د کډوالۍ نړیوال سازمان (IOM) وايي چې په تېره یوه لسیزه کې څه باندې ۶۳زره کډوال خپل منزل ته له رسېدو وړاندې وژل/مړه شوي او یا هم ورک شوې دي. دغه راپور چې د روانۍ اوونۍ «سهشنبه، مارچ ۲۶مه» خپور شوي، همداراز پهکې ویل شوي چې یوازې ۲۰۲۳کال کې یو زرو او ۱۸۱ افغان کډوال د ناقانوننه کډوالۍ لاره کې مړه شوي یا ورک شوي دي.
میدانوردګ کې د سېلابونو له امله د قربانیانو شمېر ۳۰ کسانو ته او د ټپیانو شمېر ۱۵ کسانو ته لوړ شوی دی.
د میدانوردګ د طبیعي پېښو پر وړاندې مبارزې ریاست مسوولان وايي چې د روانې اوونۍ د یکشنبې پر شپه د راوتلو سېلابونو له امله د ښځو او ماشومانو په ګډون ۳۰ کسان مړه شوې دي.
د میدان وردګ د طبیعي پېښو پر وړاندې د مبارزې ریاست مسوولان وايي چې دغه ولایت کې د وروستیو اورښتونو له امله ۲۲ کسان مړه شوي او ۴۰ نور لادرکه دي. د یاد ریاست خبرپاڼه زیاتوي چې د سېلابونو له امله د کابل-بامیانو لویه لاره هم د مسافرو د تګ راتګ پرمخ تړل شوې ده.
د لغمان محلي مسوولان وايي چې دغه ولایت کې د یوه کور چت پرېوتو له کبله د یوې کورنۍ اووه غړي مړه شوي او یوه کوچنۍ نجلۍ ټپي شوې ده.
په ترکیه کې د افغانستان سفارت ویلي چې دغه هېواد کې د شوې زلزلې له امله ۲۰۰ افغانانو خپل ژوند له لاسه ورکړی دی. افغان سفارت د ترکیې له حکومت او بشري بنسټونو غوښتنه کړې چې دغه هېواد کې د افغان کډوالو وضعیت ته پام وکړي. د روانې سلواغې میاشتې په ۱۷مه د ریښتر په کچه ۷.۸ درجې د دوو ګاونډیو هېوادونو ترکیې او سوریې د سرحدي سیمو ډېره برخه ولړزوله.
په ترکیه او سوریه کې د روانې اوونۍ د دوشنبې ورځې زلزلې له کبله د مړو شویو کسانو شمېر ۱۱۲۲۴ ته لوړ شوی دی. په دواړو هېوادونو کې لا هم د کنډوالو او خاورو لاندې د ايسارو کسانو د ژغورنې عملیات روان دي.
د پاکستان د بلوچستان ایالت په لسبیله سیمه کې د یوې ټرافیکي پېښې پر مهال د ماشومانو په ګډون ۴۱ کسان مړه شوي دي.
پاکستاني رسنیو نن یکشنبه د سلواغې نهمه راپور ورکړی چې د بلوچستان په لسبیله سیمه کې یوې ژورې کندې ته د یوه موټر د لوېدو له امله ۴۱ کسانو خپل ژوند له لاسه ورکړی دی.
پېښو ته د رسېدو په چارو کې د دولت وزارت مسوولان وايي چې هېواد کې د سړې هوا، سېلاب او ګازنیونې له امله د مړو شویو کسانو شمېر ۱۰۴ ته رسېدلی دی.
د هند په لوېدیځ مهاراشترا ایالت کې پولیس وايي چې د دغه ایالت په ناشک ښار کې په یوه بس موټر کې د اورلګېدنې له امله ۱۲ کسان مړه شوي او څه باندې ۳۰ کسان ټپیان دي.
سلاموطندار په بېلابېلو ولایتونو کې د اوبو څاګانو ته د ماشومانو د لوېدو پېښې څېړلي چې د دغو څېړنو پربنسټ، د تېرو اتو میاشتو پرمهال د هېواد په شپږو ولایتونو کې د ماشومانو په ګډون ۲۵ کسان څاه ته د لوېدو له امله مړه شوي دي. سلاموطندار موندلې چې په دغو ولایتونو کې ۲۶ پېښې شوي چې ۲۵ کسانو پهکې ژوند بایللی او دوه کسان ژغورل شوي دي.
په هلمند ولایت کې د تېرې یوې اوونۍ راهیسې د بېلابېلو ټرافیکي پېښو پرمهال یو کس مړ شوی او ۱۳ ټپیان دي.
په بدخشان کې محلي سرچینې سلاموطندار ته وايي چې په دغه ولایت کې د غره ښویېدنې له امله څلور کسان مړه شوي دي.
د سرچینې په وینا، دغه پېښه پرون د یاد ولایت د یاوان ولسوالي په «شولر پایان» کلي کې رامنځته شوې ده.
د غزني محلي مسوولان وايي چې په دغه ولایت کې د ګاز نیونې له امله د یوې کورنۍ درې غړي مړه شوي دي.
د هلمند ولایت محلي چارواکي وايي چې د دې ولایت اړوند په ګرشک ولسوالي کې د کندهار-هرات پر لویه لار د ټرافیکي پېښې له کبله دوه کسان وژل شوي او دوه نور ټپیان دي.
ایراني رسنیو ویلي، په دغه هېواد کې یو موټر چې افغان کډوال یې په ناقانونه توګه ایران ته لېږدول، ټرافیکي پېښه کړې چې له امله یې مرګژوبله رامنځته شوې ده.
د بدخشان محلي مسوولان سلاموطندار ته وايي، د یاد ولایت په یوشمېر ولسوالیو کې د شري ناروغۍ د خپرېدو له امله ۷۴ ماشومانو خپل ژوند له لاسه ورکړی. د دغه ولایت د اطلاعاتو او فرهنګ رییس وايي، له دوو میاشتو راپدېخوا بدخشان کې د شري ناروغۍ زیاته شوې او په لسو ولسوالیو کې د خپرېدو په حال کې ده.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
