د اوزبیکستان د اوسپنې پټلۍ ملي شرکت مسوولان وايي چې د بار وړلو لپاره یې د څو-اړخیز ټرانسپورټ یو نوی مسیر فعال کړی چې چین د منځنۍ اسیا له لارې له افغانستان سره نښلوي.
اوزبکستاني رسنیو نن چهارشنبه، غويي ۱۶مه راپور ورکړی چې په دې نوې لاره کې کانټینري توکي له چین څخه د قزاقستان د «الټینکول» سټېشن له لارې د اورګاډي په واسطه اوزبیکستان ته لېږدول کېږي.
د راپور له مخې، له هغه ځایه وروسته توکي بیا بارېږي او د بار وړونکو موټرو په وسیله د ترکمنستان له لارې د افغانستان هرات ښار ته رسول کېږي.
سلاموطندار پر اېکسپاڼه هم وڅارئ
د سلاموطندار پښتو فېسبوکپاڼه وڅارئ
تر دې مخکې به د همدې لارې ډېری سوداګریز توکي د سمندري لارو پرمټ، د چین له بندر څخه د ایران بندرعباس ته لېږدول کېدل او بیا له هغه ځایه افغانستان ته انتقالېدل.
د نوې لارې ټول اوږدوالی شاوخوا ۷۴۰۰ کیلومتره اټکل شوی او د رسولو اوسط وخت یې نږدې ۳۰ ورځې ټاکل شوی چې دا به د ترانزیټ اغېزمنتیا لوړه کړي او د لېږد وخت به کم کړي.