افغانستان او پاکستان به پر ترجیحي سوداګري هوکړه وکړي

د پاکستان لومړي وزیر شهباز شریف د جمعې په ورځ یوې اقتصادي غونډې ته ویلي، هېواد یې له افغانستان سره د «ترجیحي» سوداګري په اړه خبرو ته چمتو دی او په دې اړه خبرې‌اترې هم روانې دي.
له دې سره هم‌مهاله د افغانستان او پاکستان د سوداګرۍ ګډې خونې مسوولان وايي، له خبرواترو او د څو دوه‌اړخیزو مواردو له حل وروسته به د دواړو هېوادونو ترمنځ ترجیحي سوداګري پیل شي.

په تخار کې سېلابونو د ۲۰ کسانو ژوند اخیستی او ۱۵ نور ورک دي

د تخار محلي مسوولان وايي چې په دغه ولایت کې راغلیو سېلابونو لسګونه سیمې ویجاړې کړي چې له کبله یې شل کسانو ژوند بایللی او پنځلس نور هم ورک شوي دي.
د تخار د طبیعي پېښو پر وړاندې د مبارزې رییس احمدسیر ساجد وايي چې د دغه ولایت په مرکز او ولسوالیو کې د سختو بارانونو او سېلابونو راوتلو له کبله لږترلږه شل کسان مړه شوي دي.

عدلیې وزارت د دوو سیاسي ګوندونو او ۷۵ ټولنو مسوولان امنیتي ادارو ته ورپېژندلي

د سرپرست حکومت د عدلیې وزارت مسوولان وايي، په ۱۴۰۲ لمریز کال کې یې د ټولنیزو او مرستندویه ټولنو او سیاسي ګوندونو له ارزولو وروسته د دوو سیاسي ګوندونو او ۷۵ ټولنیزو او مرستندویه بنسټونو مسوولان امنیتي ادارو ته ورپېژندلي دي.

کندهار کې د ۳۱۷ زره امریکايي ډالرو په لګښت یو ښوونځی ګټې اخیستنې ته وسپارل شو

کندهار کې یو ښوونځی چې ۳۱۷ زره امریکايي ډالره لګښت پرې راغلی نن د کندهار ښار د نهمې ناحیې اړوند په میانکوه سیمو کې ګټې اخیستنې ته وسپارل شو.
د کندهار د اقتصاد رییس عبدالسلام بریالي چې په دغو مراسمو کې یې ګډون کړی و، وویل چې پر یاد ښوونځي ۳۱۷ زره امریکايي ډالره لګښت راغلی او په نهو میاشتو کې د ۱۲۰ کسانو له لوري جوړ شوی دی.

غزني کې ټرافیکې پېښې ۳۸ کسانو ته مرګ‌ژوبله اړولې

د غزني د امنیې قومانداني ویاند خالد سرحدي سلام‌وطندار ته ویلي چې په دغه ولایت کې یوې ټرافیکي پېښې ۳۸ کسانو ته مرګ‌ژوبله اړولې ده.
د نوموړي په وینا، دا پېښه بېګاه شاوخوا اته‌نیمې بجې د غزني د اندړو ولسوالي په ناني سیمه کې د یوه ۴۰۴ ډوله او یوه باروړونکي موټر د ټکر له امله شوې ده.

د غور د ټولو ولسوالیو مواصلاتي لارې وتړل شوې

د غور د ټولګټو چارو ریاست په یوه خبرپاڼه کې لیکلي چې د سختې واورې او توپان له کبله د غور‌-‌کابل لویې لارې په ګډون، د دغه ولایت د ټولو ولسوالیو لارې تړل شوې دي.
په خبرپاڼه کې د ولسوالیو له مسوولانو، امنیتي پوستو او ټرانسپورټي شرکتونو څخه غوښتل شوي چې د هوا تر برابرېدو پورې چا ته اجازه ور نه‌کړي چې پر یادو لارو سفر وکړي.

د بادغیس ټولې مواصلاتي لارې تړل شوي

د بادغیس محلي مسوولان د سختې واورې اورېدو له امله د دغه ولایت د ټولو مواصلاتي لارو د تړل کېدو خبر ورکوي.
د بادغیس د ځمکني ټرانسپورټ مدیر محمدعمر عزت وايي، په دغه ولایت کې د سختې او دوامدارې واورې د اورېدو له امله د قلعه‌ نو‌-‌هرات لویې لارې په ګډون، د ټولو ولسوالیو لارې تړل شوې دي.

