د هرات یوشمېر اوسیدونکي وايي چې دغه ولایت کې د «هپټایټس بي» یا تور زیړي ناروغي ډېره شوې او دې برخه کې له حکومت د مرستې غوښتنه کوي.
دوی سلاموطندار ته وايي، که د روغتیا اړوند ادارې او مسوولان د یادې ناروغي مخنیوي لپاره اړین اقدامات ونهکړي، راتلونکې کې به د یاد ولایت اوسېدونکي د تور زېړي ناروغي له جدي ګواښ سره مخ شي.
له هغه وروسته چې په یوشمېر ولایتونو کې د کانګو ناروغي د خپرېدو په اړه اندېښنې زیاتې شوې، د کرنې، اوبو لګولو او مالدارۍ وزارت د دې ناروغي د خپرېدو مخنیوي په موخه د کابل ښار د څارویو د پېر او پلور بازارونو کې له مېکروبونو د څارویو ساتلو کمپاین پیل کړی دی.
د دایکندي په ځینو ولسواليو کې يوشمېر مالداران وايي چې د نامعلومو ناروغيو د خپرېدو له امله یې لسګونه څاروي لهمنځه تللي دي.
د دایکندي د «سنګتخت» او بندر ولسوالي اوسېدونکي رحمت سلاموطندار ته وویل چې د څارویو ناروغاي ډېره شوې او په وینا یې، درمل هم نهلري چې درملنه یې وکړي.
د پروان اوسېدونکې نازنین هغه مور ده چې ماشوم یې پر شري ناروغي اخته شوی او له پنځو ورځو راهیسې د دغه ولایت په سل بستریز روغتون کې بستر دی. هغه وايي، دا چې خاوند یې د بچیانو د واکسینولو اجازه نهده ورکړې او همدا لامل دی چې پر شري اخته شوی دی.
نن دوشنبه د مې میاشتې اتمه د تلاسمیا یا د وینې کموالي ناروغي له نړیوالې ورځې سره هممهاله هېواد کې پر یادې ناروغي اخته ناروغان د درملنې د امکاناتو له نشتون څخه شکایت کوي.
د تلاسمیا ناروغي نړیواله ورځ نن دوشنبه د غويي ۱۸مه کابل کې د عامې روغتیا وزارت له لوري ونمانځل شوه.
د افغان–جاپان روغتون مسوولان په هېواد کې پر کورونا ناروغي د اخته کسانو د شمېر زیاتوالي خبر ورکوي او وايي، د کورونا روانه اتمه څپه د تېرو هغو په پرتله ګواښوونکې ده او پرې د اخته کسانو روغتیايي وضعیت هم د اندېښنې وړ دی. د مسوولانو په خبره، په دې څپه کې له نیمايي ډېر هغه کسان هم پر کورونا اخته شوي چې مخکې پرې اخته وو.
په کابل ښار کې یوشمېر هغه سوالګرې چې د حکومت له لوري څو میاشتې وړاندې ثبت او بایومټریک شوي، سلاموطندار ته وايي چې تراوسه ورسره مرسته نه ده شوې.
یوشمېر کابل ښاریان وايي چې د ښار هوا ډېره ککړه شوې او دوی یې نه یوازې پر بېلابېلو ناروغیو اخته کړي، بلکې د ژوند چارې یې هم له خنډ او ځنډ سره مخ کړې دي.
دوی پر اسلامي امارت نیوکه کوي چې د ژمي له راتګ مخکې یې د هوا ککړتیا د مخنیوي لپاره تدابیر نهدي نیولي او په خبره یې، بېغوري یې کړې ده.
عبدالله جمیل چې حکومت کې له کلونو خدمت کولو وروسته څلور کاله مخکې تقاعد شوی، وايي چې له مغزي سکتې وروسته یې د سترګو دید له لاسه ورکړی او اوس د ناروغۍ پر بستر پروت دی.
نوموړي سلاموطندار ته وویل، هره ورځ په دې هیله تېروي چې خپل حقوق به ترلاسه کړي، څو د خپلې کورنۍ اړتیاوي پوره کړي، خو دا هیله یې تراوسه نه ده پوره شوې.
هر کال د ډسمبر لومړۍ نېټه نړۍ کې پر اېډز ناروغي د اخته کسانو پر وړاندې تبعیض سره د مبارزې، د بودیجې زیاتېدو او پوهاوي ورکړې په موخه نمانځل کېږي.
د ننګرهار سرهرود، حصارک، چپرهار او لعلپوره هغه ولسوالۍ دي چې د روغتیا نړیوال سازمان په ملاتړ پهکې د «شري» ناروغي مخنیوي په موخه د واکسین کمپاین پیل شو. د ننګرهار د عامې روغتیا رییس امیرمحمد افتاب د واکسین کمپاین د پرانېستې پر مهال وویل، د نورو سیمو په پرتله په دغو ولسوالیو کې د شري ناروغي پېښې زیاتې دي.
د هېواد د محلي سندرو نامتو سندرغاړی او د «موسیقۍ بابا» استاد ګلزمان د ورپېښې ناروغۍ له کبله د ۸۲ کالو په عمر ومړ. یوې سرچینې تایید کړې چې نوموړی بېګاه شپه په روغتون کې مړ شوی دی. استاد ګلزمان د افغانستان د موسیقۍ وتلې څېره وه چې په پښتو ژبه یې سلګونه سندرې او ترانې زمزمه کړي دي. نوموړي په کال ۱۳۴۳ کې په لومړي ځل په رسمي توګه د افغانستان راډیو ټلوېزیون کې په سندرو ویلو پیل وکړ.
د غور روغتیايي مسوولان په دغه ولایت کې د شري ناروغي په پراخه توګه له خپرېدو اندېښنه څرګندوي او وایي چې دغه ناروغي په ماشومانو کې له دې امله زیاته شوې چې دغه ولایت کې د واکسین پروګرام په سمه توګه نه دی پلی شوی.
د فاریاب د قیصار ولسوالي اوسېدونکی صفرمحمد بېګاه د دغه ولایت په مرکز میمنې ښار کې د بېوزلۍ او ناروغۍ له کبله په یوه څپره کې مړ شوی دی.
د صفرمحمد خپلوان سیدمامون وايي چې صفرمحمد یو کال مخکې د جګړې له کبله میمنې ته راغلی و او په یوه څپره کې یې ژوند کاوه.
د عامې روغتیا وزارت سرپرست وحید مجروح نن په کابل کې یوې خبري غونډې ته د کورونا ویروس د مثبتو پېښو د زیاتېدو په اړه د اندېښنې تر څنګ، وویل چې د «تورې چڼاسې» یا تور قارچ ناروغي هغه بله یوه ده چې پر کورونا اخته کسان پرې اخته کېږي.
د نوموړي په وینا، دا ناروغي په هغو کسانو کې لیدل کېږي چې د وجود دفاعي یا ایمني سېسټم یې کورونا زیانمن او کمزوری کړی وي.
هېواد کې د کورونا له خپرېدو راهیسې د دغې ویرووس د بېلابېلو بڼو د موندلو خبرونه ورکړل شوي، خو «تورې چڼاسې» هغه وژونکې ناروغۍ ده چې د کورونا د ناروغانو په منځ کې د پراخېدو په حال کې ده. د عامې روغتیا وزارت سرپرست وحید مجروح په خپل فېسبوکپاڼه کې د کورونا ویرووس د ناروغان ترمنځ د «تورې چڼاسې» ناروغۍ د خپرېدو په اړه اندېښنه ښودلې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
