کابل کې د امریکا د یوې بېپېلوټه الوتکې په هوايي برید کې د القاعده ډلې مشر ایمن الظواهري له وژلکېدو وروسته د یاد هېواد د بهرنیو چارو وزارت خبرداری ورکړی چې د امریکا له لوري د القاعده مشر وژل کېدل، ښايي یاده ډله پر امریکايي وګړو او تاسیساتو بریدونو ته وهڅوي.
د امريکا ولسمشر جو بايډن ویلي چې دغه هېواد د افغانستان په پلازمېنه کابل کې د القاعده شبکې مشر ايمن الظواهري په يوه دقيق بريد کې وژلى دى. دا برید په ۲۰۱۱ کال کې د اسامه بن لادن له وژلکېدو راهیسې دغې ډلې ته تر ټولو لوی ګوزار ګڼل کېږي.
د امریکا ولسمشر جو بایډن پرون سپینه ماڼۍ کې د وینا پر مهال وویل، د روانې اوونۍ د یکشنبې پر ورځ یې کابل کې د القاعده شبکې مشر ایمن الظواهري د بېپیلوټه الوتکې برید کې وژلی دی. کابل کې د القاعده شبکې د مشر وژل کېدو ګڼ غبرګونونه راپورته کړي دي.
د هرات د ۲۰۷ الفاروق قول اردو کې یوه سرچینه چې نه غواړي نوم یې واخیستل شي، سلاموطندار ته ویلي، د ۲۰۷ الفاروق قولاردو پر کارکوونکو په دوو جلا جلا بریدونو کې د یاد قولاردو دوه کارکوونکي وژل شوي او ۱۸ نور ټپیان دي. د سرچینې په وینا، دغه پېښې د هرات ښار په نمبر یک او غیزان سنکر سیمو کې رامنځته شوي دي.
د هرات د امنیې قومنداني ویاند محمودشاه رسولي وايي، ناپېژنده وسلهوالو نن سهار شاوخوا ۷ بجې د هرات ښار څلورمه ناحیه کې د ۲۰۷ الفاروق قول اردو د کارکوونکو پر موتر برید کړی دی.
په کابل کې د افغان سېکانو او هندوانو پر عبادتځای د پروني وسلهوال برید وروسته، هېواد کې یوشمېر پاتې افغان سېکان او هندوان وايي چې افغانستان یې نور د اوسېدو ځای نه دی او اړ دي چې هند ته کډوال شي.
د باختر خبري اژانس د خبر له مخې، د اهل هنودو پر عبادت ځای د وسلهوالو بریدګرو او د اسلامي امارت د ځواکونو ترمنځ نښته پای ته ورسېد.
داعش ډلې پورې اړوند «اعماق» رسنۍ پر ازبکستاني ځواکونو د توغندیز برید تصویرونه او ویډیو خپاره کړي او ویلي یې دي چې دغه برید دوی کړی دی.
داعش ویلي، د ازبکستان او افغانستان ترمنځ ترمز سیمه کې یې پر ازبکستاني ځواکونو د «کاتیوشاه» په نوم ۱۰ راکېټونه توغولي دي.
په پولنډ کې د افغانستان سفارت ویلي چې پر اوکرایین د روسیې د برید راهیسې تراوسه ۲۰۰۰ افغانانو له اوکرایین څخه پولنډ ته پناه وړې ده.
په نورستان ولایت کې د یوه کلي اوسېدونکو هغه مهال یو پړانګ وژلی چې د یوه ځایي کلیوال پر څارویو یې حمله کړې وه.
ټاکل شوې چې د ملګروملتونو امنیت شورا نن په دې سازمان کې پر اوکرایین د روسیې د یرغل په اړه بېړنۍ غونډه جوړه کړي.
د امریکا مخکیني ولسمشر ډونالډ ټرمپ د روسیې او اوکراین ترمنځ د جګړې له دوام څخه خبرداری ورکړی او ویلي یې دي چې پر اوکراین د روسیې یرغل به د نړیوالې جګړې لامل شي.
د اوکراین بهرنیو چارو وزیر دیمتري کولبا پر دغه هېواد د روسیې د برید خبر ورکړی. هغه پر خپله ټویټرپاڼه لیکلي چې د روسیې ولسمشر ولادیمیر پوتین د اوکراین پر وړاندې بریدونه پیل کړي دي.
د اوکراین بهرنیو چارو وزیر په وینا، «دا یرغلګر بریدونه دي؛ خو اوکراین به له ځانه دفاع وکړي.» هغه له نړیوالو غوښتي چې د روسیې مخه ونیسي.
د امریکايي پوځ مرکزي قومنداني یا سنټکام د ۲۰۲۱کال د اګسټ میاشتې په ۲۶ نېټه پر کابل هوايي ډګر د ځانمرګي برید په اړه د خپلې تازه پلټنې موندنې په ډاګه کړې چې ښايي یاد برید پېچلی نه و. د سنټکام قومندان زیاته کړې، هېڅ څیز نهشي کولای چې په دغه برید کې وژل شوي امریکايي سرتیري بېرته راوګرځوي، خو دا مهمه ده چې پوه شو دغه برید څه ډول شوی.
رویټرز خبري اژانس رپوټ ورکړی چې د اسلامي دولت نومي ډلې یا داعش هرات کې د تېرې شنبې ورځې د مرګوني چاودنې مسوولیت پر غاړه اخیستی دی.
د سلام افغانستان رسنیزې موسسې (سلاموطندار راډیو) مرستیال نورمحمد هاشمي پرون مازدیګر د کابل ښار د څلورمې امنیتي حوزې اړوند د تایمني پر دویم سړک هغه مهال د ناپېژنده وسلهوالو تر برید لاندې راغی چې له دفتر څخه د کور پر لورې روان و. که څه هم هاشمي په دغه برید کې پر سر ټپي شوی، خو روغتیايي وضعیت یې د ډاډ وړ دی.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