غزني کې یوې ناوې ځان را ځړولی او وژلی

د غزني امنیتي مسوولان وايي، یوې ناوې د دغه ولایت په قره‌باغ ولسوالي کې ځان را ځړولی او وژلی دی.

د غزني د امنیې قومانداني ویاند خالد سرحدي سلام‌وطندار ته ویلي چې دغې ناوې نن (د کب لسمه، د پنجشنبې ورځ) د قره‌باغ ولسوالي په مزدورکي سیمه کې د خپل پلار په کور کې ځان را ځړولی او وژلی دی.

بلخ کې ټرافیکي پېښې؛ روان کال کې ۱۰۸ کسان مړه شوي

د بلخ د ټرافیکو مدیریت مسوولان وايي، د روان لمریز کال پر مهال په دغه ولایت کې د ټرافیکي پېښو له کبله ۱۰۸ کسان مړه شوي او ۱۶۰ نور ټپیان دي.
د بلخ د ټرافیکو مدیر عبدالقیوم مبارز وایي، دغو کسانو ته د بلخ‌-‌جوزجان او بلخ‌-سمنګان پر لویو لارو د ۱۲۲ ټرافیکو پېښو له کبله مرګ‌ژوبله اوښتې ده.

غزني کې یو ماشوم د انسان تښتوونکو له منګولو وژغورل شو

د غزني د امنیې قومانداني ویاند خالد سرحدي وايي، نن یې په دغه ولایت کې یو څوارلس کلن ماشوم د انسان تښتوونکو له منګولو ژغورلی دی.
دغه ماشوم د روزګان اوسېدونکی دی او د غزني په اندړو ولسوالي کې د انسان تښتوونکو له منګولو ژغورل شوی دی.

بادغیس کې د دوو موټرو ټکر؛ درې کسان مړه او اته نور ټپیان شوي

د بادغیس د ټرافیکو مدیریت مسوولان وايي چې په دغه ولایت کې د یوې ټرافیکي پېښې له امله د یوه ماشوم په ګډون درې کسان مړه او اته نور ژوبل شوي دي.
د بادغیس د ټرافیکو مدیریت د ټرافیکي پېښو امر عبدالمنان محمدي وايي، دا پېښه د چهارشنبې ورځې په ماښام د مقر‌-‌قلعه‌نو پر لویه لاره شوې ده.

د خوړو او درملو اداره خلکو ته: ناسالم خواړه مه خورئ، پر ناروغیو اخته کېږئ

د خوړو او درملو ادارې مسوولانو نن چهارشنبه په کابل کې یوې غونډې ته وویل چې د خوړو د خوندیتوب نه موجودیت لا هم په افغانستان کې یوه جدي ننګونه ده.
د خوړو او درملو ادارې سرپرست عبدالباري عمر وايي، اوس په افغانستان کې درې میلیون ماشومان او نږدې یو میلیون ښځې پر خوارځواکۍ اخته دي چې تر ټولو مهم لامل یې په هېواد کې د خوړو نه خوندیتوب دی.

خوست کې د ډله‌ييز قبر موندل کېدل؛ د تري‌تم شویو کسانو د کورنۍ غړي عدالت غواړي

له هغه وروسته چې په خوست کې یو ډله‌ييز قبر کې له ۱۰۰ څخه ډېر مړي په‌کې وموندل شول، یوشمېر خوستوال چې د کورنۍ غړي یې پخوا تري‌تم شوي، له نړیوالو ادارو د پلټنو او عدالت غوښتنه کوي.

د خوست ولایتي مسوولان وایي، وړمه ورځ یې د دغه ولایت په مرکز کې شیخ زاید پوهنتون ته نږدې د یوه چېک‌ډیم د جوړېدو پر مهال په یوه ډله‌ييز قبر کې سل جسدونه موندلي او نن یې په یوه بله سیمه کې خاورو ته سپارلي دي.

د راډیو نړیواله ورځ؛ «مالي ستونزو د راډیويي خپرونو پر کمیت او کیفیت منفي اغېز کړی»

د فبروري ۱۳مه د راډیو نړیواله ورځ ده، خو په افغانستان کې دا ورځ داسې مهال نمانځل کېږي چې دا مهمه او نوموتې رسنۍ د مالي ستونزو او محدوديتونو له امله د خپرونو د کمیت او کیفیت له کمښت سره مخ ده.
په کابل او یوشمېر ولایتونو کې د ځینو راډیوګانو مسوولان وايي، پر رسنیو محدودیتونو او اقتصادي ستونزو هېواد کې د راډیويي خپرونو پر کیفیت او کمیت منفي اغېز کړی دی.