غور کې امنیتي مسوولان وايي چې د دغه ولایت په مرغاب ولسوالي کې یوه ځوان ځندۍ کړی او ځان وژنه یې کړې ده.
د دغه ولایت د امنیې قومنداني مطبوعاتي دفتر په یوې خبرپاڼه کې ویلي چې دغه ځوان شاهولي نومېده او د مرغاب ولسوالي د «جنداک» کلي اوسېدونکی و.
د فارياب محلي مسوولان وايي چې دغه ولايت کې يوه کس خپله اومېندواره مېرمن د چړې په وسيله وژلې ده.
د فاریاب پوهنتون زدهکړیالانو نن د دغه پوهنتون له لیلیې څخه د دوی د ایستلو په غبرګون کې اعتراض وکړ.
په فاریاب ولایت کې سرچینې وايي چې بېګاه د دغه ولایت د مرکز میمنې ښار په بېلابېلو سیمو کې سېلابونه راوتي وو چې خلکو ته درانه مالي او ځاني زیانونه اړولي دي.
د فاریاب د سیمهییزو رسنیو مسوولان وایي چې د اسلامي امارت په راتګ سره په دغه ولایت کې سیمهییزې رسنۍ له ګڼو اقتصادي ستونزو سره مخ دي چې له امله یې فاریاب کې ۶ سیمهییزې راډیوګانې خپلې خپرونې درولې دي.
نن چهارشنبه د وري میاشتې درېیمه د هېواد په سړو سیمو کې د نوي ښوونیز کال لومړی ورځ ده چې د نورو ولایتونو ترڅنګ په فاریاب کې هم نوی ښوونیز کال د ښوونځي د زنګ په وهلو سره په رسمي توګه پرانستل شو.
د فاریاب ولایت مرکز میمنې ښار اړوند بازار کې یوه پلار د بېوزلۍ او ناچارۍ له کبله خپله کوچنۍ لس کلنه لور د ۲۰۰زره افغانیو په بدل کې خرڅلاو ته وړاندې کړې ده.
دغه کس نن د میمنې ښار بازار ته راغلی او د خپلې کوچنۍ لس کلنې لور د خرڅولو لپاره د پېردونکي په لټه کې دی.
په هېواد کې د تېرو څو کلونو جګړو د فارياب ولايت د يو شمېر ولسواليو د ښوونځيو ودانۍ ويجاړې کړې دي چې په دې کې خواجهسبزپوش ولسوالي يو له هغو ولسواليو څخه ده چې په دغو جګړو کې سخت زيانمنه شوې او د ښوونځي یوه ودانۍ هم پکې جوړه نه ده پاتې.
د فاریاب کوویډ۱۹ روغتون ډاکټرانو نن سهار میمنې ښار کې د معاشونو د نه ورکړې له امله اعتراض کړی او له اړوند ادارو څخه یې غوښتنه کړې چې د دوی معاشونو دې ورکړل شي.
په پلخ ولایت کې د اسلامي امارت قوماندان مخدوم محمد عالم د نیولکېدو په تړاو د فاریاب ولایت د اوسېدونکو له دوه ورځني لاریون او اعتراض وروسته، د کرنې او مالدارۍ وزارت سرپرست، د هېواد په شمال کې د الفتح قول اردو د قوماندان او د جوزجان ولایت د والي او مسوولانو په ګډون د حکومت یو لوړپوړي پلاوي فاریاب ولایت ته سفر کړی چې په دغه ولایت کې رامنځته شوې ستونزې وڅېړي.
د فاریاب مرکز میمنې ښار کې د سړک غاړې یوشمېر لاسي پلورونکي په دغه ولایت کې د توکو د بیو لوړېدو له امله اندېښنه څرګندوي او د اسلامي امارت له مسوولانو غواړي چې دغې برخې ته جدي او بېړنۍ رسېدنه وکړي.
د فاریاب روغتیايي چارواکي او له نشهيي توکو سره د مبارزې مدیریت مسوولان وايي چې د یاد ولایت مرکز میمنې ښار کې یې پر نشهيي توکو د روږدو کسانو د راټولو کمپاین پیل کړی دی. د فاریاب د روغتیا رییس له دیني عالمانو غواړي چې د نشهيي توکو د زیانونو په اړه خلکو ته عامه پوهاوی ورکړي.
د فاریاب د قیصار ولسوالي اوسېدونکی صفرمحمد بېګاه د دغه ولایت په مرکز میمنې ښار کې د بېوزلۍ او ناروغۍ له کبله په یوه څپره کې مړ شوی دی.
د صفرمحمد خپلوان سیدمامون وايي چې صفرمحمد یو کال مخکې د جګړې له کبله میمنې ته راغلی و او په یوه څپره کې یې ژوند کاوه.
د فاریاب په ټولو ولسوالیو کې د طالبانو حضور لامل شوی چې دغه ډله پر خلکو، په تېره ښځو تازه بندیزونه ولګوي.
د فاریاب د ولایتي شورا غړی آقمحمد نوري سلاموطندار ته ویلي، د طالبانو په تازه حکم کې ویل شوي چې ښځې نه شي کولای له شرعي محرم پرته له کور څخه بهر شي او د ودونو په هغو مراسمو کې باید ګډون ونه کړي چې موسیقي پهکې غږېږي.
د فاریاب د اندخوی څلوروګونو ولسوالیو یوشمېر اوسېدونکي او د دغه ولایت د ولایتي شورا غړي وايي، له تېرو ۱۰ ورځو راهیسې په یادو ولسوالیو کې د مخابراتي شبکو فعالیت درېدلی چې خلک یې له ګڼو ستونزو سره لاس او ګرېوان کړي دي.
د فاریاب محلي سرچینې وايي چې طالبانو بېګاه د دغه ولایت پر قیصار ولسوالي ډلهييز برید کړی چې له کبله یې د دغې ولسوالي د امنیې قوماندان په ګډون، ۱۴ امنیتي ځواکونه وژل شوي دي.
د فاریاب د ولایتي شورا غړي نادر سعیدي سلاموطندار ته ویلي چې طالبانو د قیصار ولسوالي د امنیې قومانداني او ښاروالي ودانۍ نیولې دي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
