د ملګرو ملتونو سازمان پرون په جینوا کې د دې شورا په غونډه کې ویلي، داسې باورېدونکې ادعاوې یې ترلاسه کړي چې ښایي پر کابل د اسلامي امارت له واکمنېدو راهيسې افغانستان کې تر ۱۰۰ زیات کسان له محاکمې پرته وژل شوي دي. د بشري حقونو د شورا مرستیالې دغه راز ویلي، دې وضعيت په افغانستان کې د خلکو ترمنځ وېره او اندېښنه رامنځته کړې ده.
د رییس الوزرا لومړي مرستیال عبدالغني برادر نن په کابل کې له صنتکارانو سره په یوې ناسته کې له نړیوالې ټولنه وغوښتل چې اسلامي امارت په رسمیت وپېژني.
د بهرنیو اثارو پر وړاندې د افغانۍ ارزښت کمېدو په لړ کې د اسلامي امارت چارواکي وايي، یو لړ اقدامات یې ترلاس لاندې نیولي چې ورسره به د افغانیو ارزښت بېرته لوړ شي. په وروستیو څو ورځو کې د ډالر پر وړاندې د افغانۍ ارزښت په ډراماتیکه توګه راولوېده چې له امله یې په بازارونو کې د خوراکي او نورو توکو بیې لوړې شوې.
د افغانستان په ډېرې لرې پرتو سيمو کې له کلتوري محدوديتونو سربېره نجونې ښوونځيو ته ځي او د لوړو زدهکړو هيلې لري. تازه د پکتيا مرکز ګردېز کې له ۲۴ لېسو څخه ۱۹۰۶ زدهکوونکي چې ۳۵۴ يې نجونې دي فارغې شوي.
وروسته له هغې چې افغانیو په کمسارې توګه د ډالرو پر وړاندې خپل ارزښت له لاسه ورکړ، کابل کې د شهزاده سرای د صرافانو ټولنې ویاند عبدالراحمان ځیرک سلاموطندار ته وویل چې د ډالرو پر وړاندې د افغانیو د ارزښت ساتلو لپاره دې د افغانستان بانک بازار ته ډالر وړاندې کړي.
په افغانستان کې د پاکستان سفیر منصور احمد خان په دې وروستیو کې ویلي چې د اسلامي امارت په رسمیت پېژندل، د نړیوالې ټولنې پرېکړې او همغږۍ پورې تړلی دی. د احمد خان په وینا، د اسلامي امارت د رسمیت پېژندنې لپاره د سیمې د هېوادونو هوکړه مهمه مسله ده چې د دغه هېوادونو دریځ د اسلامي امارت لپاره مهم ګڼل کېږي.
افغانستان کې د القاعدې شبکې د فعالیت پراخېدو په تړاو د اندېښنو په دوام، سیاسي کارپوهان وايي، القاعده شبکه په افغانستان کې د خپل حضور پیاوړي کولو هڅه کوي چې د افغانستان او نړۍ د ثبات پر وړاندې ستر ګواښ دی. دوی زیاتوي چې القاعده شبکه افغانستان کې د بیا احیا هڅه کوي او غواړي د خپلو غړو شمېر زیات کړي.
عایشه دُرانۍ نیمرزو کې یوه له هغو ښځو څخه ده چې کلونه یې دغه ولایت کې د لاسي صنایعو د تولید په برخه کې کار کړی. نوموړې وايي، څه باندې څلور میاشتې کېږي چې د سیاسي بدلونونو او د ښځو لاسي صنایعو څخه د نه ملاتړ له امله وزګاره او په کور شوې ده.
په افغانستان کې د ملګرو ملتونو سیاسي استازولۍ یا «یوناما» ویلي، پر افغانستان د اسلامي امارت له واکمنېدو راهیسې د ښځو حقونه له پام لوېدلې دي. دغه بنسټ نن د «بشر حقونو نړیوالې ورځې» په مناسبت په یوې خبرپاڼه کې له اسلامي امارت څخه غوښتنه کړې چې د هر افغان له حقونو څخه ملاتړ وکړي.
د اروپایي ټولنې استازو او د پاکستان بهرنیو چارو وزیر شاه محمود قریشي تیره ورځ د افغانستان پر موضوع خبرې کړي او یوه ګډه خبرپاڼه کې یې اسلامي امارت څخه غوښتنه کړې، چې د بشري ناورین او نورو ناخوالو مخنیوي لپاره سیاستوالو سره خبرې پیل کړي او ټولشموله حکومت جوړ کړي.
د افغانستان لپاره د امریکا د بهرنیو چارو وزارت ځانګړي استازي ټوماس ویسټ ویلي، که څه هم په افغانستان کې د روان وضعیت په اړه پوهېږئ، خو تر هغه یې چې شرایط نه وي منل شوي، اسلامي امارت به په رسمیت ونه پېژني. ویسټ ټینګار کړی چې اسلامي امارت باید پر خپلو ژمنو عمل وکړي او امریکا هم باید په دې اړه ډاډ ترلاسه کړي.
له تېرو څو ورځو راهیسې په ټولنیزو شبکو کې داسې راپورونه لاس په لاس کېږي چې په هېواد کې د میوند خصوصي بانک سقوط کړی چې یادې چارې د ګڼشمېر هېوادوالو اندېښنې راپارولي دي. خو د اسلامي امارت او د افغانستان بانک چارواکي دا راپورونه ناسم بولي او وايي چې په هېواد ټول بانکونه فعال دي.
کابل کې د اندرا ګاندي یا د ماشومانو د درملنې ځانګړي روغتون مسوولان او ډاکټران وايي چې د کابل ښار په یوشمېر هټیو کې د بهرنیو هېوادونو او د امریکايي ځواکونو د چمتو شویو خوړو له امله څلور ماشومان مړه شوي دي.
اسلامي امارت د ملګرو ملتونو هغې پرېکړې ته غبرګون ښودلی چې په دغه سازمان کې د افغانستان د استازولۍ څوکۍ د مخکیني حکومت استازي غلام محمد اسحاقزي ته ورکړې.
د ملګرو ملتونو عموم غونډې یو پرېکړه لیک تصویب کړ چې له مخې یې د افغانستان د اسلامي امارت هغه غوښتنه شاته غورځوي چې ملګرو ملتونو ته یې خپل نوی استازی ورپېژندلی و.
که څه هم د اسلامي امارت د خپلې واکمنۍ په لومړیو ورځو کې د یوه فرمان په ورکولو سره ویلي وو چې له هېواد بهر ته د زړو اوسپنو لېږد بندی شوی، خو د دې برخې کاروباریان او صنعتکاران لا هم پاکستان ته د اوسپنې د قاچاق په اړه اندېښنه څرګندوي. د اوسپنې یو کاروباري وايي، اوس هم د کندهار سپین بولدک له لارې زړې اوسپنې پاکستان ته قاچاقېږي.
د سلاموطندار په اړه
نشراتي سیاست او مسلکي اصول
د خصوصي حریم سیاست
له موږ سره اړیکه
کارموندنه
د معلوماتو او سندونو لېږل
له موږ سره د همکارۍ شرایط
شکایت
راډیويي خپرونې
فلم او تصویر
آر اس اس
په خبرپاڼه کې ګډون
