د بدخشان محلي مسوولان سلاموطندار ته وايي چې د دغه ولایت د راغستان ولسوالي د «خمبیل» سیمې په «پطیر» کلي کې د واورې ښویېدنې له امله درې کسان مړه شوي دي.
بدخشان کې د اسلامي امارت د اطلاعاتو او فرهنګ رییس معزالدین احمدي زیاتوي چې دغه پېښه پرون وشوه چې له امله یې اته کسان د واورې لاندې ګیرپاتې وو.
د بدخشان د اطلاعات او فرهنګ ریاست مسوولان وايي چې د دغه ولایت د «شهر بزرګ» ولسوالي اړوند کره سیمه کې د یوه کورولا ډوله موټر د چپهکېدو له امله څلور کسان مړه شوي او او درې ټپیان دي.
د غور روغتیايي مسوولان په دغه ولایت کې د شري ناروغي په پراخه توګه له خپرېدو اندېښنه څرګندوي او وایي چې دغه ناروغي په ماشومانو کې له دې امله زیاته شوې چې دغه ولایت کې د واکسین پروګرام په سمه توګه نه دی پلی شوی.
د طالبانو له لوري د کابل له نیولو یوه اوونۍ تېرېږي چې لا هم په زرګونه افغانان خپلې نامعلومې راتلونکې ته په اندېښنه کې دي او بهرنیو هېوادو ته د تلو لپاره د کابل هوايي ډګر دروازو مخته راټول شوي دي.
د عامې روغتیا وزارت د خبر له مخې، په تېره یوه شپه او ورځ کې د کورونا ویرووس له امله ۹۲کسانو خپل ژوند له لاسه ورکړی او په همدې موده کې ۴۶۷۰ د کورونا ویرووس شکمنې پېښې کتلي چې له ډلې یې ۱۲۷۲ هغه مثبتې ختلې دي. په تېره یوه شپه او ورځ کې بیا ۹۳۵ کسان هم له کورونا ناروغۍ بېرته روغ شوي دي.
د عامې روغتیا وزارت د خبر له مخې په تېره یوه شپه او ورځ کې پر کورونا ویرووس د شکمنو کسانو ۳زرو او ۴۸۹ پېښې یې کتلي دي چې ۸۴۰ هغه یې مثبتې ختلي او په موده کې بیا له دې ناروغۍ څخه ۱۹ کسان مړه شوي دي.
د زابل د ولایتي شورا رییس عطاجان حقبیان سلاموطندار ته ویلي چې بېګاه شپه وسلهوالو طالبانو د دغه ولایت د «شهر صفا» ولسوالي پر امنیتي پوستو بریدونه کړي چې له امله یې د دې ولسوالي د امنیه قومندانۍ د قرارګاه قومندان له څلورو پولیسو سره وژل شوي دي.
حقبیان وایي چې په دې نښته کې ۷وسلهوالو طالبانو هم وژل شوي او یوشمېر سپکې او درنې وسلې یې د امنیتي ځواکونو لاس ته لوېدلي دي.
یوې باوري حکومتي سرچینې سلاموطندار ته ویلي چې نن سهار د لغمان ولایت دولتشاه ولسوالي د وسلهوالو طالبانو له خوا نیول شوې ده. سرچنیه وایي چې دغه ولسوالي وروسته له هغې د طالبانو لاس ته ولوېده چې بېګاه شپه له دغه ولسوالي ټول امنیتي سرتېری ایستل شوي وو.
د عامې روغتیا وزارت د خبر له مخې په تېره یوه شپه او ورځ کې پر کورونا ویرووس د شکمنو کسانو ۱زرو او ۸۰۹ پېښې یې کتلي دي چې ۳۰۳ هغه یې مثبتې ختلي او په موده کې بیا له دې ناروغۍ څخه ۱۱ کسان مړه شوي دي.
پر کورونا ویرووس د اخته کسانو تازه شمېرې په ۲۲ ولایتونو کې ثبت شوي چې ورسره په یوه شپه او ورځ کې له دې وبا څخه ۱۰۸ناروغان بېرته رغېدلي دي.
