د کورنیو ترمنځ د شخړو د حل په موخه په بدو کې د نجونو ورکړه د هېواد په ځینو سیمو کې یو له ناوړو دودو شمېرل کېږي چې لاهم دوام لري.
دې دود لاهم د ګڼو نجونو ژوند له ستونزو سره مخ کړی چې نه یوازې د نجونو بنسټیز حقونه تر پښو لاندې کوي، بلکې د هغوی رواني، ټولنیز او تعلیمي ژوند هم اغېزمنوي.
د اوزبیکستان د اوسپنې پټلۍ ملي شرکت مسوولان وايي چې د بار وړلو لپاره یې د څو-اړخیز ټرانسپورټ یو نوی مسیر فعال کړی چې چین د منځنۍ اسیا له لارې له افغانستان سره نښلوي.
اوزبکستاني رسنیو نن چهارشنبه، غويي ۱۶مه راپور ورکړی چې په دې نوې لاره کې کانټینري توکي له چین څخه د قزاقستان د «الټینکول» سټېشن له لارې د اورګاډي په واسطه اوزبیکستان ته لېږدول کېږي.
امریکا په پاکستان کې د پېښور قونسلګرۍ د تړلو پرېکړه کړې او د دې ګام اصلي لامل یې د خپلو ډیپلوماتانو د خوندیتوب مسلې بللي دي.
د امریکا د بهرنیو چارو وزارت په یوه رسمي بیان کې ویلي چې له دې وروسته به په اسلاماباد کې د امریکا سفارت د خیبرپښتونخوا اړوند ټولې ډیپلوماټیکې چارې سمبالوي.
د ایران د پلازمېنې تهران د اندیشه ښار په یوې څنډه کې د سترې اورلګېدنې له امله لږترلږه ۸ کسان وژل شوي او ۳۶ نور ټپیان دي.
د اوکراین په ختیځ او سوېل ختیځ کې د روسیې د هوايي او ډروني بریدونو له امله لږترلږه ۲۷ کسان وژل شوي او یوشمېر نور ټپیان دي.
د رویټرز خبري اژانس د راپور له مخې، دا خونړۍ بریدونه سهشنبه، مې پنځمه شوي او د اوکراین د چارواکو په وینا په ځینو سیمو کې د روسیې له لوري هممهاله د بمونو او بېپیلوټه الوتکو بریدونه هم شوي چې پراخې ویجاړۍ یې رامنځته کړې دي.
د لبنان په سوېل کې د تازه ترینګلتیاوو په لړ کې، د حزبالله ډلې اعلان کړی چې پر اسراییلي ځواکونو یې د بېپیلوټه الوتکې (ډرون) برید کړی دی.
حزبالله ویلي چې دا برید د القنطره په ښارګوټي کې د شپې شاوخوا ۱۱:۴۵ بجې شوی او هدف یې په نښه کړی دی.
د ایران ولسمشر مسعود پزشکیان د امریکا له لوري د سولې په خبرو کې د امتیاز غوښتنو په غبرګون کې ویلي چې هېڅ څوک نشي کولی دوی تسلیمېدو ته اړ کړي.
پزشکیان پرون ماښام (د مې ۵مه) پر خپله ایکسپاڼه لیکلي چې د ده په باور، د شیعهمذهب پیروان په زور اطاعت ته نشي مجبورېدای. هغه دا څرګندونې په داسې حال کې کړې چې سیمه کې سیاسي او پوځي ترینګلتیا زیاته شوې ده.
د فلسطین د اشغال شوې لوېدیځې غاړې په نابلس ښار کې دغه ماشوم یوه ورځ وروسته تر هغې نړۍ ته سترګې وغړولې چې پلار یې د اسراییلي ځواکونو له لوري په برید کې ووژل شو.
د غزې د روغتیا وزارت وايي چې د ۲۰۲۳کال د اکتوبر راهیسې د اسراییلو د روانو پوځي عملیاتو له امله تر دې دمه ۷۲،۶۱۲ کسان شهیدان شوي او ۱۷۲،۴۵۷ نور ټپیان دي.
د ایران د پارلمان مشر محمدباقر قالیباف وايي چې د امریکا او متحدینو یې د هرمز تنګي کې د سمندري تګراتګ او د انرژۍ د لېږد امنیت له خطر سره مخ کړی دی.
له ایران څخه تخار ولایت ته د زرګونو افغانانو د جبري راستنېدو څو میاشتې تېرې شوي، خو ډېری یې لاهم د سرپناه نشتوالي، وزګارتیا او لومړنیو خدمتونو ته د محدود لاسرسي له امله له سختو ستونزو سره مخ دي.
د بادغیس د کرنې او مالدارۍ ریاست چارواکي وایي چې د ملخانو د یرغل له امله یې د شاوخوا ۱۲۰۰هکټاره کرنیزې ځمکې د حاصلاتو د لهمنځه تلو مخنیوی کړی دی.
د لوګر په محمداغې ولسوالي کې د ۳۰ غوره لوبډلو ترمنځ د پسرلي جام د والیبال سیالي پای ته ورسېدې.
د بدني روزنې او ورزش امریت امر، انجینیر مزمل نعیمزي سلاموطندار ته وویل، دغه سیالي د بدني روزنې او ورزش امریت له لوري د والیبال فدراسیون په همکارۍ د ولایت په کچه تنظیم شوې وې چې یوه اوونۍ یې دوام وکړ.
د هرات د چاپېریال ساتنې ریاست مسوولان وایي چې په دې ولایت کې ۳۲ وحشي مرغان له ناقانونه نیونې وروسته بېرته خپل طبیعي چاپېریال ته خوشې شوي دي.
اوکرایني ځواکونو د بېپیلوټه الوتکو په یوه پراخ عملیات کې د روسیې بېلابېل اهداف په نښه کړي چې پهکې د بالتیک سمندر په غاړه د پریمورسک د تېلو بندر هم شامل دی.
دغه بریدونه د اورلګېدنې او د مهمو زېرمو د زیان لامل هم شوي دي.
ایراني چارواکو اعلان کړی چې درې کسان یې د اسراییلو د استخباراتي ادارې (موساد) سره د همکارۍ او د تاوتریخوالي د هڅونې په تور اعدام کړي دي.
د نیمه رسمي فارس خبري اژانس د راپور له مخې، اعدام شوي کسان مهدي رسولي، محمدرضا میري او ابراهیم دولتابادي پېژندل شوي دي.
