په پکتیکا کې ځايي مسوولان وايي چې په دغه ولایت کې «د شهید ارمان او زرغون افغانستان» په نوم د نیالیګو کېنولو اشر پیل کړی دی.
دغه اشر پنجشنبه، کب ۱۷مه مرکز ښرنه کې د کرنې، اوبولګولو او مالدارۍ، ښاروالي او د چاپېریال ساتنې ریاستونو او د ولایت مقام په همغږۍ د يو لړ مراسمو په ترڅ کې پيل شوی دی.
د سلاموطندار پښتو فېسبوکپاڼه وڅارئ
د پکتيکا ولايت مقام وياند امينالله منديزي، سلاموطندار ته په یوې رالېږلې خبرپاڼه کې ویلي، د نيالګيو کينولو په اشر کې به ۳۰زره مېوه لرونکي او غیر مېوه لرونکي نیالګي کينول شي.
خبرپاڼه زیاتوي چې د نيالګيو کينولو په اشر کې د پکتیکا والي عبدالخالق عابد له خلکو وغوښتل چې د هېواد ښېرازي او زرغونولو لپاره دې مثمر او غیرمثمر نیالګي کېنوي.
د پکتيکا اوسېدونکو بیا له مسوولانو غوښتنه وکړه چې د نیالګیو کېنولو سربېره، د هغوی د اوبو کولو لپاره دې هم منظم سېسټم برابر کړي.
د یادونې وړ ده چې یاد اشر به د پکتیکا ټولو ولسوالیو ته هم وغځيږي.