بدخشان ولایت کې یوه ملکي سرچینه وایي، د دغه ولایت هغه ځوانان چې په امنیتي ځواکونو کې دنده ترسره کوي، د مرګژوبلې شمېر یې په تېرو ۳ ورځو کې په کمسارې توګه زیات شوی دی.
د بدخشان ولایت د مدنې ټولنې رییس سیف الدین سایس وایي، په تېرو ۳ ورځو کې په بېلابېلو ولایتونو کې د بدخشان ولایت د هغو ځوانانو ۱۸۰ جنازې چې د امنیتي ځواکونو په لیکو کې یې دنده ترسره کوله، دغه ولایت ته ور وړل شوي دي. سایس له سلاموطندار سره خبرو کې وویل چې دغه شمېرې یې په کابل کې د سردار محمد داوود خان روغتون کې له یوې روغتیایي سرچینې څخه لاسته راوړي دي.
د روژې روانه میاشت په هېواد کې د تېرو څو لسیزو په پرتله ترټولو خونړۍ میاشت وه چې په ګڼشمېر کورنیو کې د غم ویر خپور و. د کورنیو چارو وزارت د شمېرو له مخې، د روژې له پېل څخه تراوسه نږدې ۳۰۰ ملکیان وژل شوي او۵۰۰ نورټپیان دي.
د کابل ښار دیارلسمې امنیتي حوزې اړوند دشت برچي سیمه کې، سید الشهدا ښوونځي ته څېرمه پرونۍ چاودنه کې د وژل شویو جنازې دغې سیمه کې د امید سبز ښارګوټي دانایي تپې کې خارو ته سپارلو لپاره ور وړل شوي دي. په دې جنازو کې د هغې نجلۍ جسد هم وه چې یوازې یې د بدن یو څو ټوټې په تابوت کې اېښودل شوي دي.
د عامې روغتیا وزارت ویلي چې په یوه شپه او ورځ کې یې ۲زره او ۳۰۰ پېښې چې د کورونا شک پرې کېده، کتلي دي. د دغه وزارت د خبر له مخې، په دې موده کې د کورونا ویروس له کبله ۱۰ کسان مړه شوي او ۳۰۰ نور کسان پر دې وبا تازه اخته شوي دي.
د کډوالو او انساني قاچاق پر وړاندې د مبارزې عالي کمېسیون په ۱۳۹۹ کال کې د خپلو کړو فعالیتونو راپور خپور کړ.
د عدلیې وزیر فضل احمد معنوي چې د کډوالو او انساني قاچاق پر وړاندې د مبارزې عالي کمېسیون مشري کوله، نن یې د دغه کمېسیون د یو کلن کاري راپور خپرولو پر مهال وویل چې د دغه کمېسیون امنیتي بنسټونو د کډوالو او انساني قاچاقیانو۳۴ ډلې پېژندلي چې د کډوالو او انساني قاچاق په تور یې ۷۰ کسان نیولي دي.
د عامې روغتیا وزارت د خبر له مخې، په تېره یوه شپه او ورځ کې پر کورونا د اخته کسانو ۹۲۲ شکمنې پېښې کتل شوي چې له ډلې یې ۱۶۶ هغه مثبتې ختلي او په همدې موده کې ۵ کسان چې پر دغه ویروس اخته وو، مړه شوي دي.
پر کورونا ویروس د اخته کسانو دغه نوې شمېرې په ۱۷ ولایتونو کې ثبت شوي دي. په همدې حال کې په یوه شپه او ورځ کې له دې ناروغۍ ۱۱۹ کسان بېرته رغېدلي دي.
غور کې روغتیایي چارواکي وایي، په دغه ولایت کې د شري ناروغۍ مخ په پراخېدو ده او هره ورځ روغتونونو ته پر دې ناروغۍ اخته یوشمېر زیات کسان مراجعه کوي.
د دوی په خبره، د غور ولایتي روغتون پر شري ناروغۍ د اخته ماشومانو په ځانګړې برخه کې دم ګړۍ ۲۵ ماشومان تر درملنې لاندې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
