په افغانستان کې د ملګرو ملتونو ځانګړې استازولۍ یا یوناما پر ټویټر لیکلي چې په ننګرهار کې د ملګرو ملتونو د ښځینه کارکوونکو د کار مخه نیول شوې ده.
د سلاموطندار پښتو فېسبوکپاڼه وڅارئ
یوناما د دې پېښې په اړه د اندېښنې ښودلو تر څنګ، ټینګار کړی چې باید ښځینه کارکوونکو ته یې د کار اجازه ورکړل شي.
یوناما د اسلامي امارت چارواکو ته په خطاب کې لیکلي چې د ملګرو ملتونو اړوندې ادارې له ښځینه کارکوونکو پرته فعالیت وکړي او خلکو ته ژغورونکې مرستې ورسوي.
د ملګرو ملتونو ځانګړې استازولۍ دا نهده روښانه کړې چې څه وخت یې د ښځینه کارکوونکو د کار مخه نیول شوې ده.
اسلامي امارت هم تر اوسه په دې اړه څه نهدي ویلي، خو تر دې مخکې یې په ټولو کورنیو او بهرنیو نادولتي موسسو کې د ښځینهوو کار ځنډولی و چې له کبله یې نه یوازې پراخ کورني او نړیوال غبرګونونه را وپارېدل، بلکې یوشمېر نړیوالو بنسټونو یې له امله خپل فعالیتونه هم ودرول.
