د نوي کال په رانږدېکېدو سره د کرنیزو محصولاتو ۲۸م نندارتون د کرنې وزارت لهخوا د کابل بادامباغ کې پرانېستل شو چې څلور ورځې به دوام وکړي.
ټاکل شوې دغه نندارتون کې ۲۶۳ غرفو کې چې ۵۶ یې د ښځو لپاره ځانګړي شوي، کرنیز محصولات، لاسي صنایع، د کرنې برخې ماشینري، نباتات او طبي بوټي نندارې ته وړاندې شي.
یوشمېر متشبثو او سوداګرو ښځو نن په کابل کې د خپلو ستونزو شریکولو او نندارې ته د تولیداتو اېښودلو په موخه «د متشبثو او سوداګرو ښځو ملي غونډه او نندارتون» دوهورځنی پروګرام پیل شو.
دغو ښځو په یاد نندارتون کې په خپلو لاسونو جوړ کړي دستکولونه، غالۍ، ګلیمونه او نور لاسي صنایع نندارې ته ايښي دي.
کابل کې یوشمېر نجونو پرون د خپلې انځورګرۍ او میناتورۍ اثار چې د ښځو پر وړاندې شته ستونزې او محدودیتونه، سوله او د جګړې منفي پایلې، ناامني او د زدهکړو ارزښت پهکې انځور شوی و، نندارې ته کېښودل. دغه راز، دغو انځورګرانو په خپلو اثارو کې د زدهکړو ارزښت او د افغانانو کلتور هم انځور کړی او نندارې ته وړاندې کړي دي.
د امام ابوحنیفه نړیوال نندارتون نن د یوشمېر کورنیو او بهرنیو سوداګرو او پانګوالو په حضور سره کابل کې پرانېستل شو چې اووه ورځې به دوام وکړي.
دغه نندارتون کې د سیمې هېوادونو یوشمېر سوداګرو او پانګوالو هم ګډون کړی، څو د افغان ښځو لاسي صنایعو او د افغانستان محصولاتو سره بلدتیا پیدا کړي.
نن په هرات کې د کورنیو تولیداتو او د دغه ولایت د کار او ټولنیزو چارو ریاست د مسلکي او هنري څانګې فارغانو د لاسي صنایعو درېورځنی نندارتون جوړ شو. د دغه نندارتون د جوړېدو موخه د ښځو د تولیدي محصولاتو پراختیا او هغو ته بازارموندنه ښودل شوې ده.
د زاول خصوصي پوهنتون یوشمېر محصلانو نن د کتاب دوهورځنی نندارتون پرانېست.
په دغه نندارتون کې د طب، سیاست، ټولنې او ځینو نورو برخو کې څه باندې ۳۰۰ کتابونه نندارې ته اېښودل شوي دي.
افغان سوداګرو او پانګهوالو نن په کابل کې د سوداګرۍ او صنایعو او د اطلاعاتو او کلتور وزارتونو په همکاري د اقتصادي بهیر د پیاوړتیا دیارلسم نړیوال نندارتون جوړ کړ. د سوداګرو او پانګهوالو ټولنې حقوقي سلاکار محمدعاطف داعي وايي، د دغه نندارتون د جوړېدو موخه یې کورنیو محصولاتو، لاسي صنایعو او تولیداتو ته ښه بازارموندنه ده.
د تخار مرکز تالقان ښار کې یوشمېر ځوانانو د کتاب لوستنې او مطالعې عامولو په موخه د «اغېزناکې مطالعې» تر عنوان لاندې د کتابونو یو نندارتون جوړ کړ.
هرات کې یوشمېر بېځایه شویو ښځو نن د UNHCR دفتر او ودان موسسې په مالي مرسته «د افغانستان ساخت» په نوم د خپلو لاسي صنایعو او فرهنګي اثارو نندارتون جوړ کړ.
د لوګر ولایت په مرکز پلعلم ښار کې د اطلاعاتو او کلتور ریاست له لوري د کتابونو، تاریخي او هنري اثارو نندارتون جوړ شو.
په دغه نندارتون کې زرګونه ټوکه دیني، سیاسي، ادبي، ټولنیز او معلوماتي کتابونه او ګڼشمېر تاریخي او هنري اثار نندارې ته اېښودل شوي وو.
د ښځو لاسي صنایعو درېورځنی نندارتون نن د بلخ په مرکز مزارشریف ښار کې جوړ شو. ۶۰۰ ښځو په دغه نندارتون کې خپل لاسي صنایع نندارې ته ايښي، څو یې لپاره پېرودونکي ومومي.
د ښځو په لاس جوړ شوي څیزونه او د هغوی تولیدات په ۸۰ غرفو کې نندارې ته اېښودل شوي دي.
لوګر کې نن د دغه ولایت د کرنې او مالدارۍ ریاست له لوري د کرنیزو محصلاتو یو ورځنۍ نندارتون جوړ شو.
د کرنې او مالدارۍ وزیر عطاالله عمري په دغه نندارتون کې ویلي چې د وروستیو سېلابونو له امله د هېواد په ګڼو ولایتونو کې کرنه او مالدارۍ سخته ځپل شوې او هڅه کوي چې دې برخې ته پام ډېر کړي.
نن په کابل کې د کورنیو تولیداتو او محصولاتو نندارتون چې څلور ورځې به دوام کوي، پرانېستل شو. په دغه نندارتون کې هغه صنعتي او ودانیز توکي چې په کور دننه جوړ شوي، نندارې ته اېښودل شوي دي. د سوداګرۍ او صنایعو وزارت مسوولان د دغه نندارتون د جوړولو موخه د کورنیو محصولاتو پېژندل او ورته بازارموندنه یادوي.
خوست کې نن د افغانستان پرمختیايي او مسلکي موسسې لهخوا د لاسي صنایعو ننداراتون جوړ شوی و چې پهکې د نارینو ترڅنګ ښځو هم خپل لاسي صنایع نندارې ته وړاندې کړې وې.
کابل کې یوه خصوصي پوهنتون د هېواد د کورنیو تولیداتو د ترویج او پراختیا په موخه نن یو نندارتون پرانیست چې دوه ورځې به دوام وکړي.
ننګرهار کې د بزګر ورځې نمانځنې سره هممهاله د حکومتي ادارو او خصوصي سکتور په همکارۍ د کورنیو تولیداتو دوه ورځنی نندراتون پرانستل شو. د کورنیو تولیداتو دغه نندراتون کې د هېواد بېلا بېلو سیمو کې لسګونه تولید شوي توکي لسګونو غرفو کې نندارې او خرڅلاو ته کېښودل شوي.
