د غور د ټولګټو چارو ریاست په یوه خبرپاڼه کې لیکلي چې د سختې واورې او توپان له کبله د غور-کابل لویې لارې په ګډون، د دغه ولایت د ټولو ولسوالیو لارې تړل شوې دي.
د سلاموطندار پښتو فېسبوکپاڼه وڅارئ
په خبرپاڼه کې د ولسوالیو له مسوولانو، امنیتي پوستو او ټرانسپورټي شرکتونو څخه غوښتل شوي چې د هوا تر برابرېدو پورې چا ته اجازه ور نهکړي چې پر یادو لارو سفر وکړي.
د غور د محلي مسوولانو په وینا، د دغه ولایت د ټولګټو ریاست د واورې پاکولو او ویلې کولو ډلې هڅه کوي چې د هوا په جوړېدو سره ژرترژره یادې لارې پاکې او د تګراتګ پر مخ یې پرانېزي.
د یادونې ده چې غور له تېرو څو ورځو راهیسې د سختې واورې اورېدو شاهد دی.
