د ملګرو ملتونو د بشردوستانه مرستو د همغږۍ دفتر یا اوچا اعلان کړی چې ټاکل شوې د افغانستان لپاره د مرستو راټولو په موخه د سویس په جېنوا ښار کې تر راتلونکو دوو ورځو پورې یوه ناسته جوړه شي.
د یاد سازمان په وینا، دغه ناسته د بریټانیې، المان، او ملګروملتونو په کوربهتوب جوړېږي او مشري به یې د ملګرو ملتونو سرمنشي انټونیو ګوټرېش پر غاړه ولري.
د سلاموطندار پښتو فېسبوکپاڼه وڅارئ
ټاکل شوې دغه ناسته راتلونکې پنجشنبه د وري میاشتې په یوولسمه نېټه د افغانستان لپاره د مرستو راټولو په موخه په انلاین بڼې جوړه شي.
اوچا ویلي چې افغانستان کې څه باندې ۲۴ میلیونه کسان چې د دغه هېواد ۵۹ سلنه نفوس جوړوي، بېړنیو مرستو ته اړتیا لري چې د تېر کال په پرتله ۳۰سلنه ډېروالی ښيي.
ملګرو ملتونو هم افغانستان کې څه باندې ۲۲ میلیونه افغانانو ته د بشردوستانه مرستو رسولو لپاره د ۴.۴۴ میلیارده ډالرو غوښتنه کړې چې په تمویلېدو سره به یې مرستندویه بنسټونه وکولای شي، خپلو فعالیتونه دوام ورکړي.
سلاموطندار پر ټویټر هم وڅارئ
مرستندویه بنسټونو ویلي چې افغانستان کې د ۲۰۲۲ کال لپاره د بشردوستانه مرستو لپاره د یادو پیسو غوښتنه د بشردوستانه مرستو تر ټولو لویه غوښتنه ده چې کېږي.
