د ایران پوځ په یوې خبرپاڼه کې خبرداری ورکړی چې که بهرني ځواکونه، په ځانګړي ډول د امریکا پوځ، د هرمز تنګي ته د ننوتلو هڅه وکړي، نو له برید سره به مخ شي.
دغه خبرپاڼه وروسته له هغې خپره شوې چې د امریکا ولسمشر ډونالډ ټرمپ د یوه سمندري ماموریت د پیل اعلان وکړ، څو هغه بېړۍ چې د هرمز په تنګي کې بندې پاتې دي، خوندي لارښوونه او بدرګه کړي.
سره له دې چې په تېرو دوو کلونو کې د غزني ښار په یوشمېر برخو کې محدود عامه تفریحي ځایونه جوړ او یا هم رغول شوي، خو لاهم په دې نسبتاً لوی او ګڼمېشتي ښار کې د ماشومانو لپاره ځانګړی او معیاري تفریحي پارک نه تر سترګو کېږي.
د امریکا مرکزي قومنداني یا «سنتکام» وايي چې د ایران پر بندرونو د لګېدلي سمندري بندیز په ترڅ کې یې تراوسه ۴۵ بېړۍ بېرته ګرځولې دي.
یادې قومنداني په یوې خپره کړې خبرپاڼه کې ویلي چې امریکايي ځواکونه لاهم په نړیوالو اوبو کې ګزمې کوي او د ایران پر وړاندې روان بندیز عملي کوي.
د ایران او امریکا ترمنځ د روانو خبرو نامعلوم برخلیک، د سیاسي دریځونو له سختېدو او د منځګړو له لارې د پیغامونو له تبادلې سره یوځای، لاهم یوه ګونګ وضعیت سره مخ دی.
د ایران رسمي خبري اژانس راپور ورکړی چې تهران خپلې وروستۍ مذاکراتي طرحې د یوه رسمي منځګړي په توګه پاکستان ته سپارلې دي.
د امریکا د بهرنیو چارو وزارت اعلان کړی چې د منځني ختیځ له څو متحدینو سره د ۸.۶ میلیارده ډالرو څخه د زیاتو پوځي تجهیزاتو د پلور طرحه یې منظور کړې ده.
له ګاونډیو هېوادونو افغانستان ته د بېرته راستنېدونکو افغانانو لړۍ روانه ده چې نن شنبه، غويي۱۲مه، ۵۵۱۳ افغانان بېرته هېواد ته راستانه شوي دي.
ویل کېږي چې په دې ډله کې له زرو څخه زیاتې کورنۍ شاملې دي.
د ملګروملتونو د بشري مرستو د همغږۍ دفتر (اوچا) راپور ورکړی چې په افغانستان کې د وروستیو سېلابونو له امله سلګونه کسان مړه او ټپیان شوي او شاوخوا ۷۳زره او ۳۰۰ کسان اغېزمن شوي دي.
په دې راپور کې یوشمېر مېرمنو سلاموطندار سره د مرکو پرمهال ویلي چې ټولنیز محدودیتونه په حضوري بڼه ښوونیزو موادو ته د دوی لاسرسی له ستونزو سره مخ کړی او په انلاین بڼه خپلو زدهکړو ته دوام ورکوي.
دا داسې حق دی چې که تر پښو لاندې شي، ان د طلاق غوښتنې ته هم لاره هوارولی شي. سره له دې، یوشمېر ښځې په خپل ګډ ژوند کې د مینې او عاطفي درک له نشتوالي شکایت کوي او وايي، دا حالت یې پر رواني وضعیت ناوړه اغېز کړی دی.
د مخابراتو او معلوماتي ټکنالوژۍ وزارت وایي چې د هېواد د مخابراتي پوښښ د پراختیا، لروپرتو سیمو ته د خدماتو د رسولو او د مخابراتي سکتور د لاښه والي لپاره به له خصوصي مخابراتي شرکتونو سره ګډ کار ته دوام ورکړي، څو خلکو ته باکیفیته او پرمختللي خدمات وړاندې شي.
د لوګر د محمداغې ولسوالي اړوند زاهداباد سیمه کې پرون «سهشنبه، غويي اتمه» مازدیګر شاوخوا څلور بجې د سختو اورښتونو له امله سېلابونه راوتلي چې ځایي اوسېدونکو ته یې پراخ مالي زیانونه اړولي دي.
د کډوالو ستونزو ته د رسېدنې عالي کمېسون مسوولان وايي چې پرون سهشنبه، غويي اتمه، له ګاونډیو هېوادونو څخه شاوخوا ۴,۴۸۶ افغانان بېرته هېواد ته راستانه شوي دي.
په دغو کسانو کې له ۸۵۰ څخه زیاتې کورنۍ شاملې دي.
د افغانستان اسلامي امارت د ریاستالوزرا د دفتر عمومي رییس، ملا عبدالواسع، د افغانستان لپاره د بریتانیا له ځانګړي استازي ریچارډ لیندسي سره کتلي دي.
په دې لیدنه کې دواړو لورو د افغانستان او بریتانیا ترمنځ د اړیکو پر اهمیت، د بشري وضعیت پر ښهوالي، او د افغان کډوالو پر موضوع خبرې کړې دي.
د روسیې د بهرنیو چارو وزارت ویاندې ماریا زاخارووا وايي چې کېیف او د هغه لوېدیځ ملاتړي په داسې دریځ کې نهدي چې د اوکراین د جګړې د حل لپاره شرایط وټاکي.
د روسیې تاس خبري اژانس د نوموړې له قوله ویلي چې مسکو چمتو دی، د اوکراین کړکېچ ژر تر ژره د ډیپلوماټیکو لارو حل کړي، خو د سولې شرایط باید د اوکراین او د هغه د ملاتړ کوونکو له لوري ونه تپل شي.
د ملګروملتونو د وروستي راپور له مخې، په سوېلي سوډان کې نږدې اته میلیونه کسان د شدیدې لوږې له ګواښ سره مخ دي.
په راپور کې ویل شوي چې جګړې او بېځایه کېدو لا دمخه خراب بشري وضعیت نور هم پسې کړکېچن کړی دی. راپور وايي چې شاوخوا ۷.۸ میلیونه کسان چې د هېواد ۵۶سلنه نفوس جوړوي، په راتلونکو میاشتو کې به د خوراکي ناامنۍ له لوړې کچې سره مخ شي.
نړیوال بانک وړاندوینه کړې چې په ۲۰۲۶کال کې به د انرژۍ بیې شاوخوا ۲۴سلنه لوړې شي چې دا به د اوکراین د جګړې راهیسې تر ټولو لوړې کچې ته ورسېږي.
یاد بانک په یوه خپور کړي راپور کې ویلي، که څه هم تمه ده د منځني ختیځ بېثباتي تر مې میاشتې راکمه شي، خو د کړکېچ دوام کولی شي بیې تر دې هم لوړې کړي.
