اوزبکستان له څو ورځو راهیسې په دغه هېواد کې د برښنا کموالي له کبله افغانستان ته خپله صادراتي برښنا ۶۶ سلنه کمه کړې چې له کبله یې د کابل په ګډون، د ۱۲ ولایتونو برښنا کمه شوې ده.
خو د افغانستان برښنا شرکت مسوولان وايي چې خلک دې د برښنا کمېدو ستونزې تر حل پورې د برښنا پرچاوي وزغمي.
په همدې حال کې یوشمېر کابل ښاریان وايي چې د برښنا پرچاوۍ یې کاروبار ته زیانمن کړی دی.
کابل کې ایمرجنسي روغتون پر ټویټر لیکلي چې په شهرنو کې له ننني برید څخه ټولټال ۲۱ کسان دغه روغتون ته وروړل شوي چې درېوو هغو یې مخکې له مخکې خپل ژوند له لاسه ورکړی دی.
بلهخوا د ا.ا ویاند ذبېحالله مجاهد څو شېبې مخکې پر ټویټر ولیکل چې شهرنو کې پر یوه هوټل شوی برید د درېوو بریدګرو په وژل کېدو پای ته رسېدلی دی.
د غور یوشمېر معلولانو نن سهار د دغه ولایت په مرکز فېروزکوه ښار کې د دوی د حقونو نه ورکړې له کبله د اعتراض په توګه را ټول شول او له حکومت نه یې وغوښتل چې پام ورواړوي. امیرداد چې څلورکسیزه کورنۍ ور پر غاړه ده، له حکومت څخه غواړي چې د ده په ګډون، د ټولو معلولانو حقونه ورکړي.
د بدخشان محلي مسوولان وايي، د دغه ولایت په مایمي ولسوالي کې د سختو اورښتونو له کبله د یوه کور چت لوېدلی چې پر مهال یې د یوې کورنۍ شپږ غړي مړه شوي.
د بدخشان د اطلاعاتو او فرهنګ رییس معزالدین احمدي ویلي، پېښه د مایمي ولسوالي اړوند «زنیف» کلي کې رامنځته شوې او مړو شویو کې دوه ښځې او دوه ماشومان شامل دي.
بلخ کې سرچینې سلاموطندار ته وايي چې نن سهار شاوخوا ۷:۱۵ دقیقې د مزارشریف ښار اړوند سیمه کې چاودنه شوې ده.
سرچینې ویلي، چاودنه د مزارشریف په سیداباد څلور لارې کې پر «۵۸۰» ډوله موټر د ځای پر ځای شوي ماین له کبله رامنځته شوې ده. خو مزارشریف کې د ابو علي سینا بلخي روغتون مسوولان وايي چې د چاودنې له ځایه دغه روغتون ته اته جسدونه او لس ټپیان وروړل شوي دي.
هر کال د ډسمبر لومړۍ نېټه نړۍ کې پر اېډز ناروغي د اخته کسانو پر وړاندې تبعیض سره د مبارزې، د بودیجې زیاتېدو او پوهاوي ورکړې په موخه نمانځل کېږي.
د تخار په دشتقلعه ولسوالي کې د ایخانم بندر مسوولان وايي چې دغه بندر کې له تاجکستان سره د سوداګریزو توکو د لېږد رالېږد کچه د پخوا په پرتله کمه شوې ده.
د هرات محلي مسوولان تاییدوي چې د اسلامي امارت د ځواکونو یو موټر په دغه ولایت کې چپه شوی او له کبله یې څلور کسان وژل شوي او یو بل ټپي دی.
د هرات د کرنې ریاست مسوولانو د هرات د ورېښمو صنعتکارانو ټولنې د بیا جوړېدو موخه د ورېښمو یا د افغانستان د سپینو زرو صنعت وده او پرمختګ یادوي. د هرات د ورېښمو یو صنعتکار جمعهخان چې ۴۰ کاله یې په دې برخه کې کار کړی وايي، اوس د ورېښمو چینجیو لپاره څلور صندوقونه لري او که دغه صنعت ته پام وشي، نور پرمختګ به هم وکړي.
یوشمېر هغه کسان چې په تېر څه باندې یوه کال کې یې دندې له لاسه ورکړي، له سخت اقتصادي وضعیت او وزګارتیا سر ټکوي.
دغه کسان چې مېرمنې هم پهکې دي، سره له دې چې ډېری یې لوړې زدهکړې او کلونه کاري تجربې لري، خو اوس وزګارتیا په مخه کړي او سخت کړاوونه تجربه کوي.
د اندراګاندي روغتون د تنفسي څانګې مسوول سیفالله عباسین وايي، د کابل ککړې هوا په دې وروستیو کې پر تنفسي ناروغیو د خلکو د اخته کېدو کچه لوړه کړې ده.
هغه سلاموطندار ته ویلي: «د مني په پای او د ژمي په پیل کې د ککړې هوا له کبله د ماشومانو د ناروغۍ او مړینې کچه لوړېږي. اوس د ماشومانو د ناروغېدو او مړینې کچه ۹۰ سلنه لوړه شوې ده.»
د سمنګان د امنیې قومانداني د جنایي جرمونو پر وړاندې د مبارزې مدیریت مسوولان د دغه ولایت د کوز درهصوف ولسوالي په اړوند سیمه کې د یوه باروړونکي موټر د چلوونکي د وژل کېدو خبر ورکوي.
د فاریاب د اطلاعاتو او کلتور رییس شمسالله محمدي وايي چې دوه سراچه ډوله موټرو نن مازدیګر شاوخوا څلور بجې د دغه ولایت د خواجهسبزپوش ولسوالي د «خواجهقشري» په دوهلارې کې ټکر کړی دی.
د کورنیو چارو وزارت پېښو ته د رسېدو او اطفایې ریاست مسوولان وايي چې په تېر یوه کال کې یې ډېری اورلګېدنې مهار کړي او په دې برخه کې یې هڅې دوام لري. دوی دا خبرې نن کابل کې د اورلګېدنې ضد ډبو د مرکز پرانېستې په غونډه کې وکړې.
د بغلان محلي مسوولان وايي چې پرون پنجشنبه د لیندۍ درېیمه دغه ولایت کې یو کس وژل شوی دی.
د بغلان د امنیې قومنداني ویاند شېراحمد برهاني نن جمعه د لیندۍ دویمه سلاموطندار ته ویلي، دغه کس خیرالدین نومېده او د ژورو ټپونو له کبله یې ساه ورکړې ده.
نن په هرات کې د شري او ګوزڼ ناروغیو د واکسین کمپاین پیل شو. د هرات روغتیايي مسوولان وايي، ټاکل شوې د واکسین په دغه پړاو کې له رباطسنګي او ادرسکن ولسوالیو پرته د هرات په کچه څه باندې ۵۰۰ زره ماشومانو ته چې عمرونه یې له نهو میاشتو تر پنځو کلونو پورې وي، د شري او تر پنځه کلنو ماشومانو ته هم د ګوزڼ واکسین ورکړل شي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
