د غربي نورستان اړوند نورګرام ولسوالي تتین درې په نکره کلي کې د تېرې دوشنبې شپې د غر ښوویېدنې له امله تراوسه ۲۳جسدونه له خاورو او ډبرو رااېستل شوي دي.
د ځايي چارواکو په وینا، لاهم څلور جسدونه تر تیږو لاندې دي.
د سلاموطندار پښتو فېسبوکپاڼه وڅارئ
د نورستان اطلاعاتو او فرهنګ رياست رییس سمیعالحق حقبیان وایي چې د راایستل شویو جسدونو شمېر ۲۳ ته رسېدلی دی.
هغه زیاته کړه چې په راایستل شویو جسدونو کې دوه یې د بلې سیمې مېلمانه او پاتې ۲۱کسان د همدې کلي اوسېدونکي دي.
د حقبیان په خبره چې یادې سیمې ته د مشینري لېږد، ستونزمن دی، ځکه نن درېیمه ورځ هم څلور جسدونه تر تیږو لاندې بند پاتې دي.
یاده دې وي چې د پیښې په لومړۍ ورځ پنځه جسدونه او دوه ټپیان، دویمه ورځ اته جسدونه او نن درېیمه ورځ بیا تر دامهاله لس جسدونه راایستل شوي دي.