د فاریاب روغتیايي مسوولان وايي چې یوې ښځې د دغه ولایت په المار ولسوالي کې څلور ماشومان زېږولي دي.
فاریاب کې د ۳۰۰بستریز روغتون رییسه فوزیه سلیمي وايي، دغې ښځې نن سهار د المار ولسوالي په کلینیک کې څلور ماشومان چې ټولې نجونې دي، زېږولي دي.
د سلاموطندار پښتو فېسبوکپاڼه وڅارئ
په همدې حال کې د فاریاب د ولایتي روغتون د ماشومانو څانګې مسوول نعمتالله عزیزي سلاموطندار ته ویلي چې یاد ماشومان د څارنې او ساتنې په موخه دغه روغتون ته ور وړل شوي چې په خبره یې، د درېوو ماشومانو روغتیايي وضعیت ښه او د یوه د اندېښنې وړ دی.
بلهخوا د دې ښځې د کورنۍ غړی نوراغا وايي چې د زېږېدلیو ماشومانو پلار درې میاشتې مخکې د اقتصادي ستونزو له کبله ایران ته تللی دی.
هغه د فاریاب له مسوولانو غواړي چې د تازه زېږېدلیو ماشومانو د څارنې او ساتنې لپاره ورسره همکاري وکړي.
