي نښو، اشارو او هارنونو له لګولو ډډه وکړي.
د پاکستان کرېکټ سوپر لیګ کې نن پنجشنبه د مارچ اوومه یوه لوبه کېږي چې اسلاماباد یونایټېډ به له کراچي کنګز لوبډلې سره ولوبېږي.
ټاکل شوې چې یاده لوبه نن ماښام ۶:۳۰ د پاکستان په راولپنډۍ کرېکټ لوبغالي کې ترسره شي.
د لوګر کرنې، اوبولګولو او مالدارۍ ریاست چارواکي وايي چې په مرکز پلعلم او ولسوالیو کې د پرلهپسې واورې اورښت، سړې هوا او خوراکي توکو کمښت له امله زرګونه څاروي د لهمنځه تلو له ګواښ سره مخ شوي دي.
د افغانستان کرېکټ ملي لوبډله په خپل کوربهتوب، د ایرلنډ کرېکټ ملي لوبډلې سره نن «پنجشنبه، کب ۱۷مه» د یو ورځنیو سیالیو لوبلړۍ پیلوي.
ټاکل شوې چې یاده لوبه نن د عربي متحده اماراتو په «شارجه کرېکټ لوبغالي» کې ترسره شي.
د پکتیا امنیتي مسوولان وايي چې د روان ۱۴۰۲ کال پر مهال یې د وژنو، غلاوو او نورو بېلابېلو جرمونو په تړاو ۵۶۲ کسان نیولي دي.
د پکتیا امنیې قومنداني ویاند منیب ځدراڼ په دې خبري ناسته کې وویل چې روان کال دغه ولایت کې د قتل په تړاو ۴۹، د غلا په تړاو ۱۲۳ کسان او پاتې نور بیا د بېلابېلو جرمونو په تورن نیول شوي دي.
د لوګر د سیندېزې حوزې ریاست چارواکي وایي چې په مرکز پلعلم کې یې محلي چارواکو، قومي مشرانو او کروندګرو ته د اوبو د ضایعاتو مخنیوي په موخه عامه پوهاوی ورکړ.
د شمالي کوریا مشر کېم جونګ اون د دغه هېواد لوېدیځ کې د پوځي عملیاتو په یوه لویه اډه کې له پوځ سره د لیدنې پر مهال د جګړې لپاره د چمتووالي د ډېرېدو امر کړی دی.
د شمالي کوریا دولتي خبري اژانس (KCNA) «پنجشنبه، مارچ اوومه» په خپل راپور کې د یادې پوځي اډې نوم او ځای نهدی په ډاګه کړی.
د تخنیکي او مسلکي زدهکړو ادارې د چهارشنبې په ورځ د حکومت د رسنیو په مرکز کې د یوې خبري ناستې پر مهال د سږني کال د ۱۰۰۰ فارغانو لپاره د کار موندلو خبر ورکړ.
د دې ادارې رییس غلامحيدر شهامت وايي، فارغان په بېلابېلو برخو کې روزل شوي چې په ټول هېواد کې به د دې ادارې په اړوند انسټېټیوټونو کې د ښوونکو په توګه وګومارل شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون