د بسمالله عادل کورنۍ وايي، زوی يې هېچا سره شخصي دښمني نه لرله او د خلکو د غږ اوچتولو لپاره ووژل شو. د عادل پلار گل محمد عادل وايي، پر زوی يې څو ځله د وسلهوالو لوري بريدونه شوي دي چې روغ ترې وتلی و.
د نوموړي په وينا، دوی دا موضوع څو څو ځله له کشفي او استخباراتي ادارو سره شريکه کړې؛ خو هېڅ پام ورته نه دی شوی.
د عادل کورنۍ له مسوولانو غواړي چې عاملان يې وپېژني او سزا ورکړي.
د بسمالله عادل وژنې ډېر غبرګونونه هم راپارولي دي. یوشمېر محلي خبریالان په غور کې د خبریالانو د هدفي وژنو په اړه اندېښنه ښيي او وايي، هېڅ استخباراتي او کشفي ادارې دا موضوع جدي نه ده نیولې.
د غور محلي مسوولان په دې اړه د څېړنو د پیل خبر ورکوي.
د غور غږ راډیو مدیر مسوول بسمالله عادل پرون د دغه ولایت د فېروزکوه ښار په لوېدیځه څنډه کې د ناپېژانده وسلهوالو له لوري ووژل شو. له هغه نه درې کوچني ماشومان پاتې دي.
