د هرات محلي مسوولان تاییدوي چې د اسلامي امارت د ځواکونو یو موټر په دغه ولایت کې چپه شوی او له کبله یې څلور کسان وژل شوي او یو بل ټپي دی.
د هرات د والي ویاند حمیدالله متوکل سلاموطندار ته ویلي چې دا پېښه نن د هرات-کندهار پر لویې لارې د اسلامي امارت ځواکونو د موټر چپه کېدو له کبله شوې ده.
تر دې مخکې داسې راپورونه خپاره شوي وو چې په دې پېښه کې د هرات او فراه لوړپوړي چارواکي مړه شوي، خو د هرات د والي ویاند دغه راپورونه بېبنسټه بولي او وايي چې د اسلامي امارت چارواکو ته زیان نهدی اوښتی.
د سلاموطندار پښتو فېسبوکپاڼه وڅارئ
د دې پېښې د لامل په اړه څه نهدي ویل شوي، خو تر دې مخکې د ورته پېښو لامل تل د موټرچلوونکو نه احتیاط او ګړندی مزل په ګوته شوي دي.
