یوناما افغانستان کې د تاوتریخوالي درولو غوښتنه کړې
د ملګروملتونو سیاسي استازولۍ یا یوناما نن سهار پر ټوېټر ویلي، ټولې خواوې دې روانې نښتې او تاوتریخوالی ودروي او د جګړې سولهییز حل لپاره دې هڅې زیاتې کړي.
د ملګروملتونو سیاسي استازولۍ یا یوناما نن سهار پر ټوېټر ویلي، ټولې خواوې دې روانې نښتې او تاوتریخوالی ودروي او د جګړې سولهییز حل لپاره دې هڅې زیاتې کړي.
د کار او ټولنيزو چارو وزارت مسوولان وايي چې په افغانستان کې ۱ ميليون ماشومان په نشهيي توکيو روږدي دي. د ياد وزارت سرپرست بشیر احمد تهینج وايي، له يادو ماشومانو ۵۰ سلنه يې نجونې دي. د کار او ټولنيزو چارو وزارت مسوولان په داسې حال کې د ماشومانو چې پر نشهيي توکيو روږدي دي،خبر ورکوی چې د کورنيو چارو وزارت وياند طارق ارین وايي، په تېرو ۶ مياشتو کې يې يو شمېر د نشهيي توکيو پرچون پلورونکي نيولي.
قطر کې د افغان دولت مرکهچي پلاوي او طالبانو تېره ورځ ماښام خپلو کې سره عمومي غونډه کړې. د دولت د مرکهچي پلاوي غړي نادر نادري ویلي، غونډه کې چې د دواړو پلاويو رییسانو معصوم ستانکزي او عبدالحکیم هم په کې ګډون درلود، پر اختلافي موضوعاتو بحث شوی.
د عامې روغتیا وزارت ویاند اکمل سمسور هېواد کې د کرونا ویروس د بیا پراخېدو ادعا په مطرح کېدو سره هممهاله وايي، تر دې وروسته به دولتي ادارو او روغتونونو کې د ماسک اچول جبري وي.
داسې حال کې چې قطر کې د حکومت او طالبانو د مرکهچي پلاويو ترمنځ شاوخوا یوې میاشتې راهیسې بینالافغاني خبرې پیل شوي او لاهم د رسمي غونډو پر اجنډا او کړنلارې هوکړې ته نه دي رسېدلي.
د هرات ولايت د عامې روغتيا رياست وياند محمد رفیق شېرزی سلاموطندار ته وايي، له ښوونځيو د دوی د څار ټيم موندنې ښيي چې له ۴۰ نه تر ۵۰ سلنو پورې زدهکوونکي پر کرونا ويروس اخته شوي دي.
د فاریاب د امنیې قومندانۍ ویاند عبدالکریم یورش وايي، وسلهوال طالبان تېره شپه د ګرزيوان ولسوالۍ «افغانتپه» سیمه کې یوه کور ته ور اوښتي چې پلار او د هغه ځوان زوی یې وژلي دي.
ملي دفاع وزارت یوه اعلامیه کې وايي، تېره شپه د هلمند ناوې ولسوالۍ کې د هوايي ځواک دوو MI-17 چورلکو د تخنیکي ستونزو له کبله سقوط کړی چې په کې ۹ سپرلۍ یې وژل شوې دي.
سره له دې چې وړاندې د افغان دولت او طالبانو مرکچي پلاويو ویلي وو، بینالافغاني خبرو کې به بهرنیان ونډه نه لري او افغان لوري به په خپله یوې پرېکړې ته رسېږي. خو اوس قطر کې د حکومت د مرکچي پلاوي یو غړی چې نه غواړي نوم یې خپور شي وايي، امریکا او ځینو نورو هېوادونو داسې یو میکانیزم چمتو کړی چې که هوکړه پرې وشي، نو ځینې بهرنیان به بینالافغاني خبرو کې د دواړو مرکچي ډلو ترمنځ د تسهیل کوونکيو په نامه کار کوي.
د افغانستان د بشر د حقونو خپلواک کميسيون له هغه څېړنيز راپور نه دوه ورځې وروسته چې د ښځې او صلاحيت لرونکې محکمې له حکم پرته يې د بکارت د پردې معاينات ترسره کېږي، اوس د بشر د حقونو د څار بنسټ هم غوښتي چې په افغانستان کې دې د بکارت پردې معاينات بند شي ځکه چې په خبره يې دا کار شرموونکی او سپکوونکی دی.
د باميانو سيمهييزه اداراه تاييدوي چې د دې ولايت د کشفي او استخباراتي راپورونو پر بنسټ ولسي جرګه کې د بامیانو پخوانی غړی عبدالرحمان شهیداني طالبانو سره يوځای شوی.
په هغه مکتوب کې چې رسنيو ته لېږل شوی راغلي چې د باميانو سيمهييزې ادارې ۱۳۹۹/۲۰/۷/۵۲۹ مکتوب نمبر کې دغه موضوع د سيمهييزو ارګانونو له خپلواکې ادارې سره شريکه کړې ده.
د افغان دولت او طالبانو د مرکهچي پلاوو تماس ډلو له اوږد ځنډ وروسته پر اختلافي مواردو خبرې کړي. د افغان دولت د مرکهچي پلاوي غړي نادر نادري پر ټویټر ویلي، د تماس ډلو غونډه تېر ماښام شوې چې په کې پر اختلافي مواردو جدي خبرې شوي او هوکړه شوې چې دغه غونډې به دوام کوي.
د ولسمشر لومړی مرستیال امرالله صالح وايي، طالبانو ځکه پر خلکو خپل بریدونه ډېر کړي چې دغه ډله له روانو سیاسي او باندنیو تحولاتو خبر نه لري. صالح نن پر خپله فېسبوک پاڼه د یوه پیغام په خپرولو سره ویلي، طالبانو ملي اراده له پامه غورځولې او د سولې له پروسې د ناسم برداشت په لرلو سره یې خپل بریدونه ډېر کړي دي.
د کابل ښار اوسېدونکي ښار کې د ناامنیو او جنايي جرمونو له زیاتېدو اندېښنه ښيي او وايي، د وسلهوالو کسانو او غلو حضور لامل شوی، ترڅو دوی ونهشي کولی د ښار په کچه په ډاډه زړه تګ راتګ وکړي. د هغوی په وینا، کابل ښار کې د خلکو سر او مال خوندي نه دی.
د پکتيا د مرکز ګردېز اړوند د تېرې په سيمه کې يو شمېر ځوانانو، مشرانو او د ښوونځيو زده کوونکيو د حکومت پر مرکزي او سيمهييزې ادارې اعتراض وکړ چې د ۱۰۳ ښوونځيو جوړېدو چارې چې تېر کال پيل شوې وې، په ټپه درېدلي او د جوړېدو بيا پيل لپاره يې هېڅ هم نه دي کړي.
دا پېښه نن سهار د کندوز ښار «شورابي» سيمه کې شوې ده. د يادې کورنۍ نږدې خپلوان سلاموطندار ته وايي، د يادې مرمۍ د لګېدو له کبله د ۲ ماشومانو، يوې مېرمن او يوه هلک په ګډون په کې ۴ کسان وژل شوي دي. د دوی په وينا، د هاوان ياده مرمۍ د امنيتي ځواکونو او طالبانو ترمنځ د نښتې له کبله پر يوه هستوګنيز کور لګېدلې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون